Numbers 15
15
1Nalekablo Mosese oᴋarvigivâ, oᴋarlune:
2Israêlikut oᴋarvigikit, oᴋautilugillo: Tikisimagupse nunaᴋutigijomârtapsingnut tunijamnut ilipsingnut,
3Tunerguseromavluselo ikomakut Nâlekamut, tunergutiksamik ôtaksamik, toᴋotaksamiglônêt angerviviksiorutiksamik, tujutiksamiglônêt, uvloᴋsiorutiksamiglônêt, tipigiksaijomavluse Nâlekamut tuktuvangnillônêt saukanillônêt;
4Tunitjijomajoᴋ tunergutimik, tunitjijuksauvoᴋ Nâlekamut senaugatsiarmik efab tellimaujoanik akusimajomik orᴋsumut hinib sitamaulimajûb sitamanganik;
5Vainemiglo tunergutiksamik imiksamik hinib sitamaulimajûb sitamanganik atuinaruterijuksauvoᴋ, tunergutiksaᴋ ôtaksaᴋ toᴋotaksarlônêt ilagilugo aipiujaksamik saugârsungmut atautsemut.
6Saugarmullo parngnermut aipiujaksamik atuinaruterijuksauvoᴋ tunergutiksamik nerᴋiksamik senaugatsiarmik efab tellimaujôgingnik maggûngnik akusimajomik orᴋsumut hinib pingasôlimajûb pingajuanik;
7Tunergutiksamiglo imiksamik tunitjijuksauvoᴋ vainemik hinib pingasôlimajûb pingajuanik, tipitsiariksautiksamik Nâlekamut.
8Tuktuvangmiglo tunergutiksamik ôtaksamik, toᴋotaksamiglônêt angerviviksiorutiksamik, ᴋujaliutiksamiglônêt atuinaruteriguvit;
9Tuktuvak ilagilugo, tunitjijuksaugivoᴋ tunergutiksamik nerᴋiksamik senaugatsiarmik efab tellimaujunginik pingasunik orᴋsumut hinib abvanganut akusimajomik.
10Tunergutiksamiglo imiksamik tunitjijuksauvoᴋ vainemik hinib abvanganik, tunergutiksauᴋovlugo ikomakut, tipitsiariksautiksamik Nâlekamut.
11Tuktuvait atunit, saukallo parngnit atunit, saugârsuillo angutit atunit, tuktungajullo atunit, taimailiortitaujuksauvut.
12Atuinarutaujut unurningit maliklugit, taimailiortuksauvose ilûnatik atunit pivlugit.
13Ilûnatik nuname tamattomane inûlertut taimailiortuksauvut tunerguserunik tunergutiksamik ikomakut, tipitsiariksautiksamik Nâlekamut.
14Tujormijarlo nunaᴋalertoᴋ ilipsingne, kinaugaloarmangâllônêt kinguvângoᴋatigêngnipsingne, tunerguseromalerpat tunergutiksamik ikomakut, tipitsiariksautiksamik Nâlekamut; sôrlo ilipse piniarapse, taimailiortuksaugivoᴋ.
15Ilusiksaᴋ pitjutigivlugo, tâpsominagatsainaᴋ perᴋojaᴋartuksauvoᴋ ilipsingnullo tujormijanullo ilingajomik, perᴋojaᴋ soraijuitoᴋ kinguvângoᴋatigêngnipsingne; sôrlo ilipse pigapse, taimailingajuksaugivoᴋ tujormijaᴋ Nâlekab sângane.
16Perkojaᴋ atauseᴋ ilusioᴋojarlo atauseᴋ ilingajuksauvoᴋ ilipsingnut tujormijanullo ilipsingne nunaᴋartunut.
17Nâlekablo Mosese oᴋarvigivâ, oᴋarlune:
18Israêlikut oᴋarvigikit, oᴋautilugillo: Tikikupse nunamut tikiutjivigijamnut ilipsingnik,
19Nerrigupse niaᴋôjarmik nunab saᴋᴋertanganik, tunergusertuksauvose tunergutiksamik issautijaksamik Nâlekamut.
20Pubjusiapsingnit sivorlerpâmit tunergusertuksauvose ᴋaᴋᴋôjarmik atautsemik tunergutiksamik issautijaksamik: sôrlo tunergutiksaᴋ issautijaksaᴋ katjugvingmit pijoᴋ issautigapsiuk, taimâk pubjusiaᴋ issautijaksarivase.
21Pubjusiapsingnit sivorlerpâmit tunitjijuksauvose issautijaksamik Nâlekamut kinguvângoᴋatigêngnipsingne.
