Numbers 14
14
1Ilagektoksuillo ilûnatik nipliadlarput ᴋaggudlarlutiglo; unnuarmelo tâpsomane inuit ᴋeadlarput.
2Israêlikullo ilûnatik oᴋaluᴋivut Mosesemut Aronemullo; ilagêktoᴋsuillo ilûnatik oᴋautivakit: Sinaungamêk toᴋolaunginapta Egipteneme! Sinaungamêglônêt toᴋolaunginapta sunaᴋajuitome tamattomane!
3Imaglo: Suna pivlugo Nâlekab tikiutitipâtigût nunamut tamattomunga, saviksoarmut oggotitauᴋovlutâ? Arnavut ᴋitorngavullo aᴋsârnigaulârput; nakornersaulungilâᴋ uterupta Egiptenemût?
4Oᴋaᴋatigêkpullo: Aulatsijuksamik annerosulerta uterlutalo Egiptenemut.
5Moseselo Aronelo kênatik pûlugik pâmangavuk Israêlikut ilagêktoᴋsuit katimajut ilûnatik sângine,
6Josualo, Nunib erninga, Kâlelo, Jefunib erninga, nunamik nautsertoriartulauᴋtut ilâgik, aliktuivuk annorângmingnik;
7Israêlikullo ilagêktoᴋsôningit oᴋarvigilugit aᴋautivait: Nuna ingergarvigilauᴋtavut nautsertoromavlugo nunatsiangodlarpoᴋ.
8Nâlekab ᴋuviagikpatigut tikiutitiniarpâtigût nunamut tâpsomunga, tunilugolo uvaptingnut, nuna kôlik imungmik igupsaujârtullo orᴋsuanik.
9Kissiane Nâlegaᴋ pikablâviginiarasiuk, nunablo inungit erᴋsiginiarasigik; nerᴋiksatôjârmatta uvaptingnut; saputjauviksaᴋarungnaiput, Nâlekable ilagivâtigut; erᴋsiginiarasigik.
10Ilagêktoᴋsuille ilûnatik millortauᴋovakit ujarᴋanut. Nâlekablo ânanauninga saᴋᴋijarpoᴋ Israêlikunut tamainut ilagêktut tupingane.
11Nâlekablo Mosese oᴋautivâ: Kanoᴋ akunertigijomik inuit tamakkoa naggoginiarpângâ? Kanorlo akunertigijomik okperomangilât uvamnût, tatamnartut piniarnerijakka tâpkoa akorngane pigaloartilugît?
12Nusilingnartomut annaudlaromavakka kingormgujijuksaujungnaitilugillo, inôᴋatigêksoangortitsijomavungalo ilingnit anginersaujunik sôngonersaujuniglo tâpkonangat.
13Mosesiblo Nâlegaᴋ oᴋautivâ: Egiptenemiut tagva tusalârput tamattominga; tâpkoa akornganit inuit tamakkoa tamaungautilaurangne pitsartunernut;
14Tâpkoalo unipkautigilârpât nunab tamattoma inunginut, tusaumajunut igvit Nâlegaᴋ inuit ukkoa akornganêgavit; igvit Nâlegaᴋ takojaugavit kênarmit kênarmut, nuvujaᴋotivillo ᴋolangiarpait, igvit sivorlerpatit nuvujakut napajokut uvlôtilugo, ikomakullo napajokut unnuarme.
15Mânalo inugiartoᴋsuit makkoa toᴋonajarungne angutitut atausertut, inôᴋatigêksuit tusaumajut nertornautingnik oᴋaromârput, oᴋarlutik:
16Nâlegaᴋ sapilaungmat inugiartoᴋsuit tâpkoa tikiutitilugit nunamut angerutigilauᴋtaminut tâpkonunga, toᴋorarpait sunaᴋajuitome.
