Numbers 16
16
1Koralo Itzarib erninga, Kohatib erngutanga, Levib erngutapsânga, Dâtanelo, Abiramelo, Eliab ernîgik, Onelo, Peletib erninga, Rubenib erngutangit, angutinik ilaksarsivut,
2Makitavullo Mosesib sângane, Israêlikut ilangit ilagilugit, tagva angajoᴋât ilagêktoᴋsoarne 250, aulatsiᴋataujuksat, angutit erᴋanartut;
3Katimavullo Mosesemut Aronemullo oᴋautilugiglo: Piojoriluarpotik, ilagêktoᴋsuit ilûnatik ivsornaimatta, Ilâ, ilûnamaritik, Nâlegarlo tâpkoa akornganêpoᴋ; suna pivlugo tagva angijorortikitîk iliptingnik Nâlekab ilagêktitanginît?
4Mosesiblo tamanna tusaramiuk pâmakterpoᴋ;
5Koralo ilangillo ilûnaita oᴋarvigilugit oᴋautivait: ᴋauppat uvlâkut Nâlegaᴋ nelonaijailârpoᴋ kikut perᴋutigimangâgit, kinalo ivsornaimangât, kikullo najorniᴋojaungmangâta tâpsominga; annerijane, ilâ, najorniᴋolârpâ tâpsominga.
6Imailioritse: Tigusileritse pujôrtitsivipsingnik, Kora ilangillo ilûnatik;
7Ikomatatserlugillo ilijivigilugillo isserluanerutiksamik Nâlekab sângane ᴋauppat; Nâlekablo annerijanga tâmna ivsornainiarpoᴋ; ilipse, Levib erningit, piojoriluarpose.
8Mosesiblo Kora oᴋautivâ: Okoᴋse, ilipse Levib erningit;
9Sunaungitoripisiûk, Israêlib Gûdingata annerilaungmase Israêlikut ilagêktoᴋsôninginit, najorniᴋovluse tâpsominga, kivgartorᴋovluse Nâlekab ivsornaitoviᴋotingane, nangerᴋovluselo ilagêktoᴋsuit sângine kivgartorniarluse tâpkoninga,
10ᴋanilertilaungmatillo, igvit ᴋatangutitillo ilûnaita Levib erningit ilagilugît? Ajoᴋertuineroneᴋ pinasuarᴋisiûktauᴋ?
11Tamanna pivlugo igvit ilagijatillo ilûnatik kativose Nâlegaᴋ akkerartoromavlugo; Aronelo kinauvâ oᴋarnilutigigapsiûk?
12Moseselo tiliklerpoᴋ Dâtanelo Abiramelo Eliab ernîgik, ᴋaiᴋojauᴋovlugik, tâpkoale oᴋarpuk: Tagvungaromangilaguk;
13Sunaulungilâᴋ tamaungautigaptigut nunamit imungmik igupsaujârtullo orᴋsuanik kôlingmit toᴋotsomavluta sunaᴋajuitome, mânalo angajoᴋâᴋsoangortitsomavlutit uvaptingnût?
14Tikiutilungilaptigullo nunamut imungmik igupsaujârtullo orᴋsuanik kôlingmut, tunitjivigilungilaptigullônêt perorsêvingnik vaineliksatalingniglo kingormgutijaksaptingnik; inuit makkoa ijingit pêjaromavisigîk? ᴋaijomalungilaguk!
15Moseselo ningadlalerpoᴋ, Nâlegarlo oᴋautilât: Tâpkoa tunergutingit ilaliorniarnagittôᴋ; siutiᴋortojomik atautsemiglônêt aᴋsârnilauᴋsimangilanga tâpkonangat, neliallônêt idluitomik piniarvigingilara.
16Mosesiblo Kora oᴋautivâ: Igvit ilagijatillo ilûnaita Nâlekab sânganôritse ᴋauppat, igvit tâpkoalo Aronelo;
17Angutillo ilûnatik atunit tigusilit pujôrtitsivingmingnik, ilijivigilugillo isserluanerutiksamik, atunillo âtsileritse pujôrtitsivipsingnik Nâlekab sânganut, pujôrtitsivingnik 250nik; igvittauᴋ Aronelo atunit pujôrtitsiviptingnik.
