Kolossamiunut 2
2
Pauluse ᴋaiblaivok, Jêsusemik inôjutetôjomik iperaiᴋonagit, tamartitauᴋonagillo ajoᴋertuijunut nalangaitunut.
1Nalojungnairᴋovapsele ᴋanok angitigijomik issumajârutigigapse, Laodizêamiullo, ilûnaitalo tautumnik uvinikut takolaungitut.
2Omatingit ᴋaiblartauᴋovlugit ᴋelaksortigêrᴋovlugillo naglingnikut, akluilerᴋovlugillo ilisimajutiksanik tamainik nakimarninangitunik, Gûdemik Atâtamiglo Kristûsemiglo nalonartok illitarilerdlugo.
3Perᴋutit ilisimajutiksat ilitarsijutiksallo tamaita tâpsomane ijersimangmatta.
4Taimaglo oᴋauseᴋarpunga, oᴋâlanermut kajungersarnartomut uivêrijauᴋonase kimut.
5Timipkut apsimagalloardlunga anernipkulle najorpapse, ᴋuviasuklunga, malugosukama idluarnipsingnik okpernipsingniglo soᴋosijuitomik Kristûsemut.
6Tagva sorlo Kristûse Jêsuse ilaliulaurapsiuk, arvertarniaritse tâpsomane.
7Amâtsiortaulerluselo igloliangomaleritse tâpsomane, okpernerme aulajungnangerdluse, sorlo ajoᴋertortaumagapse, angijomiglo tamattominga ᴋujalivigitse.
8Udjertoritse, aᴋsârtauᴋonase ilisimajôjarnermut tamartitsinermullo tukkeᴋangitomut, inuit ajoᴋertûsetuinanginit, silaksûblo inungita perᴋojinikullunginit, Kristûsib ajoᴋertûsinganiungitok pijomut.
9Gûdionek ilûnane tâpsomanêmaringmat timeᴋardlune.
10Ilipselo nâmaksivose tâpsomane, nâlegauvîllo pitsartunerillo ilûnamatsiatik niaᴋorijangane.
11Tâpsomanetauk kipimavose, kipijaunermut aggangnu-ungitok, time ajortolik uviningmêtok pêjarapsiuk, tagva Kristûsib kipititsininganut;
12Ilijartortauᴋatigimagapsiuk baptijutikut, tâpsomanetauk makeᴋataumagivose okpernermut, Gûdib pititsininganut, (Kristûsemik) toᴋungajunit tupaktitsijub.
13Ilipsetauk ajornipsingne uvinipselo kipimanginingane toᴋungajose, ômartilaukpâse tâmna ilagilugo, ajornise tamaita issumagijungnairamigit,
14Aglaillo pivluta pijut iluserᴋortoᴋojijut, uvaptingnik erᴋartuijut atorungnaitilugit pêjalaukpait, saningajolingmut kikiaktoramigit.
15Nâlegauvîllo pitsartujoksuillo sakkuêlaukpait, sakᴋertilugillo ilûnatik takoane, ajugaujotit aulartinamigit nangminermigut.
16Taimaimat erᴋartortaujariaᴋatsangilase kimut nerᴋiksarlônêt imiksarlônêt pivlugik, uvloksiorvîllônêt, takᴋêlaillônêt, Sabatillônêt pivlugit.
17Tamakkoa tachatuinaungmatta tikituksamut; timele nangminek Kristûsemêpok.
18Torâraksapsingnit nûtitauniarase kimut, issumaminik sakᴋertomut manigotijôjârlune, Engelitullo ajungitôjârlune; taimaitomik takolaungigalloarame, sulinanelo pimariuterpok uviningme issumangagut;
19Ataviginago niaᴋok; tâpsomangat time iluitok navgoanut nukkingnullo ikajortauvok nukkeᴋarlerdlune, katitaularmelo, aglivalliavlunelo Gûdib aglivalliatitsininganut.
20Tagva Kristûse ilagivlugo silaksûb inungita ilusioᴋojanginit, toᴋolerapse, sôk oᴋumaititaulerpisê ilusioᴋojaujunut, sorlo silaksoarme sulle inônajarupsetût?
21Oᴋartut: Tamanna aktorniarnago pît ôngniarnagolônêt, tiguniarnagolônêt.
22Tamakkoa tamaita atortaukpatta nunguniarput, inuit perᴋovait ajoᴋertûserilaitalo;
23Taimaitut ilisimajôjârput, issumamingnik kivgartoromagamik manigotijôjârlutik, timelo ivlerinago pigamik, issumaginagolo uviniub pijariaᴋarninga.
Currently Selected:
Kolossamiunut 2: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