17Mânalo Nâlekab pitsartuninga angijororletôᴋ, oᴋauserilauᴋtat maliklugo, oᴋaravit:
18Nâlegaᴋ ᴋenuêdlarpoᴋ nâpkiniktoᴋsôvlunelo, issumagijungnainikpoᴋ ajornernik tapatonerniglo, pidlartailitsingitorle ᴋaᴋialerneᴋangitunik; atâtat idluitulininginik pidlarnikpoᴋ ᴋitorngane, ernerêt kingorlerêt pingajungit sitamangillo tikidlugit.
19Inugiartoᴋsuit ukkoa idluituliningit issumagijungnailaukittôᴋ nâpkiningnivît angijoᴋsôninga maliklugo, issumagijungnainingnîllo inungnik makkoninga Egiptenemit mânamut maliklugo.
20Nâlegarlo oᴋarpoᴋ: Issumagijungnainikpunga ᴋenunît maliklugo.
21Kissianele sorlo mikseᴋârtomik inôgama, sorlolo nuna ilûnât ilumertaulârmat Nâlekab ânanauninganut,
22Inuit makkoa ilûnatik tautulauᴋtut ânanaunimnik nelunaikutamniglo piniartamnik Egipteneme sunaᴋajuitomelo, 10ertorlutigle pikablâviᴋartut uvamnik, nipigalo nâlengnago;
23Tâpkoa ila tautuktuksaungilat nunamik angerutigilauᴋtamnik atâtanginut, naggojullônêt uvamnik neliata takoniangilâ;
24Kivgarale Kâle, assianik anernelik, nâletsiartorlo uvamnik, tâmna tikiutijomavara nunamut aivigilauᴋtaminut; tâpsomalo kinguvângita kingormgutilârpât.
25Takuit, Amalekut Kanaanekullo nunaᴋarput naᴋsarme; ᴋaupat sanguleritse, ailuselo sunaᴋajuitomut apkotikut imarbingmut suvlolingmut sangmijokut.
26Nâlekablo Mosese Aronelo oᴋarvigivak, oᴋarlune:
27Kanoᴋ akunertigijomik ilagêktoᴋsuit makkoa idluitut oᴋarnilutjijut uvamnik ᴋenuêsarvigijaksarivakkâ? Israêlikut oᴋarnilungningit, oᴋarniluserijangit uvamnik, tusâvakka.
28Oᴋautisigik: Sorlo mikseᴋârtomik inôgama, oᴋarpoᴋ Nâlegaᴋ, sorlo oᴋauseᴋarapse siutimnut, taimak piniarvigijomavapse;
29Timise oggojomârput (toᴋungajomârput) sunaᴋajuitome tamattomane, ilûnase kititaulauᴋtose, iluengarluse kititaulaurapse, jâreᴋartose 20nik ununersaniglo, oᴋarnilutjijose uvamnik,
30Tikituksaungilase nunamut angerutigilauᴋtamnut, aggakka issângatilugit, nunaᴋutautitsomavlugo ilipsingnut, Kâle, Jefunib erninga, Josualo, Nunib erninga, kissimik.
31Kitorngasele, aᴋsârnigaksauneralauᴋtase, tâpkoa tikiutijomavakka tagvunga, ilitarᴋsilârpullo nunamik naggogijapsingnik.
32Ilipsele timise toᴋungalârput sunaᴋajuitome tamattomane.
33Kitorngaselo saksâlârput sunaᴋajuitome jârit 40 nâvlugit, nangmalârposelo assiniarnipsingnik timise nungutauᴋârtinagit sunaᴋajuitome.
34Uvlut nunamik nautsertorvigilauᴋtapse unurningit, tagva uvlut 40, maliklugit, tagva jâre atauseᴋ uvlormut atautsemut, idluitulinise nangmalârpase, tagva jârinik 40nik, taimaglo missigilârpose tununganimnik.
35Uvanga Nâlegaᴋ oᴋarpunga, taimaitomiglo nelâgut ilagêktoᴋsuit tamakkoa idluitut, uvamnik pikablâviᴋartut, piniarvigijomavakka; sunaᴋajuitome ômane nungutaujuksauvut, tamâne toᴋojuksauvut.
