Leviticus 11
11
1Nâlekablo Mosese Aronalo oᴋarvigivâk, oᴋautilugiglo:
2Israêlib ᴋitorngangit oᴋarvigisigik, oᴋarlutik: Tamadja ômajut nerrijaksarijase ômajunit tamainit nunamêtunit.
3Ilûnaita ômajut akorngane itigalît ᴋopâlingnik ingmigolingajunik tamoapsârsûllo, tâpkoa nerᴋiksarijaksarivase.
4Makkoale tamoapsâraloartut itigaᴋaraloartullônêt ᴋopâlingnik nerᴋiksarijaksaringilase: kamêle, tâmna tamoapsâraloarpok itigaᴋarporle ᴋopâᴋangitunik; tâmna ivsornarpok ilipsingnut.
5Ukaliaitsiujarlo, tâmna tamoapsâraloarpok, itigaᴋangilarle ᴋopâlingnik, tâmna ivsornarpok ilipsingnut.
6Ukalerlo, tâmna tamoapsâraloarpok, ᴋopâlingnigle itigaᴋangilak; tâmna ivsornarpok ilipsingnut.
7Kuingêngerlo, tâmna itigaᴋaraloarpok ᴋopâlingnik tamoapsârsôngolungilarle; tâmna ivsornarpok ilipsingnut.
8Tâpkoa nerᴋingat nerrijaksaringilase, sillungillo aktoraksaringilase; ivsornarput ilipsingnut.
9Tamadja imânêtunit tamainit nerᴋiksarijase; tikâgutelit kaviselillo ilûnatik imânêtut, imarbingnêtut kôngnêtullo, tâpkoa nerrijaksarivase.
10Tikâguteᴋangitullo kaviseᴋangitullo imarbingnêtut kôngnêtullo, ilûnainit aulajunit imâne, ômajunillo tamainit imânêtunit, tâpkoa maᴋojungnarput ilipsingnut,
11Maᴋojugijaksarivaselo; tâpkoa nerᴋingat nerrijaksarilungilase, sillungillo maᴋojugijaksarivase.
12Imânêtut ilûnatik tikâguteᴋangitut kaviseᴋangitullo maᴋojungnarput ilipsingnut.
13Makkoalo tingmiat akorngane maᴋojugijaksarivase; nerrijaujuksaungilat, maᴋojungnarput; nektoralik, kigaviksoarlo, aglakoliglo;
14Kigaviâluglo, kigaviglo, tâpsomalo adsingit;
15Tullukallo ilûnaita, tâpkoalo adsingit;
16Strauselo, unnuaksiullo, naujarlo, kigaviarsuglo, adsingillo;
17Nuilatôrlo, oᴋaitorlo, ukpiglo;
18Ikkêtojorlo, siggoᴋortôrlo, sillasiortorlo;
19Niuᴋortôrlo, ᴋongaseᴋortôrlo, amauliksoarlo, nunivakaujarlo tingisôk.
20Issarolillo sitamaniglo itigajalit nuname pisusôt maᴋojungnarput ilipsingnut.
21Makkoale issarolit, sitamaniglo itigajalit nuname pisusôt, niuᴋartut itigajamik ᴋolâne, ᴋiggertarpaktut nuname;
22Makkoa ila taimaitunit nerrijungnarpase; piglertaujak adsingillo, piglertaksoarlo adsingillo, piglertarlo adsingillo;
23Nunakôrtulle ilûnatik issarolit sitamaniglo itigajalit maᴋojungnarput ilipsingnut.
24Tapkonunga ivsornartitauvose; aktuajok tâpkoa sillunginik ivsornarniarpok unnuk tikidlugo.
25Akjarsijok taimaitovinermik ergortuijuksauvok annorâminik ivsornarniarlunalo unnuk tikidlugo.
26Omajut ilûnatik kukkiujalit ᴋopâᴋangitunigle tamoapsâlungitullo ivsornarput ilipsingnut; ilûnatik aktuijut tâpkoninga ivsornarniarput.
