Kolossamiunut 1
1
Paulusib ᴋujalininganik Kolossamiut pivlugit, tuksiarutjininganiglo. Kristûsib oᴋautsillo tussarnertut ânanaunersoanganik, Paulusib ânianginuttauk kivgartorninganullo sakᴋertitaujomik
1Pauluse, Jêsusib Kristûsib Apostelinga, Gûdib pijomajanganut, ᴋatangullo Timôteuse, (aglakpoguk)
2Kolossamiunut ivjornaitunut, okpertunullo ᴋatangutigênut Kristûsemêtunut. Gûdib Atâtapta, Nâlekablo Jêsusib Kristûsib saimarsautingata ullapirsautingatalo ilagilisetôk!
3Gûde Nâlegaptalo Jêsusib Kristûsib Atâtanga ᴋujagidlarpavut, tuksiatsainarpogullo pivluse,
4Okpernipsingnik Kristûse Jêsusemut, nagligosungnermiglo ivjornaitunut tamainut, tussaumagapta;
5Nerriugijaksak pivlugo, ᴋomergutaumajok ilipsingnut piksauvlune ᴋilangme, sivorngagut tussalauktase oᴋautsitigut tussarnertutigut mikseᴋârtutigut.
6Tamakkoa ilipsingnut tikisimangmatta, sorlotauk silaksoarmiunut tamainut, kibligutivlutiglo, ilupsingnetauk uvlormit taimangat tussaumalaurapse tamakkoninga Gûdiblo saimarsautâ nalâgut illitarivlugo.
7Taimâktauk ajoᴋertortauvose nagliktaptingnut Epafrasemut kivgartoᴋatiptingnut; tâmna Kristûsemik nertornarlune kivgartorpok pivluse,
8Uvaptingnik ᴋaujititsilaungmijok naglingnipsingnik Anernermit pijomik.
9Tamanna pivlugo uvaguttauk uvlormit taimangat tussaumalaurapta tamattominga, soraijunata tuksiarpogut pivluse, ᴋenuvlutalo, ilumertaukovluse ilitarsinermik pijomajanganik, ilisimavalliavluselo silatuvalliaᴋovluse taimainik anernilingnik.
10Idluartomik arvertarᴋovluse Nâlekamut ᴋuviagijauvluse ilûnâne, pivalliarᴋovluselo ajungitulinerne tamaine;
11Ilitarsivalliarᴋovluselo Gûdemik nakoksijauᴋovluselo pitsartunernut illûnainut, tâpsoma pitsartuninganut ânanaujomut, ᴋenuersârluse, kamangitsertorluselo tamaine ᴋuviasukluse;
12Atâtalo ᴋujagiviklugo, pijungnartilaungmatigut ivsornaitut kingormgujeᴋatigivlugit ᴋaumajome;
13Piulilaungmatigullo tâktub pitsartuninganit, nuktertilutalo Ernerme erdligijame nâlegauvinganut.
14Tâpsomane piulijauviksaᴋarapta aunganut, tamadja ajornernit issumagijaujungnainermik.
15Tâmna Gûdib takuksaungitub adsiluanga, erniangoᴋârtok pingortitaumajunit ilûnainit.
16Tâpsomûna ilûnaita pingortitaungmatta, ᴋilangmêtullo nunamêtullo, takuksaujullo takuksaungitullo, iksivautaksuillo, nâlegauvîllo ataniotinerillo, pitsartujoᴋsuillo; ilûnamatsiatik pingortitaulaukput tâpsomûna tâpsomungalo.
17Tamaitaᴋsuillo perᴋârtinagit tâmna ilaukpok, tamaitaksuillo tâpsomunga pairijauvut.
18Tâmnalo niaᴋorivâ timib, tamadja ilagêt; tâmna pigiarniovlune erniarngoᴋârtôvok toᴋungajunit, nâlegauᴋovlugo tamainit sivorliovlune.
19(Atâtab) idluaringmago pitaᴋaloringnek ilûnane tâpsomanêrᴋovlugo.
20Tâpsomûnalo ilûnaita ullapᴋosertauᴋovlugit ingminut nunametullo ᴋilangmêtullo, saningajolingme aunganut, saimarsaijomavlune nangminerminut.
21Ilipsetauk, sivorngagut takorngartaulauktose akkerartortiolapselo issumapsigut idluitulinerme;
22Mânale ullapᴋosersimavase timime uviningata toᴋunganut, ivsornaititsomavluse pidlaraksauᴋonase passijaksauᴋonaselo tâpsoma sângane.
23Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.
24Mâna ᴋuviasukpunga kappianartome atortamne pivluse; kappianarnerillo Kristûseme sulle pijariaᴋartut uvinimne nâmaksitiniarpakka timinga pivlugo, tagva ilagêt pivlugit;
25Tâpkonunga kivgaliarimajunga, Gûdib kivgartortitsininganut, nâmaktomik Gûdib oᴋausingit uvapkut oᴋâlatigijauᴋovlugit akunapsingne;
26Tamadsa nalonartok imna silaksûb pigiarninganit, kinguvângoᴋatigênullo pijoᴋalauktunut angigutjutaulauktok, mânale nalonairtisimavok ivjornaitoᴋotinginut.
27Gûdib nelonaijaivigijomangmagit nelonartub tamattoma inornadlarninganik nelojune, tâgva Kristûsemik ilupsingnêtomik, ânanâvaksônermik nerriugutiksaujomik.
28Tâmna oᴋautigivavut, inuit tamaita ᴋaiblarlugit, ajoᴋertorlugillo inuit tamaita, silatunivut ilûnât atorlugo; inuit ilûnatik atunit nâmaksitiniaromavlugit Kristûse Jêsuseme.
29Tamattominga sananasuarpungatauk ilungertordlunga, ilupkut pitsartutisijok pitsartutigilugo.
Currently Selected:
Kolossamiunut 1: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