36Angutillo, Mosesib tilijangit nautsertoriartorᴋovlugit nunamik, utertullo, unipkâlungnermingnullo nuna pivlugo pikablâtitsijut ilagêktoᴋsoarnik oᴋarnilutjitilugit Mosesemik,
37Angutit tâpkoa unipkauteᴋaluktut nunamik, toᴋovut, nusilingnartomut pijauvlutik, Nâlekab sângane.
38Josuale, Nunib erninga, Kâlelo, Jefunib erninga, inôgannertotôvuk angutinit ipkonangat nautsertoriartulauᴋtunit nunamik.
39Mosesiblo oᴋautsit tamakkoa oᴋautigivait Israêlikunut ilûnainut; inuillo angijomik ᴋaᴋialidlarput.
40Uvlârorlutiglo majorarput ᴋaᴋᴋab ᴋânganut, oᴋarlutik: Mânêpogut, tâvungarta nunamut Nâlekab angerutigijanganut; idluituligapta.
41Moseselo oᴋarpoᴋ: Suna pivlugo Nâlekab perᴋojanga tapagijomavisiûk, suliniatsanginapsê?
42Tâvungarniarase, Nâlegaᴋ akunapsingnêngimat; sâlagijaudlarᴋonase ômigijipsingnut.
43Amalekut Kanaanekullo sivunapsingnêngmatta, tâpkoalo saviksoanginut oggotitaulârpose; tunnulaurapse Nâlegaᴋ maligomanago, Nâlekab ilagijomangilâse.
44Tatitosârlutigle majorarput ᴋaᴋᴋab ᴋânganut; Nâlekable iklervinga angersimaneᴋtalik Moseselo nûlungilâk tangmârvingmit.
45Amalekullo Kanaanekullo nunalit ᴋaᴋᴋame tâpsomane atersârput annaulugillo unangmilugillo Horma tikidlugo.
Currently Selected:
Numbers 14: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Numbers 14
14
1Ilagektoksuillo ilûnatik nipliadlarput ᴋaggudlarlutiglo; unnuarmelo tâpsomane inuit ᴋeadlarput.
2Israêlikullo ilûnatik oᴋaluᴋivut Mosesemut Aronemullo; ilagêktoᴋsuillo ilûnatik oᴋautivakit: Sinaungamêk toᴋolaunginapta Egipteneme! Sinaungamêglônêt toᴋolaunginapta sunaᴋajuitome tamattomane!
3Imaglo: Suna pivlugo Nâlekab tikiutitipâtigût nunamut tamattomunga, saviksoarmut oggotitauᴋovlutâ? Arnavut ᴋitorngavullo aᴋsârnigaulârput; nakornersaulungilâᴋ uterupta Egiptenemût?
4Oᴋaᴋatigêkpullo: Aulatsijuksamik annerosulerta uterlutalo Egiptenemut.
5Moseselo Aronelo kênatik pûlugik pâmangavuk Israêlikut ilagêktoᴋsuit katimajut ilûnatik sângine,
6Josualo, Nunib erninga, Kâlelo, Jefunib erninga, nunamik nautsertoriartulauᴋtut ilâgik, aliktuivuk annorângmingnik;
7Israêlikullo ilagêktoᴋsôningit oᴋarvigilugit aᴋautivait: Nuna ingergarvigilauᴋtavut nautsertoromavlugo nunatsiangodlarpoᴋ.
8Nâlekab ᴋuviagikpatigut tikiutitiniarpâtigût nunamut tâpsomunga, tunilugolo uvaptingnut, nuna kôlik imungmik igupsaujârtullo orᴋsuanik.
9Kissiane Nâlegaᴋ pikablâviginiarasiuk, nunablo inungit erᴋsiginiarasigik; nerᴋiksatôjârmatta uvaptingnut; saputjauviksaᴋarungnaiput, Nâlekable ilagivâtigut; erᴋsiginiarasigik.