27Omajullo ilûnatik pisusôngojut itigangmingne sitamane inugangoalingne ivsornarput ilipsingnut; aktuijullo sillunginik ivsornartuksauvut unnuk tikidlugo.
28Akjarsijûblo sillunginik annorâne ergortoraksarivait, ivsornarniarlunalo unnuk tikidlugo; taimaitut ivsornarput ilipsingnut.
29Makkoangovullo ivsornartut ilipsingnut nuname pâmgortut akorngane; terriak nunivakkarlo pâmgortullo sunatuinait ingmikut pitjutilit;
30Ilâᴋoseujarlo ugjunarlo narrâjeojârtullo adsigêngitut.
31Tâpkoangovut ivsornartut ilipsingnut nuname pâmgorpaktut akorngane; aktuijut taimaitunik toᴋungatilugit ivsornartuksauvok unnuk tikidlugo.
32Tâpkoalo nalianut toᴋungajunut katagviojok ivsornartuksauvok; perᴋuteongmangât ᴋejungmit sanamajomik, annorângongmangâllônêt amiongmangâllônêt pôrmangâllônêt perᴋuteotuarpat sunatuinarnut atorsôk kinitsiutijaujuksauvok, ivsornarniarporlo unnuk tikidlugo; tungâgullo ivsornainiarpok.
33Perᴋutelo maggarmit sanamajak katagviojok taimaitut nalianut ilulingit sunaugaloarpatta ivsornarniarput, serᴋomitaksarivaselo.
34Nerᴋiksallo tagvanêtut mikiktaujut ᴋoiviojullônêt taimaitomut, ivsornartuksauvok; imerlo imiksaujok pôrme taimaitome ivsornartuksaugivok.
35Ilûnatiglo sunaugaloartut katagviojut taimaitut sillunginut ivsornartuksauvut; kiaksauteokpat ukkusiᴋauteokpallônêt, serᴋalijaujuksauvok; ivsornarput, ivsorijaksarivaselo.
36Puailavigle imeᴋautelônêt katersiviksak imermik ivsornaituksauvok; aktuijulle sillunginik ivsornartuksauvut.
37Sillungitalo ilanga katakpat karngasutiksanut karngasortauniartunut, ivsornaipok.
38Imerle kovijaukpat karngasûtinut, sillungitalo ilangat katakpat tagvunga, ivsornarpok ilipsingnut.
39Nergjutelo nerᴋiksauᴋojaujok ilipsingnut toᴋokpat; aktuijok sillunganik ivsornartuksauvok unnuk tikidlugo.
40Nerrijûblo sillungata ilanganik annorâne ergortoraksarivait, ivsornarniarlunalo unnuk tikidlugo; akjarsijûblo sillunganik annorâne ergortoraksarivait, ivsornarniarlunalo unnuk tikidlugo.
41Pamgortullo nuname ilûnatik maᴋojungnarput; nerrijaujuksaungilat.
42Nâmikullo aulajut ilûnatik, ilûnatiglo sitamatigut ilûnaitigut aulajut, ilûnatiglo itigalit unuktunik, ilâ, pâmgortut ilûnatik nuname, nerrijaksaringilase, maᴋojungnarmatta.
43Maᴋojungnartituksaungilase ilipsingnik pâmgortut nalianullônêt, ivsornartituksaungilaselônêt ilipsingnik tâpkonunga, sujuktauᴋonase tâpkonunga.
44Uvanga Nâlegaugama Gûdise; taimaimat sujungaitititse ilipsingnik, ivjornaigitselo; ivjornainama; sujuktituksaungilaselo ilipsingnik pâmgortut nuname aulajut nalianullônêt.
45Uvanga Nâlegaugama tikiutilauktise nunamit Egiptenemit Gûdeojomavlunga ilipsingnut; taimaimat ivjornaituksauvose, ivjornainama.
46Tamadja perᴋojat nergjutit, tingmiallo, imaksiutillo ilûnaita, pâmgortullo ilûnaita nuname pivlugit;
47Ivjornartut ivjornaitullo, ômajullo nerᴋiksaujut ômajullo nerᴋiksaungitut adsigêngititauᴋovlugit.
Currently Selected:
Leviticus 11: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