22Tammarupselo piniarlugaselo perᴋojanik makkoninga tamainik Nâlekab oᴋautigijanginik Mosesemut,
23Tamainik Nâlekab perᴋojanginik Mosesekut, uvlormit Nâlekab perᴋojivigitainartanganit ᴋaijomârtomelo kinguvângoᴋatigêngnipsingne;
24Piniarutaukpat pijâringitomik ilagêktoᴋsuillo ᴋaujitinagit, ilagêktoᴋsuit tunergusertuksauvut tuktuvârangmik atautsemik tunergutiksamik ôtaksamik, tipitsiariksautiksamik Nâlekamut, tunergutiksaᴋ nerᴋiksaᴋ ilaksanga ilagilugo, tunergutiksangalo imiksaᴋ, perᴋojaᴋ maliklugo, tuktungajomiglo angutimik tunergutiksamik ajortoêrutiksamik.
25Ajoᴋertuijûblo Israêlikut ilagêktoᴋsôningit ilûnaita ulapᴋoseraksarivait, issumagijungnaiviolârpullo; tammatoviniolaungmat, âtsimattalo tunergutiksamingnik, tunergutiksamik ikomakut Nâlekamut, tunergutiksamingniglo ajortoêrutiksamik Nâlekab sânganut, tammarnitik pivlugo.
26Israêlikullo ilagêktoᴋsôningit ilûnaita issumagijungnaiviolârput, tujormijarlo tâpkonane nunaᴋartoᴋ, inugiartoᴋsuit pitjutigivlugit piniarutaulaungmat pijâringitomik.
27Inuglo atauseᴋ idluitulikpat pijâringitomik, tunergusertuksauvoᴋ tuktungajomik arnarmik, atautsemik jârelingmik tunergutiksamik ajortoêrutiksamik.
28Ajoᴋertuijûblo idluitulijoᴋ ulapᴋoseraksarivâ, pijâringitomik idluitulilerpat Nâlekab sângane, ulapirᴋsartauᴋovlugo; issumagijungnaiviolârporlo.
29Perᴋojaᴋartuksauvose atausênarmik idluitulijoᴋ pijâringitomik pivlugo, nuname inûlertoᴋ Israêlikut akorngane pivlugo, tujormijarlo akunapsingne nunaᴋartoᴋ pivlugo.
30Inugle pijârilune tapajoᴋ, nuname inûlertômangât tujormijangongmangâllônêt, tâpsoma Nâlegaᴋ naggogivâ; inuglo tâmna pêjartaujuksauvoᴋ inôᴋatime akornganit.
31Nâlekab oᴋausinga naggogimaringmago, perᴋojangalo tapagilugo, inuk tâmna pêjartaujuksauvoᴋ, idluinine nangmaraksarivâ.
32Israelikullo sunaᴋajuitomêtilugit naipitsivut angutimik ᴋejungnik kateroijomik Sabbateme.
33ᴋejungniglo katersijoᴋ naipitingita âpât Mosesemut Aronemullo ilagêktoᴋsoarnullo tamainut.
34Parngnanairsimavingmullo pitipât, oᴋautigijaulungimat ᴋanoᴋ piniarviolârmangât.
35Nâlekablo Mosese oᴋautivâ: Inuk tâmna toᴋotaujuksauvoᴋ; ilagêktoᴋsuit ilûnatik ujarᴋanut miloraksarivât tupersuit avatâne.
36Ilagêktoᴋsuillo ilûnatik âpât tupersuit avatânut milorlugolo ujarᴋanut, toᴋovorlo; sôrlo Nâlekab Mosese perᴋolaungmago.
37Nâlekablo Mosese oᴋarvigivâ, oᴋarlune:
38Israêlikut oᴋarvigikit, nivingasulâliorᴋolugillo annorâmik siningine kinguvângoᴋatigêngnermingne tamaine, nivingasulâllo ᴋolâne siniksaᴋartuksauvut tungujortamik;
39Nivingasulâᴋutigijaksarivaselo, takonârᴋovluse tâpkoninga erᴋailuselo Nâlekab perᴋojanginik tamainik, piniarlugillo; arvertarᴋonaselo ômatise ijiselo maliklugit, tâpkoa atorapsigik assiniaromavluse;
40Erᴋaiᴋovlusele piniarᴋovluselo perᴋojamnik tamainik, ivsornaiᴋovluselo Gûdipsingnut.
41Uvangaugama Nâlegaᴋ Gûdise, tikiutitise nunamit Egiptenemit, Gûdeojomavlunga ilipsingnut; Uvangauvunga Nâlegaᴋ Gûdise.