10Ilagêktoᴋsuille ilûnatik millortauᴋovakit ujarᴋanut. Nâlekablo ânanauninga saᴋᴋijarpoᴋ Israêlikunut tamainut ilagêktut tupingane.
11Nâlekablo Mosese oᴋautivâ: Kanoᴋ akunertigijomik inuit tamakkoa naggoginiarpângâ? Kanorlo akunertigijomik okperomangilât uvamnût, tatamnartut piniarnerijakka tâpkoa akorngane pigaloartilugît?
12Nusilingnartomut annaudlaromavakka kingormgujijuksaujungnaitilugillo, inôᴋatigêksoangortitsijomavungalo ilingnit anginersaujunik sôngonersaujuniglo tâpkonangat.
13Mosesiblo Nâlegaᴋ oᴋautivâ: Egiptenemiut tagva tusalârput tamattominga; tâpkoa akornganit inuit tamakkoa tamaungautilaurangne pitsartunernut;
14Tâpkoalo unipkautigilârpât nunab tamattoma inunginut, tusaumajunut igvit Nâlegaᴋ inuit ukkoa akornganêgavit; igvit Nâlegaᴋ takojaugavit kênarmit kênarmut, nuvujaᴋotivillo ᴋolangiarpait, igvit sivorlerpatit nuvujakut napajokut uvlôtilugo, ikomakullo napajokut unnuarme.
15Mânalo inugiartoᴋsuit makkoa toᴋonajarungne angutitut atausertut, inôᴋatigêksuit tusaumajut nertornautingnik oᴋaromârput, oᴋarlutik:
16Nâlegaᴋ sapilaungmat inugiartoᴋsuit tâpkoa tikiutitilugit nunamut angerutigilauᴋtaminut tâpkonunga, toᴋorarpait sunaᴋajuitome.
17Mânalo Nâlekab pitsartuninga angijororletôᴋ, oᴋauserilauᴋtat maliklugo, oᴋaravit:
18Nâlegaᴋ ᴋenuêdlarpoᴋ nâpkiniktoᴋsôvlunelo, issumagijungnainikpoᴋ ajornernik tapatonerniglo, pidlartailitsingitorle ᴋaᴋialerneᴋangitunik; atâtat idluitulininginik pidlarnikpoᴋ ᴋitorngane, ernerêt kingorlerêt pingajungit sitamangillo tikidlugit.
19Inugiartoᴋsuit ukkoa idluituliningit issumagijungnailaukittôᴋ nâpkiningnivît angijoᴋsôninga maliklugo, issumagijungnainingnîllo inungnik makkoninga Egiptenemit mânamut maliklugo.
20Nâlegarlo oᴋarpoᴋ: Issumagijungnainikpunga ᴋenunît maliklugo.
21Kissianele sorlo mikseᴋârtomik inôgama, sorlolo nuna ilûnât ilumertaulârmat Nâlekab ânanauninganut,
22Inuit makkoa ilûnatik tautulauᴋtut ânanaunimnik nelunaikutamniglo piniartamnik Egipteneme sunaᴋajuitomelo, 10ertorlutigle pikablâviᴋartut uvamnik, nipigalo nâlengnago;
23Tâpkoa ila tautuktuksaungilat nunamik angerutigilauᴋtamnik atâtanginut, naggojullônêt uvamnik neliata takoniangilâ;
24Kivgarale Kâle, assianik anernelik, nâletsiartorlo uvamnik, tâmna tikiutijomavara nunamut aivigilauᴋtaminut; tâpsomalo kinguvângita kingormgutilârpât.
25Takuit, Amalekut Kanaanekullo nunaᴋarput naᴋsarme; ᴋaupat sanguleritse, ailuselo sunaᴋajuitomut apkotikut imarbingmut suvlolingmut sangmijokut.
