Exodus 40
40
Tuperterᴋojauvut. Nuvujab tupek ulikpâ.
1Nalekablo Mosese oᴋarvigivâ, oᴋarlune:
2Takᴋiub sivorlerpâb uvlungita sivorlerpângane tupertertuksauvotit ilagêktut tupinganik.
3Iklerviglo kigligiutjinektalik ilijaksarivat takamunga, tachilugolo iklervik tâlutamut.
4Sâlo itertitaksarivat, âᴋiksorlugillo âᴋiksortaujariaᴋartut ᴋângane; naneroaᴋarviglo itertitaksarivat, ᴋollingillo ikilugit.
5Tunerguserviglo goldeojok iserluanititsivik iklerviub kigligiutjineᴋtaliub sânganut ilijaksarivat, tupiublo pângata tâlutanga âᴋiksorlugo.
6Tunerguserviglo tunergutinik ôtaksanik pititaksarivat ilagêktut tupingata ivsornaitoviub pângata sânganut, tâlutarlo âᴋiksorlugo tupiub pângane.
7Ubvarviglo pititaksarivat ilagêktut tupingata tunerguserviublo akorngangnut, imilugolo.
8Avalullo avatânêtut âᴋikseraksarivatit, tâlutallo nivingatilugit avalut itertarvinganut.
9Orksorlo mingoarutiksak tigujaksarivat tuperlo mingoarlugo, ilûnnaitalo takᴋamanêtut, ivsornaititaksarivallo perᴋutingillo tamaita: ivsornaituksauvorlo.
10Tunerguserviglo tunergutinik ôtaksanik mingoaraksarivat perᴋutingillo tamaita, tunerguserviglo ivsornaitilugo: Tunerguserviojuksauvorlo ivsornainerpâmik.
11Ubvarviglo ikoggangalo mingoaraksarivakik ivsornaitilugiglo.
12Aronelo erningillo tikititaksarivatit ilagêktut tupingata pânganut ubvarlugillo imermut.
13Aronelo atititaksarivat annorânik ivsornaitunik, mingoarlugolo, ivsornaitilugolo; kivgartorᴋovlugo uvamnut ajoᴋertuijônerme.
14Erningillo tikititaksarivatit annorârtilugillo ulingnik:
15Mingoaraksarivatillo sorlo atâtangat mingoarangne, kivgartorᴋovlugit uvamnut ajoᴋertuijônerme: mingoartauningillo ajoᴋertuijungortitaujutiksauvok nâksaungitok kinguvângitigut.
16Taimailiorpok Mosese: Nâlekab perᴋojangit tâpsomunga tamaita maliklugit, taimailiorpok.
17Jâriblo aipangata takᴋingita sivorlerpângata uvlungita sivorlerpângane, tupek napartitauvok.
18Moseselo tuperterpok, manguvingillo atsungersorpait, sâtojangillo naparlugit, saningajungillo ilivlugit napajungillo naparlugit.
19Matuksarlo ilullerpâk isipterpâ tupiub ᴋolâgut, matuksarlo silallek tâpsoma ᴋânganut ilivlugo, sorlo Nâlekab Mosese perᴋongmago.
20Kigligiutjinîllo tiguvait pôrlugillo iklervingmut, akigautîglo ilivak iklervingmut, iksivaviglo saimarvigijauvik ilivâ iklerviub ᴋânganut:
21Iklerviglo itertipâ tupermut, upkolo tachititsijok âᴋiksorpâ, iklerviglo kigligiutjinektalik tachipâ; sorlo Nâlekab Mosese perᴋongmago.
22Salo itertipâ ilagêktut tupinganut, tupiub saneranganut tachardlermut, upkub silatânut.
23ᴋakᴋôjallo âᴋiksorpait ᴋânganut Nâlekab sângane; sorlo Nâlekab Mosese perᴋongmago.
24Naneroaᴋarviglo pitipâ ilagêktut tupinganut, sâb akianut, tupiub saneranganut seᴋinerdlermut.
25Kollîllo ikipait Nâlekab sângane; sorlo Nâlekab Mosese perᴋongmago.
26Tunerguserviglo goldeojok pitipâ ilagêktut tupinganut, upkub sânganut;
27ᴋânganelo ikitsivok tipitsiariksautiksanik; sorlo Nâlekab Mosese perᴋongmago.
28Talutarlo âᴋiksorpâ tupiub pânganut.
29Tunerguserviglo tunergutiksanik ôtaksanik ilivâ ilagêktut tupingata ivsornaitub pângata sivorânut, tunerguserlunelo ᴋângane tunergutemik ôtaksamik, tunergutemiglo nerᴋiksamik; sorlo Nâlekab Mosese perᴋongmago.
30Ubvarviglo pitipâ ilagêktut tupingata tunerguserviublo akorngangnut, imilugolo ubvautiksamik.
31Moseselo Aronelo erningillo aggatik itigatiglo ubvarpait tagvane:
32Iterangamik ilagêktut tupinganut, najornigangamiglo tunerguservingmik, ubvarput; sorlo Nâlekab Mosese perᴋongmago.
33Avalullo naparpait tupiub tunerguserviublo avatâgut, tâlutarlo âᴋiksorpâ avalut itertarvinganut. Taimaglo Mosesib suliaksak pijarêrpâ.
34Tagva nuvujab ilagêktut tupingat ulikpâ, Nâlekablo ânanauningata tupek ilumavâ.
35Moseselo iterungnangilak ilagêktut tupinganut, nuvujab ᴋânganêngmat, Nâlekablo ânanauningata tupek ilumangmago.
36Nuvujjarlo ᴋangatarangat tupiub ᴋânganit, Israêlikut sivumuarput ingerganingine tamât.
37Nuvujarle ᴋangatalungipat, tagva ingergalungilat uvlok ᴋangatarvinga tikitsiarivlugo.
38Nâlekab nuvujanga tupiub ᴋânganêngmat uvlôtilugo, ikomalo ᴋânganêngmat unuarme, Israêlikut ilûnnatik takoane, ingerganingat ilûnât nâvlugo.
Currently Selected:
Exodus 40: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
