Numbers 28
28
1Nalekablo Mosese oᴋarvigivâ, oᴋarlune:
2Israêlikut perᴋokit oᴋautilugilo: Piliusiaksakka, tunergutiksat ôtaksat ikomakut, tipitsiariksautiksat, tunijaksarivase uvamnut neliutsiarningane.
3Oᴋautijaksarivatillo: Tamadja tunergutiksat ikomakut tunijaksarijase Nâlekamut: saugârsûk angutîk atautsimik jârelîk, ᴋanoetoᴋangitûk, maggûk ᴋaut tamât, tunergutiksamut ôtaksamut noᴋᴋajuitomut.
4Saugârsuk atauseᴋ tunergutiksarivat uvlâkut, saugârsûblo aipanga tunergutiksarivat unnukut;
5Senaugatsiarmiglo, tunergutiksamik nerᴋiksamik, efab tellimaujoanik, akusimajomik orᴋsumut katjuksimajomut, hinib sitamanganut.
6Tunergutiksauvoᴋ ôtaksamik soraijuitomik, aulataulauᴋtomik ᴋaᴋᴋame Sinaime, tipagiktôvlune naimajominartoᴋ, tunergutiksamik ikomakut Nâlekamut.
7Tunergutiksamiglo imiksamik ilakartuksauvok kinib sitamanganik saugârsungmut atautsemut; ivsornaitovingme kovisijuksauvotit tunergutiksamik imiksamik pitsartujomik Nâlekamut.
8Saugârsûblo aippanga tunergutigijaksarivat unnukut; tunergutiksatut nerᴋiksatut uvlâkut, tunergutiksatullo imiksatut ilingavlune tunergutigijaksarivat, tunergutiksaᴋ ikomakut, tipiksaᴋ naimajominartoᴋ Nâlekamut.
9Uvlormelo sabbateojome saugârsûngnik angutîngnik maggûngnik, atautsemik jârelîngnik, ᴋanoetoᴋangitûngnik, senaugatsiarmiglo efab tellimaujôgingnik maggûngnik, tunergutiksamik nerᴋiksamik, orᴋsumut akusimajôngnik, tunergutiksanganik imiksamik ilaᴋartilugo;
10Tamadja tunergutiksauvoᴋ ôtaksamik sabbatine tamaine, tunergutiksaᴋ ôtaksaᴋ soraijuitoᴋ, tunergutiksangalo imiksaᴋ tapilugo.
11Takkillo pigiarningine tunergusertuksauvose tunergutiksamik ôtaksamik Nâlekamut; tuktuvângnik inôtsûngnik maggûngnik, saugarmiglo angusalormik, saugârsungniglo angutinik sevenenik, atautsemik jârelingnik, ᴋanoetoᴋangitunik;
12Senaugatsiarmiglo, tunergutiksamik nerᴋiksamik, efab tellimaujunginik pingasunik, orᴋsumut akusimajunik, tuktuvangmut atautsemut, senaugatsiarmiglo, tunergutiksamik nerᴋiksamik, efab tellimaujôgingnik maggûngnik, orᴋsumut akusimajûngnik, saugarmut atautsemut.
13Senaugatsiarmiglo, tunergutiksamik nerᴋiksamik, efab tellimaujoanik atautsemik, orᴋsumut akusimajomik, saugârsungmut atautsemut; tunergutiksauᴋovlugit ôtaksamik naimajominartomik, tunergutiksamik ikomakut Nâlekamut.
14Tunergutiksangillo imiksat imaituksauvut: vainemik hinib abvanganik tuktuvangmut atautsemut, hiniblo pingajuanik saugarmut angusalormut, hiniblo sittamanganik saugârsungmut; tamadja tunergutiksaᴋ ôtaksaᴋ taᴋᴋine tamaine jârib taᴋᴋingit nâvlugit.