26Nâlekablo Mosese Aronelo oᴋarvigivak, oᴋarlune:
27Kanoᴋ akunertigijomik ilagêktoᴋsuit makkoa idluitut oᴋarnilutjijut uvamnik ᴋenuêsarvigijaksarivakkâ? Israêlikut oᴋarnilungningit, oᴋarniluserijangit uvamnik, tusâvakka.
28Oᴋautisigik: Sorlo mikseᴋârtomik inôgama, oᴋarpoᴋ Nâlegaᴋ, sorlo oᴋauseᴋarapse siutimnut, taimak piniarvigijomavapse;
29Timise oggojomârput (toᴋungajomârput) sunaᴋajuitome tamattomane, ilûnase kititaulauᴋtose, iluengarluse kititaulaurapse, jâreᴋartose 20nik ununersaniglo, oᴋarnilutjijose uvamnik,
30Tikituksaungilase nunamut angerutigilauᴋtamnut, aggakka issângatilugit, nunaᴋutautitsomavlugo ilipsingnut, Kâle, Jefunib erninga, Josualo, Nunib erninga, kissimik.
31Kitorngasele, aᴋsârnigaksauneralauᴋtase, tâpkoa tikiutijomavakka tagvunga, ilitarᴋsilârpullo nunamik naggogijapsingnik.
32Ilipsele timise toᴋungalârput sunaᴋajuitome tamattomane.
33Kitorngaselo saksâlârput sunaᴋajuitome jârit 40 nâvlugit, nangmalârposelo assiniarnipsingnik timise nungutauᴋârtinagit sunaᴋajuitome.
34Uvlut nunamik nautsertorvigilauᴋtapse unurningit, tagva uvlut 40, maliklugit, tagva jâre atauseᴋ uvlormut atautsemut, idluitulinise nangmalârpase, tagva jârinik 40nik, taimaglo missigilârpose tununganimnik.
35Uvanga Nâlegaᴋ oᴋarpunga, taimaitomiglo nelâgut ilagêktoᴋsuit tamakkoa idluitut, uvamnik pikablâviᴋartut, piniarvigijomavakka; sunaᴋajuitome ômane nungutaujuksauvut, tamâne toᴋojuksauvut.
36Angutillo, Mosesib tilijangit nautsertoriartorᴋovlugit nunamik, utertullo, unipkâlungnermingnullo nuna pivlugo pikablâtitsijut ilagêktoᴋsoarnik oᴋarnilutjitilugit Mosesemik,
37Angutit tâpkoa unipkauteᴋaluktut nunamik, toᴋovut, nusilingnartomut pijauvlutik, Nâlekab sângane.
38Josuale, Nunib erninga, Kâlelo, Jefunib erninga, inôgannertotôvuk angutinit ipkonangat nautsertoriartulauᴋtunit nunamik.
39Mosesiblo oᴋautsit tamakkoa oᴋautigivait Israêlikunut ilûnainut; inuillo angijomik ᴋaᴋialidlarput.
40Uvlârorlutiglo majorarput ᴋaᴋᴋab ᴋânganut, oᴋarlutik: Mânêpogut, tâvungarta nunamut Nâlekab angerutigijanganut; idluituligapta.
41Moseselo oᴋarpoᴋ: Suna pivlugo Nâlekab perᴋojanga tapagijomavisiûk, suliniatsanginapsê?
42Tâvungarniarase, Nâlegaᴋ akunapsingnêngimat; sâlagijaudlarᴋonase ômigijipsingnut.
43Amalekut Kanaanekullo sivunapsingnêngmatta, tâpkoalo saviksoanginut oggotitaulârpose; tunnulaurapse Nâlegaᴋ maligomanago, Nâlekab ilagijomangilâse.
44Tatitosârlutigle majorarput ᴋaᴋᴋab ᴋânganut; Nâlekable iklervinga angersimaneᴋtalik Moseselo nûlungilâk tangmârvingmit.
45Amalekullo Kanaanekullo nunalit ᴋaᴋᴋame tâpsomane atersârput annaulugillo unangmilugillo Horma tikidlugo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.