Bage oy fare 11
11
Kaŋ honna jyat baŋ to
1Va naa mo kaŋzam ma, mo dḛ mbo ɓol nama#11:1 Ne wak ibriniya zi a jya̰ go: Dó mo katugum mam se ya, ago mo dḛ mbo ɓol na..
2Ho̰ mo kaŋ ma swaga ma go hini hini, ago mo kwa yál ge ne mbo det dḛ ya suwar pal to.
3Swaga ge pḭr ne sebe ya se, ya̰ mam swarra ya suwar pal. Swaga ge uwara ne det go, ko a le mbii, ko le kuu, gá na swaga mbe go dolla.
4Ndu ge ne kat ne saam pe ndilla, mbo kan na kaŋ hir se to.
Ndu ge ne kat ne pḭr pe ndilla, mbo kan siyal to me.
5Ne jo̰, mo kwa viya̰ ge saam ne kwal go to, ko viya̰ ge vya sḛ duur ne mbwat na ná laar zi to, go no me, mo kwa viya̰ ge Dok ne ke kaŋ ma to, a na ke kaŋ ma ne pet.
6Tek ge swaga gale ne cya̰wak, zare mo kaŋ hir, ɗiŋ mbo gasamal kaage mo kan mo tok ne temel ta to. Ago mo kwa go, na ge no, ko ge may, ko na nama jwak, nama ke kwaɗa ne to.
7Kwaya̰l kwaɗa, a siŋli ne ndwara pe ge na kwa gyala.
8Kadɗa ndu dasana ke del ma ya gḛ suwar pal, na ke laar saal nama zi pet, amma na ka ne kwarra go dam ge haŋle ma gḛ ceɗed me. Ago kaŋ ge ne mbo ya dḛ ma, a a̰me pe ne to.
Dwa ne dam siya ge mo ne
9Mo ge bool, ke tuli bool ge mo ne zi, ka ne sḛ tuli dam ge mo ne ma zi mwaɗak, ke kaŋ ge mo laar ne ɓyare, kaŋ ma ge mo sḛ ne ke tuli nama pal. Amma ka ne kwarra go, Dok mbo kun sarya mo kaŋ kerra ge daage ma pal pet. 10Ndage dwatɗa ne mo zi uzi, yá̰ sone ne mo ta uzi. Ago bool ma ne na pool nama a̰me pe to.
Currently Selected:
Bage oy fare 11: FGN2013
Highlight
Share
Compare
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
