Leviticus 27
27
1Nâlekablo Mosese oᴋarvigivâ, oᴋarlune:
2Israêlib ᴋitorngangit oᴋarvigikit, oᴋautilugillo: Inuit naliat angermarigune tunijomavlune nangminerminik, igvit inuit akkigijungnartangit Nâlekab sângane oᴋautigijaksarivatit.
3Imâglo akkeᴋariaᴋarneraraksarivatit; jâreᴋarninganit 20nik jâreᴋarninganut 60nik akkeᴋariaᴋarneraraksarivat sekelenik silberenik 50nik, ivsornaitoviub sekelinga ôktûtigilugo;
4Arnaukpalle sekelinik 30nik akkitotigineraraksarivat.
5Jâreᴋarninganillo tallimanik jâreᴋarninganut 20nik, angut sekelenik 20nik, arnarlo sekelenik 10nik akkitutigineraraksarivatik.
6Takᴋeᴋarninganit atautsemik jâreᴋarninganut tallimanik angut sekelenik silberenik tallimanik, arnarlo sekelenik silberenik pingasunik akkitotigineraraksarivatik.
7Jâreᴋarpallo 60nik ununersaniglo, angut sekelenik 15nik arnarlo sekelenik 10nik akkitotigineraraksarivatik.
8Sukkôluarpalle akkeᴋariaᴋarnerartarnit, ajoᴋertuijûb sânganut pititaujuksauvok, ajoᴋertuijûblo akkigijungnartanga oᴋautigijaksarivâ; angermariktûb akkigijungnartanga maliklugo ajoᴋertuijûb akketotigineraraksarivâ.
9Nergjuteokpallo inûb tunergutigijomajanga Nâlekamut, tunijaujûb Nâlekamut ilûnanga ivsornaipok.
10Asserᴋotsititaksaringilâ tauᴋsiutinagolônêt, ajungitok piungitomut, piungitorlônêt ajungitomut, tauᴋsiutjipallo nergjutemik nergjutemut, tagva tamarmik tunijaujok tauksiutijaujorlo ivsornaituksauvuk.
11Nergjuteokpalle tunijauvalungitok Nâlekamut, nergjute pititaksarivâ ajoᴋertuijûb sânganut;
12Ajoᴋertuijûblo akkigijungnartanga oᴋautigijaksarivâ, ajungitôkpat piungitôkpallônêt; sôrlolo igvit ajoᴋertuijôjotit akkeᴋarᴋogangne, taimailingajuksauvok.
13Pisiarijomalermiguniuglo tappeᴋartitaksarivâ akkeᴋarᴋolauktavit tâpsominga tallimanganik.
14Inublo iglune tunergutigikpago ivsornaiᴋovlugo Nâlekamut, ajoᴋertuijûb akkigijungnartanga oᴋautigijaksarivâ piojôkpat piungitôkpallônêt; sôrlolo ajoᴋertuijûb akkeᴋarᴋongmago, taimailingajuksauvok.
15Tunitjijûb tâpsominga pisiarijomalermiguniuk, tappeᴋartitaksarivâ akkeᴋarᴋolauktavit tâpsominga tallimanganik; perᴋutigilârpâ tagva.
16Inublo perorsêvime kingormgutigilauktame ilanga tunergutigikpago Nâlekamut, tagva akkeᴋarᴋojaksarivat karngasortauvioninga maliklugo, perorsêvik karngasortauviksak sanaugâluksanik ôktûtib homerib nâmanganik akkeᴋarᴋojaksarivat sekelenik silberenik 50nik.
17Perorsêvine tunergutigiguniuk jâremit serriviksaujomit, akkitotiginerainit maliklugo akkitotigilârpok.
18Jârible serriviksab kingorngane tunergutigiguniuk, ajoᴋertuijûb akkigijungnartanga oᴋautigijaksarivâ jârit kapsiolârningit serriviksak tikidlugo maliklugit; tâpkoalo maliklugit akkeᴋarᴋojaksarivâ.
19Tunitjilauktûblo perorsêvingmik pisiarijomalermiguniuk, tappeᴋartitaksarivâ akkeᴋarᴋolauktavit tallimanganik, perᴋutigilârpâlo tagva.
20Pisiarijomangilermiguniugle perorsêvik, niorvgutigiguniuglônêt assiminut, tagva pisiaksaujungnaimarikpok;
21Perorsêvigle, utilerpat jâreme serriviksarme, ivsornaituksauvok Nâlekamut, perorsêviktut perᴋutaumariktotut; ajoᴋertuijûb perᴋutigijaksarivâ.
22Naliatalo perorsêvik pisiarilauktane kingormgutigilaungitane tunergutigiguniuk;
23Ajoᴋertuijok kititsijuksauvok tâpsomunga akkeᴋarᴋolauktarnik jâre serriviksak tikidlugo; uvlormelo taipsomane tunitjijuksauvok akkeᴋarᴋolauktarnik ivsornaiᴋovlugo Nâlekamut.
24Jâreme serriviksarme perorsêvik utertuksauvok aulailauktomut tâpsominga, ilâ, tâpsomunga kingormgujilauktomut nunamik tâpsominga.
25Akkeᴋarᴋojatillo ilûnatik maliktuksauvut ivsornaitoviub sekelinganik; gêrat 20 sekeleojuksauvut atautsemik.
26Nergjutille pijariorutingit, pijariorutiksautitaujut Nâlekamut, tunergutiksautitaujuksaungilat; tuktuvaumangâllônêt saugaumangâllônêt, Nâlekab perᴋutigivâ.
27Nergjuteokpallo ivsornartok, pisiarijaksarivâ akkeᴋarᴋojat maliklugo, tappeᴋartilugolo akkigijangata tallimanganik; pisiarijomangipagolo, aulaijaujuksauvok akkeᴋarᴋojat maliklugo.
28Perkutaumariktorle, inûb perᴋutautitanga Nâlekamut pigijaminit tamainit, inôngmangât nergjuteongmangâllônêt perorsêviongmangâllônêt pigijanganik, aulaijaujuksaungilak pisiarijaujuksaungilarlônêt; perᴋutautitaujut ilûnatik ivsornaitoksôdlarput Nâlekamut.
29Perᴋutautitaumajok, inûb perᴋutautitanga, pisiarijaujuksaungilak, toᴋotaujuksauvorle.
30Nunablo sakᴋertangita tallimaujungit ilûnatik, perutsiangongmangât napârtûblônêt paungangit, Nâlekab perᴋutigivait; ivsornaiput Nâlekamut.
31Inûblo perᴋutime tallimaujungita ilanga pisiarijomalermikpago, tappeᴋartitaksarivâ tallimanganik.
32Tuktuvallo saugallo tallimaujungit ilûnatik, ajaupiab atâgôrtut, ivsornaituksauvut Nâlekamut.
33Nautsertortuksaungilak piojôngmangât piungitôngmangâllônêt, tauksiutijaksaringilâlônêt; taukserpagolo tagva tamarmik tauksertaujok tauktingalo ivsornaituksauvuk; pisiarijaujuksaungilak.
34Tamadja perᴋojat, Nâlekab perᴋojijutigijangit Mosesemut Israêlib ᴋitorngangit pivlugit, ᴋakᴋame Sinaime.
Currently Selected:
Leviticus 27: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
