I Korintemiunut 6
6
Paulusib inerterininganik, akkerartortoᴋarpat, nelojut sângane passiklerᴋonagit ilamingnik.
1Ilapsingnut patsitiksaᴋarupse, ᴋanok pasitigijungnarpisigîk idluangitut (nalojut) sângane, ivjornaitut sângane pinasê?
2ᴋaujimangilasê, ivjornaitut erᴋartoromârmagit silaksûb inungît? Silaksûble inungit erᴋartortaujomârmatta illipsingnut, pijariaᴋinersanik erᴋartuijungnangilasê?
3ᴋaujimangilasê, Engelit erᴋartoromâraptigîk? Nunab pingit tagva piluardlugiungitôk?
4Ilipsele patsitiksaᴋarangapse nunab pingit pivlugit, illagêktune nachogijaujut erᴋartuijungortipase.
5Taimâk oᴋartuksauvunga kangusûtiksapsingnut, Atautsemiglônêt silatojomik ilipsingnêtoᴋangilâk? Erᴋartuijungnartoᴋangilarlônêt ᴋatangutib pasiklerninganik ᴋatangutiminût?
6ᴋatangulle akkerartorpok ᴋatangutiminut, okpingitut takoane aglât.
7Tamattominga angijomik tamarêrpose, akkerartortigêkapse. Sôk idluituliviojomangângilasê? Sôk perᴋutairtaujomangângilasê?
8Idluitulidlarposele, perᴋutairnilapselo, ᴋatangutise aglât taimailiorvigivase.
9ᴋaujimangilaselônêt, idluangitut Gûdib nâlegauvinga kingormgutiniangimatsûk? Uivêrijauniarase; ajortulijullônêt, Gûdeungituniglônêt kivgartortut, nuliarêngnermiglônêt asseroijut, ikliguktullônêt, nukapitjaniglônêt uivêriklertut,
10Tigliguillônêt, pijomatudlartullônêt, tallatullônêt, oᴋauserludlartullônêt, arᴋtaijullônêt Gûdib nâlegauvinganik kingormgujiniangilat.
11Taimailiulauktut ilapse ilangit; ubvarsimavlusele ivjornaitisimavluselo idluartisimavose, Nâlekab Jêsusib atinganut Gûdiptalo Anerninganut.
12Tamainik pijungnarpunga, ilangille atornangilat. Tamainik pijungnarpunga, kipalôtitaujomangilangale sumut.
13Nerᴋiksat ilingavut natjangnut, natjaglo ilingavuk nerᴋiksanut. Gûdible tâpkoa tamaita atorungnairᴋojomârpait. Timele ajortulinermut ilingajuksaungilak, Nâlekamulle, Nâlegarlo timemut.
14Gûdible Nâlegak tupaktilaukpâ, uvagullotauk tupaktitsomârivâtigut pitsartunerminut.
15ᴋaujimangilasê, Kristûsib timise avatigingmagît? Kristûsib avatingit tagva atoraksarivakkâ ajortulinermût? Taimaitsangilak.
16ᴋaujimangilaselônêt, anguniartomut ungajub tâmna timeᴋatigingmagô? Tâpkoagôᴋ maggûk uvinioniarmanik atautsemik. #Gen. 2:24.
17Nâlekamulle ungajub tâmna anernekatigivâ.
18Assiniarnek uloreagisiuk. Inûb idluituliningit ilûnatik timingata avatâne pivut, assiniartorle ajortulivok timiminik asseruidlarlune.
19ᴋaujimangilaselônêt, Anernerub ajunginerub ilupsingnêtub timise iglogingmagît? Tâmna Gûdemit pivase, ilipsingniglo nangmineringilase.
20Akkitudlartomik pisiangomagapse: taimaimat Gûde nertorsiuk timipsingne tarnipsingnelo, Gûdib tamakkoa perᴋutigingmagit.
Currently Selected:
I Korintemiunut 6: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
