Ezekel 35
35
Mḛreya ge Edom ma ne
1Bage ɗiŋnedin jan mbi go: 2«Mo ndu dasana, saŋge mo ndwara ge njal ge Seyir ne ta, waage fare na pal#25:12-14.. 3Jya̰ na go, Bageyal Bage ɗiŋnedin jan go:
Ndi, mbi mbo saŋge tene ya mo njal ge Sayir ne ta,
mbi mbo ŋgay mo mbi pool,
mbi mbo burmi mo uzi,
mo mbo gá joo pala baŋ.
4Mbi mbo saŋge mo suwal ma joo pala baŋ,
mo mbo burmi uzi,
mo mbo kwa go, mbi Bage ɗiŋnedin ne.
5Ne jo̰ mo kwane Israyela vya ma herleŋ, mo ka̰ nama pore wak zi swaga ge a ne ɓó yál go, nama dam mḛreya ge go̰r dab go. 6Ne jo̰ mbi da ne ndwara, ka̰l ge Bageyal Bage ɗiŋnedin ne, mbi mbo kan mo swama se, swama ge mo ne ka̰ na se mbe, a mbo gele na. Mo ka̰ swama se be ge tumri tene, a mbo kan mo swama se me. 7Mbi mbo burmi njal ge Seyir ne uzi, mbo gá joo pala baŋ, mbi mbo hun naa ge ne kale ne na go ma uzi. 8Mbi mbo wi mo njal ma pala ne siya ma. Naa ge pore ne zá nama mbo gá kanna njinjik ge mo njal ge sore busur ma pal, ge mo baal pul ma se, ne mo mam pul ma se. 9Mbi mbo burmi mo uzi ɗiŋnedin, ndu mbo gwan kat mo suwal ma go to bat. Go no, aŋ mbo kwa go mbi Bage ɗiŋnedin ne.
10Ne jo̰, mo jan go: ‹Pehir mbe ma azi jwak ne bama suwal ma, nama ge Bage ɗiŋnedin ne nama go, mbi mbo ame nama, a mbo gá mbi joo.› 11Ne jo̰ mbi da ne ndwara, ka̰l ge Bageyal Bage ɗiŋnedin ne. Mbi mbo ke ne mo dimma ne mo ne ke ne nama laar ol, ne yil, ne kwaneya ge mo ne zi go. Mbi mbo e nama kwa go, na mbi, mbi kun sarya mo pal ne. 12Mo mbo kwa go, mbi Bage ɗiŋnedin, mbi za̰ mo sáso ma ge mo ne ka sal njal ge Israyela ne. Mo ka jan go: ‹A burmi ya swaga, a gá i kaŋzam.› 13Aŋ ndage fare asar ma ne aŋ wak zi jan mbi, aŋ só fare se yayak janna mbi pal, mbi za̰ nama.
14Bageyal Bage ɗiŋnedin jan go: Ne laar saal ge suwal ma ne pe mwaɗak, mbi mbo burmi mo uzi. 15Ne jo̰ mo ke laar saal ne burmiya ge joo ge Israyela ne pe, mbi mbo ke ne mo go no me. Njal ge Seyir ne, ne suwal Edom mwaɗak, mo mbo gá joo pala baŋ, go no, a mbo kwa go mbi Bage ɗiŋnedin ne.»
Currently Selected:
Ezekel 35: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