18Angutillo ilûnatik atunit tigusivut pujôrtitsivingmingnik, ikomatatserlugillo isserluanerutiksarservigilugillo, nangerlutiglo ilagêktut tupingata upkoangane Mosese Aronelo ilagilugik.
19Korablo ilagêktut ilagijane katimatipait ilagêktut tupingata upkoangane; Nâlekablo ânanauninga saᴋᴋerpoᴋ ilagêktoᴋsoarnut ilûnainut.
20Nâlekablo Mosese Aronelo oᴋarvigivak, oᴋarlune:
21Avisâritik ilagêktoᴋsoarnit makkonangat, tagvainârtomik nungutsiᴋovlunga tâpkoninga.
22Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?
23Nâlekablo Mosese oᴋarvigivâ, oᴋarlune:
24Ilagêktut oᴋarvigikit, oᴋarlutit: Aularitse Korab, Dâtaniblo, Abiramiblo tupersoangata avatânit.
25Moseselo makipoᴋ Dâtanelo Abiramelo aivigilugik; Israêlikullo angajoᴋângita malikpât.
26Ilagêktoᴋsuillo oᴋarvigivait, oᴋarlune: Aularitsetoᴋ idluitut makkoa tupinginit, perᴋutingitalo neliallônêt aktorniarasigik, nungutauᴋatauᴋonase tâpkoa idluiningine tamaine.
27Taimaimat aularput Korab Dâtaniblo Abiramiblo tupersoangata avatânit; Dâtanelo Abiramelo anivuk nangerlutiglo tupîngmik upkoâgingne, nuliatik ernitiglo ᴋitorngatiglo ilagilugit.
28Moseselo oᴋarpoᴋ: Tamattomûna tukisilârpose Nâlekab tilingmanga piniarᴋovlunga tamakkoninga tamainik; issumamnik pinialunginapkit.
29Inuit makkoa toᴋolerpatta sôrlo inuit ilûnatik toᴋovangmatta, tikitaukpattalônêt sôrlo inuit ilûnatik tikitauvangmatta; tagva Nâlekab tililungilânga.
30Nâlegarle pingortitsigune nutâmik, nunablo ᴋanine aitarpago, tâpkoalo, tâpkonungalo ilingajut tamaita, êlugit, ômavlutik kiviᴋovlugit itersâlungmut; tagva tukisilârpose inuit tâpkoa Nâlegaᴋ naggogingmatsuk.
31Sunaubvalo oᴋautsit makkoa tamaita oᴋauserijarêrtuaramigit nuna ᴋoppivoᴋ tâpkoa atâne;
32Nunablo ᴋanine aitarpâ êlugillo, iglomioᴋatingit inuillo ilûnaita Korab ilagijangit, perᴋutingillo tamaita.
33Taimaimat tâpkoa, tâpkonungalo ilingajut tamaita, ômavlutik kivivut itersâlungmut; nunablo sauvait, nipaᴋpullo ilagêktoᴋsuit akornganit.
34Israêlikullo ilûnatik avatânêtut ᴋemâdlarput tâpkoa nipliadlarninginit; oᴋaramik: Nunab êdlarniarpâtigut.
35Ikomalo anivoᴋ Nâlekamit, nungutsilunelo angutinik ipkoninga 250nik tunergusertunik isserluanerutiksanik.
36Nâlekablo Mosese oᴋarvigivâ, oᴋarlune:
37Eleasar, Aronib ajoᴋertuijûb erninga, katersoiᴋoleruk pujôrtitsivingnik ikitaumajunit, ikomalo siamartiuk ikane, ivsornaingmatta;
38Idluitulijut ipkoa, inôsermingnik akkilêgiaᴋalauᴋtut idluitulinitik pivlugit, pujôrtitsivingit, katjuktaulillo matuksauᴋovlugit tunerguservingmut; tunergutigilaungmagit Nâlekab sângane, taimaimallo ivsornaiput; kigligiutjutiksaulârpullo Israêlikunut.
39Eleasariblo ajoᴋertuijûb pujôrtitsivit ᴋaᴋorliojut, ôtaumajut tunergutigijaviningit, tiguvait, katjuklugillo matuksangortipait tunerguservingmut;
40Erᴋaumajutiksauᴋovlugo Israêlikunut, takorngartaᴋ, Aronib kinguvânginit pingitoᴋ, najorniᴋonago isserluanerutitsijomavlune Nâlekab sângane; ilingaᴋonago Koratut ilagijangititullo; sôrlo Nâlekab oᴋautilaungmago Mosesekut.