Currently Selected:
Numbers 15: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Numbers 15
15
1Nalekablo Mosese oᴋarvigivâ, oᴋarlune:
2Israêlikut oᴋarvigikit, oᴋautilugillo: Tikisimagupse nunaᴋutigijomârtapsingnut tunijamnut ilipsingnut,
3Tunerguseromavluselo ikomakut Nâlekamut, tunergutiksamik ôtaksamik, toᴋotaksamiglônêt angerviviksiorutiksamik, tujutiksamiglônêt, uvloᴋsiorutiksamiglônêt, tipigiksaijomavluse Nâlekamut tuktuvangnillônêt saukanillônêt;
4Tunitjijomajoᴋ tunergutimik, tunitjijuksauvoᴋ Nâlekamut senaugatsiarmik efab tellimaujoanik akusimajomik orᴋsumut hinib sitamaulimajûb sitamanganik;
5Vainemiglo tunergutiksamik imiksamik hinib sitamaulimajûb sitamanganik atuinaruterijuksauvoᴋ, tunergutiksaᴋ ôtaksaᴋ toᴋotaksarlônêt ilagilugo aipiujaksamik saugârsungmut atautsemut.
6Saugarmullo parngnermut aipiujaksamik atuinaruterijuksauvoᴋ tunergutiksamik nerᴋiksamik senaugatsiarmik efab tellimaujôgingnik maggûngnik akusimajomik orᴋsumut hinib pingasôlimajûb pingajuanik;
7Tunergutiksamiglo imiksamik tunitjijuksauvoᴋ vainemik hinib pingasôlimajûb pingajuanik, tipitsiariksautiksamik Nâlekamut.
8Tuktuvangmiglo tunergutiksamik ôtaksamik, toᴋotaksamiglônêt angerviviksiorutiksamik, ᴋujaliutiksamiglônêt atuinaruteriguvit;
9Tuktuvak ilagilugo, tunitjijuksaugivoᴋ tunergutiksamik nerᴋiksamik senaugatsiarmik efab tellimaujunginik pingasunik orᴋsumut hinib abvanganut akusimajomik.
10Tunergutiksamiglo imiksamik tunitjijuksauvoᴋ vainemik hinib abvanganik, tunergutiksauᴋovlugo ikomakut, tipitsiariksautiksamik Nâlekamut.
11Tuktuvait atunit, saukallo parngnit atunit, saugârsuillo angutit atunit, tuktungajullo atunit, taimailiortitaujuksauvut.
12Atuinarutaujut unurningit maliklugit, taimailiortuksauvose ilûnatik atunit pivlugit.
13Ilûnatik nuname tamattomane inûlertut taimailiortuksauvut tunerguserunik tunergutiksamik ikomakut, tipitsiariksautiksamik Nâlekamut.
14Tujormijarlo nunaᴋalertoᴋ ilipsingne, kinaugaloarmangâllônêt kinguvângoᴋatigêngnipsingne, tunerguseromalerpat tunergutiksamik ikomakut, tipitsiariksautiksamik Nâlekamut; sôrlo ilipse piniarapse, taimailiortuksaugivoᴋ.
15Ilusiksaᴋ pitjutigivlugo, tâpsominagatsainaᴋ perᴋojaᴋartuksauvoᴋ ilipsingnullo tujormijanullo ilingajomik, perᴋojaᴋ soraijuitoᴋ kinguvângoᴋatigêngnipsingne; sôrlo ilipse pigapse, taimailingajuksaugivoᴋ tujormijaᴋ Nâlekab sângane.
16Perkojaᴋ atauseᴋ ilusioᴋojarlo atauseᴋ ilingajuksauvoᴋ ilipsingnut tujormijanullo ilipsingne nunaᴋartunut.
17Nâlekablo Mosese oᴋarvigivâ, oᴋarlune:
18Israêlikut oᴋarvigikit, oᴋautilugillo: Tikikupse nunamut tikiutjivigijamnut ilipsingnik,
19Nerrigupse niaᴋôjarmik nunab saᴋᴋertanganik, tunergusertuksauvose tunergutiksamik issautijaksamik Nâlekamut.
20Pubjusiapsingnit sivorlerpâmit tunergusertuksauvose ᴋaᴋᴋôjarmik atautsemik tunergutiksamik issautijaksamik: sôrlo tunergutiksaᴋ issautijaksaᴋ katjugvingmit pijoᴋ issautigapsiuk, taimâk pubjusiaᴋ issautijaksarivase.
21Pubjusiapsingnit sivorlerpâmit tunitjijuksauvose issautijaksamik Nâlekamut kinguvângoᴋatigêngnipsingne.
