Numbers 31
31
1Nalekablo Mosese oᴋarvigivâ, oᴋarlune:
2Israêlikut akkiniutigikit Midiakunut, kingorngane tagva ilaliudjauniarpotit inuᴋutigijarnut.
3Mosesiblo inuit oᴋarvigivait, oᴋarlune: Angutinik sorᴋsuktuksanik ᴋeneritse akunapsingne, Midiakunik unatariartortuksanik, nâmaksititsijuksanik Nâlekab akkiniarninganik Midiakunik.
4Kinguvârênit tamainit, Israêlib kinguvârêngninginit ilûnainit, atunit 1,000nik tiliklertuksauvose unatarnermut.
5Taimaimat tausendeoᴋattartunit Israêleme 1,000 tilijauvut kinguvârênit tamainit, 12,000, sakkolijarlutik unatarnermut.
6Mosesiblo tilivait, 1,000 kinguvârênit tamainit, unatarnermut, tâpkoa Pinehaselo Eliasarib ajoᴋertuijûb erninga, perᴋutillo ivlernartut tiptulautillo kamasâriutit tigumiarlugit.
7Sorᴋsugiartorpullo Midiakunut, sôrlo Nâlekab Mosese perᴋolaungmago; angutillo tamaita toᴋorarpait.
8Midiakullo ataningit toᴋogivait toᴋorartaujut ilagilugit; Evi, Rekemelo, Zurelo, Hurelo, Rebalo, Midiakut ataningit tellimat: Balaametauᴋ, Beorib erninga, toᴋopât saviksoarmut.
9Israêlikullo arnat Midiamiut ᴋitorngangillo tiguvait; nergjuteᴋotingillo tamaita, saugaᴋotingillo tamaita, perᴋutingillo tamaita aᴋsârnigarivait.
10Iglugasaksoaᴋotingillo nunaᴋarvigijangine tamaita, tupersoangillo tamaita ikomamut nungupait.
11Tigujaksallo tamaita, aᴋsârnigaksallo tamaita tiguvait, inuillo nergjutillo.
12Inuillo aularutijat, perᴋutillo tigujat, nergjutillo aᴋsârnigât tikiutivait Mosesemut, Eliasaremullo ajoᴋertuijomut, Israêlikullo ilagêktoᴋsôninginut, tangmârvingmut Moabib naternangane, Jordanib seniane Jerikome.
13Mosesiblo Eliasariblo ajoᴋertuijûb ilagêktullo angajoᴋângita ilûnatik anilutik pagreartorpait tangmârviub avatânut.
14Mosesiblo sorᴋsuktuksat angajoᴋângit, angajoᴋaujullo tausendelingnut angajoᴋaujullo hundertelingnut utertut unatarnermit ningaridlarpait.
15Mosesiblo oᴋautivait: Arnat tamaita inôtipisigîk?
16Ahâk, tâpkoa, Balaamib atanertuiningagut, Israêlikut tapatipait Nâlekamik Peor pitjutigilugo, tamannalo pivlugo nusilingnartoᴋ tikilauᴋpoᴋ Nâlekab ilagêktoᴋotinganut.
17Taimaimat mâna angutiarsuit tamaita sorutsit akorngane toᴋorarsigik, arnallo tamaita ilisimajut anguniarnermik toᴋorarsigik.
18Sorutsille arnaujut ilûnaita, anguniarnermik ilisimalungitut, inôtisigik ilipsingnut.
19Ilipselo tangmâleritse tangmârviub avatâne uvlunik sevenenik; tamapse inungmik toᴋotsisimajose, toᴋungajomiglônêt aktuisimajose, sujungaitileritse nangminipsingnik uvlut pingajuane uvlullo seveningane, ilipse aularutijaselo.
20Annorâselo tamaita, kissingnillo senamajut tamaita, tuktungajullo merᴋunginit senamajut tamaita, perᴋutillo tamaita ᴋejungnit senamajut, sujungaititaksarivase.
21Eliasariblo ajoᴋertuijûb angutit sorᴋsuktut unatarnermut ailauᴋtut, oᴋautivait: Tamadja perᴋojaᴋ maligaksaᴋ Nâlekab perᴋojanga Mosesemut:
22Goldelo, silberelo, ᴋaᴋorlerlo, kikiarlo, amertajarlo, aᴋitorlo,
23Ilûnaitalo ikomamut asserortausôngolungitut, ikomakôrtitaksarivase, sujungaititauᴋovlugit; sullele ivsornaititaujuksauvut imermut sujungailisautiksamut: tamaitale ikomamut asserortausôt imermut pititaksarivase.