41ᴋaungmalle Israêlikut ilagêktoᴋsôningita ilûnatik Moseselo Aronelo oᴋarnilutivakit, oᴋarlutik: Toᴋoᴋauvase Nâlekab inuᴋotingit.
42Sunaubvalo ilagêktoᴋsuit katimangmatta Mosese Aronelo pikablâvigilugik, takosarput ilagêktut tupinganik, ahâglo, nuvujab ulikpâ, Nâlekablo ânanauninga saᴋᴋerpoᴋ.
43Moseselo Aronelo aivuk ilagêktut tupingata sânganut.
44Nâlekablo Mosese oᴋarvigivâ, oᴋarlune:
45Nûsâritik ilagêktoᴋsuit akornganit, nungutsiᴋovlunga tâpkoninga tagvainaᴋ. Pâmakterpuglo.
46Mosesiblo Arone oᴋautivâ: Pujôrtitsivit tiguleruk pititsivigilugolo ikomamik tunerguservingmit, ilijivigilugolo isserluanerutiksamik, tuavilutillo ilagêktoᴋsuit aivigikit ulapᴋoserlugillo; ningaumajârneᴋ aningmat Nâlekamit; nusilingnartoᴋ pigiarêrpoᴋ.
47Aronelo tigusivoᴋ sôrlo Mosese oᴋarmat, aᴋpasuklunelo katimajut akornganut, ahâglo, nusilingnartoᴋ pigiarêrpoᴋ inuit akorngane; isserluanerutiksarlo ilivâ, inuillo ulapirᴋsarpait.
48Nangerporlo toᴋungajut inôjullo akorngane, nusilingnartorlo sorairpoᴋ.
49Nusilingnartomullo toᴋojut 14,700ovut, ipkoa toᴋolauᴋtut Korab pijanginut kitinagit.
50Aronelo uterpoᴋ Mosesemut ilagêktut tupingata upkoanganut, nusilingnartorlo sorairpoᴋ.
Currently Selected:
Numbers 16: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Numbers 16
16
1Koralo Itzarib erninga, Kohatib erngutanga, Levib erngutapsânga, Dâtanelo, Abiramelo, Eliab ernîgik, Onelo, Peletib erninga, Rubenib erngutangit, angutinik ilaksarsivut,
2Makitavullo Mosesib sângane, Israêlikut ilangit ilagilugit, tagva angajoᴋât ilagêktoᴋsoarne 250, aulatsiᴋataujuksat, angutit erᴋanartut;
3Katimavullo Mosesemut Aronemullo oᴋautilugiglo: Piojoriluarpotik, ilagêktoᴋsuit ilûnatik ivsornaimatta, Ilâ, ilûnamaritik, Nâlegarlo tâpkoa akornganêpoᴋ; suna pivlugo tagva angijorortikitîk iliptingnik Nâlekab ilagêktitanginît?
4Mosesiblo tamanna tusaramiuk pâmakterpoᴋ;
5Koralo ilangillo ilûnaita oᴋarvigilugit oᴋautivait: ᴋauppat uvlâkut Nâlegaᴋ nelonaijailârpoᴋ kikut perᴋutigimangâgit, kinalo ivsornaimangât, kikullo najorniᴋojaungmangâta tâpsominga; annerijane, ilâ, najorniᴋolârpâ tâpsominga.
6Imailioritse: Tigusileritse pujôrtitsivipsingnik, Kora ilangillo ilûnatik;
7Ikomatatserlugillo ilijivigilugillo isserluanerutiksamik Nâlekab sângane ᴋauppat; Nâlekablo annerijanga tâmna ivsornainiarpoᴋ; ilipse, Levib erningit, piojoriluarpose.
8Mosesiblo Kora oᴋautivâ: Okoᴋse, ilipse Levib erningit;
9Sunaungitoripisiûk, Israêlib Gûdingata annerilaungmase Israêlikut ilagêktoᴋsôninginit, najorniᴋovluse tâpsominga, kivgartorᴋovluse Nâlekab ivsornaitoviᴋotingane, nangerᴋovluselo ilagêktoᴋsuit sângine kivgartorniarluse tâpkoninga,
10ᴋanilertilaungmatillo, igvit ᴋatangutitillo ilûnaita Levib erningit ilagilugît? Ajoᴋertuineroneᴋ pinasuarᴋisiûktauᴋ?
