Numbers 24
24
1Bâlaamelo takogame Israêlikut saimarsartaugiangat ᴋuvianarmat Nâlekamut, ailungilaᴋ sivornganetut nelautainerlungneᴋsioromavlune, kênanele sâtipâ sunaᴋajuitomut.
2Takosarlunelo, Israêlikut takovait tangmârsimavlutik kinguvârêngit maliklugit, Gûdiblo anerningata tupvigivâ.
3Imgerutinelo isuᴋsilugo, oᴋarpoᴋ: Bâlaam, Beorib erninga, oᴋarpoᴋ, angutelo, uitajunik ijilik, oᴋarpoᴋ:
4Gûdib oᴋausinginik tusartoᴋ, oᴋarpoᴋ: ajugaᴋangitûb takotitjutinganik tautuktoᴋ, pâmangavlune, ijeᴋarlunele uitajunik:
5ᴋuvianartoᴋsôvut tupitit, Jâko, tupersoatit, Israêle!
6Naᴋsatitut issivitsiarput, perorsêviktitut kôb seniane, napârtutitut tipitsiariksautiksatitut Nâlekab ilijangititut, napârtutitut Sideretut imit seniane.
7Imeᴋ kôlârpoᴋ ᴋatanginit, karngasutingillo imânêlârput unuktune, ataninga ajugaunersaulârpoᴋ Agagemit, ataniovingalo opinadlalârpoᴋ.
8Gûdib aularutivâ Egiptenemit, nukkeᴋarporlo tuktuvaub nujoartûb nukkingatut: inôᴋatigêksuit ômigijine nungulârpait, sauningillo serᴋalilugit, puttôlârpait ᴋargjuminut.
9Aᴋopivoᴋ, palungavoᴋ loevetut, pûsevâluktullo; kia tupaksarniarᴋaûk? Saimarsartaule saimarsaijoᴋ ilingnik, ôminarsijaulelo ôminarsiᴋojijoᴋ ilingnik.
10Bâlakiblo Bâlaam ningaumajârvigidlarpâ, agganelo patiktidlarpait: Bâlakiblo Bâlaam oᴋautivâ: ᴋaiᴋolauᴋpagit ôminarsijauᴋojiᴋovlutit ômigijimnik, ahâglo, pingasuertorlutit saimarsarpatit.
11Taimaimat mâna ᴋemâlerit nunagijarnut; issumaᴋalauᴋpunga angijomik opigijomavlutit; ahâgle, Nâlekab opigijautailitipâtit.
12Bâlaamiblo Bâlak oᴋautivâ: Aᴋpârtoᴋotitit tilijatit uvamnut oᴋarvigilaungilakkâ, oᴋarlunga:
13Bâlakib tunitjiviginajarpanga iglominik tatatomik silberemik goldemiglo, Nâlekab oᴋausingata ungatânôrungnangilanga, ajungitomiglônêt ajortomiglônêt issumamnik piniaromavlunga; Nâlekab oᴋauserijanga, tâmna oᴋauserijomavarâ?
14Mânalo, ahâk, inôᴋatimnut ailerpunga; ᴋailerit, oᴋautitsomavagit inugiartoᴋsuit pinialârninginik inuᴋotingnut neliutome pijomârtome.
15Imgerutinelo isuᴋsivâ, oᴋarlunelo: Bâlaam, Beorib erninga, oᴋarpoᴋ, angutelo, uitajûngnik ijilik, oᴋarpoᴋ:
16Gudib oᴋausinginik tusartoᴋ oᴋarpoᴋ, ᴋaujimajorlo ᴋotsingnerpângojûb ilisimaninganik, ajugaᴋangitûb takotitjutinganik tautuktoᴋ, pâmangavlune, ijeᴋarlunelo uitajûngnik;
17Takojomârpara, mânaungitorle: ulernaigivara, ᴋanitomiungitorle; uvloriaᴋ nuijomârpoᴋ Jakomit, ajaupiarlo makilârpoᴋ Israêlemit, serᴋalitsilârporlo Moabib terreᴋunginik, asserorsailunelo Setib erninginik tamainik.
18Edomelo perᴋutaujomârpoᴋ, ômigijinelo Seir perᴋutigijomârivâ; Israêlelo sâlaᴋadlalârpoᴋ.
19Jâkomillo pijoᴋ ajugaulârpoᴋ, nungutsilârporlo amiakôjunik iglugasaksoarne.
20Amalekullo takonârlugit, imgerutine isuᴋsivâ oᴋarlunelo: Amalek sivorlerpaulauᴋpoᴋ inôᴋatigêksoarnit, kinguvângille nungutaujomârput.
21Kênikullo takonârlugit, imgerutine isuᴋsivâ oᴋarlunelo: Inigijat sôngodlarpoᴋ, auktortallo âᴋiktauvoᴋ ᴋairtune.
22Sullele Kênikut asserortaulârput, Assuremut aᴋsârnigauvluse aularutijauᴋârtinase.
23Imgerutinelo isuᴋsingmilugo oᴋarpoᴋ: Kapianarmêk, kina inôjungnarᴋâ Gûde taimailiorpât?
24Umiaᴋsuille tikilârput Kittimemit, kapiasuktitsilârpullo Assuremik, kapiasuktitsilutiglo Eberemik, tâmnalotauᴋ asserortaulârpoᴋ.
25Bâlaamelo makipoᴋ aularlunelo uterpoᴋ nunaminut; Bâlaketauᴋ aularpoᴋ.
Currently Selected:
Numbers 24: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