15Tuktungajorlo angusâloᴋ atauseᴋ tunergutaujuksauvoᴋ ajortoêrutiksamik Nâlekamut; tapiksaujuksauvoᴋ tunergumut ôtaksamut soraijuitomut tunergumullo imiksamut.
16Takkillo sivorlerpângata uvlungita 14ingane Nâlekab ᴋângervia neliutivoᴋ.
17Taᴋᴋiublo tâpsomatsainaub uvlungita 15inga uvloᴋsiorviovoᴋ; uvlut sevenit nâvlugit ᴋaᴋᴋôjaᴋtortuksauvose pubjusauteᴋangitunik.
18Uvlut tâpkoa sivorlerpângane katimaniksaᴋartuksauvose opinartoᴋsoarmik; oᴋumaitomik suliaᴋartailijuksauvose;
19Tunergusertuksauvosele tunergutiksamik ikomakut, tunergutiksamik ôtaksamik Nâlekamut; tuktuvângnik inôtsûngnik maggûngnik, saugarmiglo angusâlormik atautsemik, saugârsungniglo angutînik 7nik, atautsemik jârelingnik; ᴋanoetoᴋangitunik annerosuktuksauvose;
20Tapiksanginiglo tunergutiksamik nerᴋiksamik, senaugatsiarmik orᴋsumut akusimajomik; tellimaujoanik pingasunik tunergusertuksauvose tuktuvangmut atautsemut; tellimaujoângniglo maggûngnik angusâlormut;
21Tellimaujoaniglo atautsemik tunergusertuksauvotit saugârsuit sevenit atunit pivlugit;
22Tuktungajomiglo angutimik atautsemik tunergutiksamik ajortoêrutiksamik, ulapᴋosertaujutiksapsingnut.
23Tamakkoa tunergutigijaksarivase tunergutiksaᴋ ôtaksaᴋ uvlâᴋsiut tapilugo, tâmna tunergutiksaungmat ôtaksamik soraijuitomik.
24Taimailiorluse uvlut sevenit nâvlugit tunitjijuksauvose tunergutiksanik nerᴋiksanik tunergutaujunik ikomakut tipitsiariksautiksamik Nâlekamut; tunergutiksaᴋ ôtaksaᴋ soraijuitoᴋ, tunergutiksarlo imiksaᴋ tâpsoma ilanga, tapigilugo.
25Uvlullo seveningane katimaniksaᴋartuksauvose opinadlartomik; oᴋumaitomik suliaᴋartailijuksauvose.
26Taimaktauk uvlorme pijariorutit uvloᴋsiorutauvingane, tunitjitiluse tunergutiksamik senaukamik nutâmik Nâlekamut vôgesiorvipsingne, katimaniksaᴋartuksauvose opinadlartomik; oᴋumaitomik suliaᴋartuksaungilase;
27Tunergutiksamigle ôtaksamik tunergusertuksauvose tipitsiariksautiksamik Nâlekamut; tuktuvângnik inôtsûngnik maggûngnik, saukamik angusâlormik atautsemik, saugârsungniglo angutinik sevenenik, atautsemik jârelingnik;
28Tâpkoalo tapiksanginik, tunergutiksamik nerᴋiksamik, senaugatsiarmik orᴋsumut akusimajomik, tellimaujoanik pingasunik tuktuvangmut atautsemut, tellimaujoângnik maggûngnik angusalormut atautsemut,
29Tellimaujoaniglo atautsemik saugârsuit sevenit atunit pivlugit;
30Tuktungajomiglo angutimik atautsemik ulapirᴋsartauniksapsingnut.
31Tunergutiksaᴋ ôtaksaᴋ soraijuitoᴋ tunergutiksarlo nerᴋiksaᴋ tâpsoma ilaksanga tapilugo, tunergutigijaksarivase (ᴋanoetoᴋangitunik annerosuktuksauvose), tâpkoalo ilaksanginik tunergutiksanik imiksanik.
Currently Selected:
Numbers 28: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
