Ezekel 9
9
Burmiya ge suwal Ursalima ne
1Mbi za̰ Bage ɗiŋnedin oyya ne ka̰l ndaar janna go: «Naa ge suwal ma, nda me ta ya zi, ndu ge daage na he na kaŋ pore ge ne burmiya pe ya na tok go.» 2Ndi, mbi kwa naa myanaŋgal mbo ya ne zok wak ga̰l ge kuu ge ya, ndu ge daage ne na kaŋ pore ge ne burmiya pe na tok go. Nama buwal zi, mbi kwa ndu a̰me ne ba̰r ɓoso lin kanna na ta, kat ne kaŋ njaŋge kaŋ ge naa ge njaŋgeya ma ne na bit ta go. A mbo ya mḛya twal tuwaleya ge ne ke ne fool ŋgirma ta. 3Hormo ge Dok ge Israyela ne, na ge ne abe tene kavaar ge ne digi zi ya ma pala digi, mbo ya mḛya zok wak pal, tol ndu ge ne ka̰ ba̰r ɓoso lin, na ge ne kaŋ njaŋgeya na bit ta, 4Jan na go: «Wá suwal Ursalima diŋ, e logom ge naa ge a ne sun ta ma, ne naa ge a ne yo̰re ta ne kaŋ sḭḭm ge seŋgre kakatak ge ne ke ne suwal mbe diŋ pe ma sḭ́ḭ́l go.» 5Mbi za̰ na jan naa ge may ma go: «Wá me na pe suwal diŋ, hṵ me naa uzi, aŋ ndwara na bá to, kwa me nama a̰se to. 6Hṵ me nama uzi kakaɗak, sabar ma, ne bool ma, ne vya kale ma, ne naa jabso, ne naa zaab. Amma ta me aŋ tok naa ge ne logom ma ta to. E me pe da ne zok ge mbegeya zi.» A e pe ne naa ga̰l ge ne zok wak go ma ta#Daa 7:3-4, 9:4.. 7Jan nama go: «Há me zok ge mbegeya seŋgre, wi me na yapul ne siya ma! Wá me zum!» A zut zum, a hun naa ne suwal diŋ uzi.
8Swaga ge a ne ka hun naa, ne jo̰ mbi gá hini ɗu, mbi dol tene suwar zi, mbi kubi mbi pul se, mbi ka fyalla go: «O! Bageyal Bage ɗiŋnedin, ge pore juliliya ge mo ne ge ne Ursalima pal zi, mo ɓyare burmi Israyela vya ge ne gá ma pe uzi ɗaa?» 9Gwan ne mbi janna go: «Ya̰l ge Israyela ma ne, ne ge Yuda ma ne waɗe gḛ ge be to. Suwal wi da ne naa ge hun siya ma, ne kaŋ kerra ge waal gwagwaraŋ ma. Ago a gá jan go: ‹Bage ɗiŋnedin saŋge suwal ya na go̰r, kwa kaŋ a̰me ge ne ne ke ne go to.› 10Ne no pe, mbi ndwara mbo bar nama ta to, mbi mbo kwa nama a̰se to bat, mbi mbo é nama in dṵṵl ge nama kaŋ kerra ma ne.» 11Swaga mbe go, ndu ge ne ka̰ ba̰r ɓoso lin, ge ne kaŋ njaŋgeya ne na bit ta, mbi za̰ na wan na fare pe go: «Mbi ke dimma ne mo ne ho̰ mbi wak go.»
Currently Selected:
Ezekel 9: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