24Uvlullo seveningane annorâse ergortoraksarivase, tagva ivsornainiarpose, tungânelo tangmârvingmut aijuksauvose.
25Nâlekablo Mosese oᴋarvigivâ, oᴋarlune:
26Aᴋsârnigât tigujaujut, inuillo nergjutillo, unurningit kitilersigik, igvit, Eliasarelo ajoᴋertuijoᴋ, ilagêktullo kinguvârêt angajoᴋângit;
27Aᴋsârnigâllo avilugit maggûlivlugit; abvangit tunilugit sorᴋsuktuksanut unatarnermut ailauᴋtunut, abvangillo ilagêktoᴋsoarnut;
28Nâlekable ilangiusiarijaksanganik tigusigit sorᴋsuktuksanit unatarnermut ailauᴋtunit; tamât atautsemik 500nit, inungnit, tuktuvangnillo, siuteᴋortojunillo, saukanillo;
29Tâpkoa abvanginit tigukit, tunilugillo Eliasaremut ajoᴋertuijomut, tunergutiksauᴋovlugit isautijauᴋattartut Nâlekamut.
30Israêlikullo abvanginit tigusijuksauvotit atautsemik 50nit tamainit, inungnit, tuktuvangnillo, siuteᴋortojunillo, saukanillo, tagva nergjutinit tamainit, tunilugillo Levikunut, Nâlekab tupinganik udjertortunut.
31Moseselo Eliasarelo ajoᴋertuijoᴋ piniarpuk sôrlo Nâlekab Mosese perᴋolaungmago.
32Aᴋsârnigâllo, sorᴋsuktut tigujaviningit kikilugit, imaiput, saukat 675,000,
33Tuktuvaillo 72,000,
34Siuteᴋortojullo 61,000,
35Inuillo, arnat ilisimalungitut anguniarnermik, 32,000.
36Abvangillo, unatarnermut aijovinit ilangiusiarijangit, katillugit saukat 337,500;
37Nâlekablo ilangiusiarijangit, saukat 675.
38Tuktuvaillo 36,000; tâpkonangallo Nâlekab ilangiusiarijangit 72.
39Siuteᴋortojullo 30,500, tâpkonangallo Nâlekab ilangiusiarijangit 61.
40Inuillo 16,000; tâpkonangallo Nâlekab ilangiusiarijangit, inuit 32.
41Mosesiblo ilangertaujut, Nâlekab tunergusiarijangit isautijauᴋattartut, tunivait Eliasaremut ajoᴋertuijomut, sôrlo Nâlekab Mosese perᴋongmago.
42Israêlikullo abvasiarijangit, Mosesib ilangertangit angutinit sorᴋsuktunit,
43Ilagêktut abvasiarijangit imaiput, saukat 337,500,
44Tuktuvaillo 36,000,
45Siuteᴋortojut 30,500,
46Inuit 16,000;
47Israêlikut abvasiarijanginit Mosese tigusivoᴋ tamât atautsemik 50nit, inungnillo nergjutinillo, tunilugillo Levikunut udjertortunut Nâlekab tupinganik; sôrlo Nâlekab Mosese perᴋongmago.
48Sorᴋsuktoᴋatigêksuillo tausendeoᴋattartut angajoᴋângit, angajoᴋaujullo tausendenut, angajoᴋaujullo hundertenut, Mosesib sânganôrput;
49Moseselo oᴋautivât: Kivgatit kititsiᴋauvut sorᴋsulauᴋtunik pairijaptingnik, ilaptingniglo atautsemiglônêt assinuartoᴋangilaᴋ.
50Nâlekablo tunergusiarijanga ᴋaipavut, ilûnata atunit nagvârtaptingnit, goldemit senamajut, ᴋelaumgujat singiujat, tajallo, ᴋeterdlermillo, siumiutallo, ujamillo, tarnivut ulapᴋoseromavlugit Nâlekab sângane.
51Mosesiblo Eliasariblo ajoᴋertuijûb golde tiguvâk tâpkonangat, tagva perᴋutit senamajut.
52Goldelo, tunergutaujoᴋ isautijaujoᴋ, angajoᴋât tausendenut angajoᴋâllo hundertenut tunijangit Nâlekamut sekeletut 16,750tut oᴋumaitigivoᴋ.
53Sorᴋsuktut atunit aᴋsârnisimalaungmatta nangminerijaksamingnik.
54Mosesiblo Eliasariblo ajoᴋertuijûb golde tiguvâk angajoᴋaujunit tausendenut angajoᴋaujunillo hundertenut, âlugolo ilagêktut tupinganut, erᴋaumajutiksauᴋovlugo Israêlikunut Nâlekab sângane.
Currently Selected:
Numbers 31: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