11Tamanna pivlugo igvit ilagijatillo ilûnatik kativose Nâlegaᴋ akkerartoromavlugo; Aronelo kinauvâ oᴋarnilutigigapsiûk?
12Moseselo tiliklerpoᴋ Dâtanelo Abiramelo Eliab ernîgik, ᴋaiᴋojauᴋovlugik, tâpkoale oᴋarpuk: Tagvungaromangilaguk;
13Sunaulungilâᴋ tamaungautigaptigut nunamit imungmik igupsaujârtullo orᴋsuanik kôlingmit toᴋotsomavluta sunaᴋajuitome, mânalo angajoᴋâᴋsoangortitsomavlutit uvaptingnût?
14Tikiutilungilaptigullo nunamut imungmik igupsaujârtullo orᴋsuanik kôlingmut, tunitjivigilungilaptigullônêt perorsêvingnik vaineliksatalingniglo kingormgutijaksaptingnik; inuit makkoa ijingit pêjaromavisigîk? ᴋaijomalungilaguk!
15Moseselo ningadlalerpoᴋ, Nâlegarlo oᴋautilât: Tâpkoa tunergutingit ilaliorniarnagittôᴋ; siutiᴋortojomik atautsemiglônêt aᴋsârnilauᴋsimangilanga tâpkonangat, neliallônêt idluitomik piniarvigingilara.
16Mosesiblo Kora oᴋautivâ: Igvit ilagijatillo ilûnaita Nâlekab sânganôritse ᴋauppat, igvit tâpkoalo Aronelo;
17Angutillo ilûnatik atunit tigusilit pujôrtitsivingmingnik, ilijivigilugillo isserluanerutiksamik, atunillo âtsileritse pujôrtitsivipsingnik Nâlekab sânganut, pujôrtitsivingnik 250nik; igvittauᴋ Aronelo atunit pujôrtitsiviptingnik.
18Angutillo ilûnatik atunit tigusivut pujôrtitsivingmingnik, ikomatatserlugillo isserluanerutiksarservigilugillo, nangerlutiglo ilagêktut tupingata upkoangane Mosese Aronelo ilagilugik.
19Korablo ilagêktut ilagijane katimatipait ilagêktut tupingata upkoangane; Nâlekablo ânanauninga saᴋᴋerpoᴋ ilagêktoᴋsoarnut ilûnainut.
20Nâlekablo Mosese Aronelo oᴋarvigivak, oᴋarlune:
21Avisâritik ilagêktoᴋsoarnit makkonangat, tagvainârtomik nungutsiᴋovlunga tâpkoninga.
22Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?
23Nâlekablo Mosese oᴋarvigivâ, oᴋarlune:
24Ilagêktut oᴋarvigikit, oᴋarlutit: Aularitse Korab, Dâtaniblo, Abiramiblo tupersoangata avatânit.
25Moseselo makipoᴋ Dâtanelo Abiramelo aivigilugik; Israêlikullo angajoᴋângita malikpât.
26Ilagêktoᴋsuillo oᴋarvigivait, oᴋarlune: Aularitsetoᴋ idluitut makkoa tupinginit, perᴋutingitalo neliallônêt aktorniarasigik, nungutauᴋatauᴋonase tâpkoa idluiningine tamaine.
27Taimaimat aularput Korab Dâtaniblo Abiramiblo tupersoangata avatânit; Dâtanelo Abiramelo anivuk nangerlutiglo tupîngmik upkoâgingne, nuliatik ernitiglo ᴋitorngatiglo ilagilugit.
28Moseselo oᴋarpoᴋ: Tamattomûna tukisilârpose Nâlekab tilingmanga piniarᴋovlunga tamakkoninga tamainik; issumamnik pinialunginapkit.
29Inuit makkoa toᴋolerpatta sôrlo inuit ilûnatik toᴋovangmatta, tikitaukpattalônêt sôrlo inuit ilûnatik tikitauvangmatta; tagva Nâlekab tililungilânga.
