Leviticus 12
12
1Nâlekablo Mosese oᴋarvigivâ, oᴋarlune:
2Israêlib ᴋitorngangit oᴋarvigikit, oᴋarlutit: Arnak ernisukpat angutimiglo ernilune, ivsornartuksauvok uvlut sevenit nâvlugit; sôrlo auᴋarningata uvlungine ivsornartuksauvok.
3Uvlullo 8ingane angutiarsûb uviningata amingata nuvua kipijaujuksauvok.
4Arnarlo ingmikôrtuksauvok uvlunik 33nik aungme sujungaivingane; aktoajuksaungilak ivsornaitomik sumiglônêt, ivsornaitovingmullônêt itertuksaungilak, sujungaivingme uvlungit nâmaksiᴋârtinagit.
5Sorusermigle arnarmik ernikpat, ivsornartuksauvok vôgîngnik maggûngnik, sôrlo sujungaivingmine; aungmelo sujungaivinganêtuksauvok uvlunik 66nik.
6Sujungaivingatalo uvlungit nâmaksikpatta, ernek pivlugo paniglônêt pivlugo, ᴋaitsijuksauvok saugârsungmik, atautsemik jârelingmik tunergutiksamik ôtaksamik, aᴋigiaraujarmiglo aᴋigiojârtomiglônêt tunergutiksamik ajoᴋêrutiksamik ilagêktut tupingata upkoanganut ajoᴋertuijomut;
7Tâpsomalo tunergutigijaksarivâ Nâlekab sângane, (arnarlo) ulapᴋoseraksarivâ; sujungaititauniarporlo tagva auᴋarninganit. Tamadja perᴋojak ernijok angutimiglônêt arnarmiglônêt pivlugo.
8Sapidlarpalle saugârsungmik, tigusijuksauvok aᴋigiojârtûngnik maggûngnik aᴋigiaraujarniglônêt maggûngnik; aipâ tunergutiksautilugo ôtaksamik, aipangalo tunergutiksautilugo ajoᴋêrutiksamik; ajoᴋertuijûblo ulapᴋoseraksarivâ ivsornainiarporlo.
Currently Selected:
Leviticus 12: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