22Tammarupselo piniarlugaselo perᴋojanik makkoninga tamainik Nâlekab oᴋautigijanginik Mosesemut,
23Tamainik Nâlekab perᴋojanginik Mosesekut, uvlormit Nâlekab perᴋojivigitainartanganit ᴋaijomârtomelo kinguvângoᴋatigêngnipsingne;
24Piniarutaukpat pijâringitomik ilagêktoᴋsuillo ᴋaujitinagit, ilagêktoᴋsuit tunergusertuksauvut tuktuvârangmik atautsemik tunergutiksamik ôtaksamik, tipitsiariksautiksamik Nâlekamut, tunergutiksaᴋ nerᴋiksaᴋ ilaksanga ilagilugo, tunergutiksangalo imiksaᴋ, perᴋojaᴋ maliklugo, tuktungajomiglo angutimik tunergutiksamik ajortoêrutiksamik.
25Ajoᴋertuijûblo Israêlikut ilagêktoᴋsôningit ilûnaita ulapᴋoseraksarivait, issumagijungnaiviolârpullo; tammatoviniolaungmat, âtsimattalo tunergutiksamingnik, tunergutiksamik ikomakut Nâlekamut, tunergutiksamingniglo ajortoêrutiksamik Nâlekab sânganut, tammarnitik pivlugo.
26Israêlikullo ilagêktoᴋsôningit ilûnaita issumagijungnaiviolârput, tujormijarlo tâpkonane nunaᴋartoᴋ, inugiartoᴋsuit pitjutigivlugit piniarutaulaungmat pijâringitomik.
27Inuglo atauseᴋ idluitulikpat pijâringitomik, tunergusertuksauvoᴋ tuktungajomik arnarmik, atautsemik jârelingmik tunergutiksamik ajortoêrutiksamik.
28Ajoᴋertuijûblo idluitulijoᴋ ulapᴋoseraksarivâ, pijâringitomik idluitulilerpat Nâlekab sângane, ulapirᴋsartauᴋovlugo; issumagijungnaiviolârporlo.
29Perᴋojaᴋartuksauvose atausênarmik idluitulijoᴋ pijâringitomik pivlugo, nuname inûlertoᴋ Israêlikut akorngane pivlugo, tujormijarlo akunapsingne nunaᴋartoᴋ pivlugo.
30Inugle pijârilune tapajoᴋ, nuname inûlertômangât tujormijangongmangâllônêt, tâpsoma Nâlegaᴋ naggogivâ; inuglo tâmna pêjartaujuksauvoᴋ inôᴋatime akornganit.
31Nâlekab oᴋausinga naggogimaringmago, perᴋojangalo tapagilugo, inuk tâmna pêjartaujuksauvoᴋ, idluinine nangmaraksarivâ.
32Israelikullo sunaᴋajuitomêtilugit naipitsivut angutimik ᴋejungnik kateroijomik Sabbateme.
33ᴋejungniglo katersijoᴋ naipitingita âpât Mosesemut Aronemullo ilagêktoᴋsoarnullo tamainut.
34Parngnanairsimavingmullo pitipât, oᴋautigijaulungimat ᴋanoᴋ piniarviolârmangât.
35Nâlekablo Mosese oᴋautivâ: Inuk tâmna toᴋotaujuksauvoᴋ; ilagêktoᴋsuit ilûnatik ujarᴋanut miloraksarivât tupersuit avatâne.
36Ilagêktoᴋsuillo ilûnatik âpât tupersuit avatânut milorlugolo ujarᴋanut, toᴋovorlo; sôrlo Nâlekab Mosese perᴋolaungmago.
37Nâlekablo Mosese oᴋarvigivâ, oᴋarlune:
38Israêlikut oᴋarvigikit, nivingasulâliorᴋolugillo annorâmik siningine kinguvângoᴋatigêngnermingne tamaine, nivingasulâllo ᴋolâne siniksaᴋartuksauvut tungujortamik;
39Nivingasulâᴋutigijaksarivaselo, takonârᴋovluse tâpkoninga erᴋailuselo Nâlekab perᴋojanginik tamainik, piniarlugillo; arvertarᴋonaselo ômatise ijiselo maliklugit, tâpkoa atorapsigik assiniaromavluse;
40Erᴋaiᴋovlusele piniarᴋovluselo perᴋojamnik tamainik, ivsornaiᴋovluselo Gûdipsingnut.
41Uvangaugama Nâlegaᴋ Gûdise, tikiutitise nunamit Egiptenemit, Gûdeojomavlunga ilipsingnut; Uvangauvunga Nâlegaᴋ Gûdise.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.