30Nâlegarle pingortitsigune nutâmik, nunablo ᴋanine aitarpago, tâpkoalo, tâpkonungalo ilingajut tamaita, êlugit, ômavlutik kiviᴋovlugit itersâlungmut; tagva tukisilârpose inuit tâpkoa Nâlegaᴋ naggogingmatsuk.
31Sunaubvalo oᴋautsit makkoa tamaita oᴋauserijarêrtuaramigit nuna ᴋoppivoᴋ tâpkoa atâne;
32Nunablo ᴋanine aitarpâ êlugillo, iglomioᴋatingit inuillo ilûnaita Korab ilagijangit, perᴋutingillo tamaita.
33Taimaimat tâpkoa, tâpkonungalo ilingajut tamaita, ômavlutik kivivut itersâlungmut; nunablo sauvait, nipaᴋpullo ilagêktoᴋsuit akornganit.
34Israêlikullo ilûnatik avatânêtut ᴋemâdlarput tâpkoa nipliadlarninginit; oᴋaramik: Nunab êdlarniarpâtigut.
35Ikomalo anivoᴋ Nâlekamit, nungutsilunelo angutinik ipkoninga 250nik tunergusertunik isserluanerutiksanik.
36Nâlekablo Mosese oᴋarvigivâ, oᴋarlune:
37Eleasar, Aronib ajoᴋertuijûb erninga, katersoiᴋoleruk pujôrtitsivingnik ikitaumajunit, ikomalo siamartiuk ikane, ivsornaingmatta;
38Idluitulijut ipkoa, inôsermingnik akkilêgiaᴋalauᴋtut idluitulinitik pivlugit, pujôrtitsivingit, katjuktaulillo matuksauᴋovlugit tunerguservingmut; tunergutigilaungmagit Nâlekab sângane, taimaimallo ivsornaiput; kigligiutjutiksaulârpullo Israêlikunut.
39Eleasariblo ajoᴋertuijûb pujôrtitsivit ᴋaᴋorliojut, ôtaumajut tunergutigijaviningit, tiguvait, katjuklugillo matuksangortipait tunerguservingmut;
40Erᴋaumajutiksauᴋovlugo Israêlikunut, takorngartaᴋ, Aronib kinguvânginit pingitoᴋ, najorniᴋonago isserluanerutitsijomavlune Nâlekab sângane; ilingaᴋonago Koratut ilagijangititullo; sôrlo Nâlekab oᴋautilaungmago Mosesekut.
41ᴋaungmalle Israêlikut ilagêktoᴋsôningita ilûnatik Moseselo Aronelo oᴋarnilutivakit, oᴋarlutik: Toᴋoᴋauvase Nâlekab inuᴋotingit.
42Sunaubvalo ilagêktoᴋsuit katimangmatta Mosese Aronelo pikablâvigilugik, takosarput ilagêktut tupinganik, ahâglo, nuvujab ulikpâ, Nâlekablo ânanauninga saᴋᴋerpoᴋ.
43Moseselo Aronelo aivuk ilagêktut tupingata sânganut.
44Nâlekablo Mosese oᴋarvigivâ, oᴋarlune:
45Nûsâritik ilagêktoᴋsuit akornganit, nungutsiᴋovlunga tâpkoninga tagvainaᴋ. Pâmakterpuglo.
46Mosesiblo Arone oᴋautivâ: Pujôrtitsivit tiguleruk pititsivigilugolo ikomamik tunerguservingmit, ilijivigilugolo isserluanerutiksamik, tuavilutillo ilagêktoᴋsuit aivigikit ulapᴋoserlugillo; ningaumajârneᴋ aningmat Nâlekamit; nusilingnartoᴋ pigiarêrpoᴋ.
47Aronelo tigusivoᴋ sôrlo Mosese oᴋarmat, aᴋpasuklunelo katimajut akornganut, ahâglo, nusilingnartoᴋ pigiarêrpoᴋ inuit akorngane; isserluanerutiksarlo ilivâ, inuillo ulapirᴋsarpait.
48Nangerporlo toᴋungajut inôjullo akorngane, nusilingnartorlo sorairpoᴋ.
49Nusilingnartomullo toᴋojut 14,700ovut, ipkoa toᴋolauᴋtut Korab pijanginut kitinagit.
50Aronelo uterpoᴋ Mosesemut ilagêktut tupingata upkoanganut, nusilingnartorlo sorairpoᴋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.