I Korintemiunut 16
16
Pauluse ikajutiksanik, okpertunut ajoᴋsartunut ilingajunik katersortauᴋojivok
1Tujûtiksalle ivsornaitunut pivlugit, sorlo Galâtsiamiut perᴋolaurapkit, ilipsetauk taimailioritse.
2Sabbatine tamaine ilûnase atunit ilijititse ilipsingne, ᴋapsinik katersoiniarluse issumapsingnik tujûtiksanik; katersortaujariaᴋarᴋonagit tikikuma.
3Tikikumale, nalît âtserᴋojase neksartitsomârpakka aglangnik, Jerusalemut âtserᴋovlugit tunergutipsingnik.
4Pijariaᴋarpalle, uvangalo taikunga ainiaruma, illaujuksauvut uvamnut.
5Mazedôniakulle ingergaleruma, tikitsomavapse; Mazedônia apᴋutigijomârapko.
6Ilipsingne akunêlârpallukpunga, okkêniarpungalônêt, illagijaujomavlunga ilipsingnut, namut ainiaruma.
7Apᴋosatuinardluse mâna takojomangilapse; nerriukpungale akkunêrtomik ilipsingnêniardlunga, Nâlekab perᴋokpanga.
8Efêsusemêniarpungale Penteᴋoste tikidlugo.
9Upkuamik angijomik sulitsiarvionartomik angmartaujoᴋarmat uvamnut, akkerartortullo unudlarput tagvane.
10Timôteusele tikipat, kamatitse, sivôranane ilipsingneᴋovlugo; Nâlekab piniarninga kivgartoraksaringmago uvaptut.
11Tâmna kinamullônêt nachogijauniarane. Ulapirsaumulle illagisiuk uvamnut tikerᴋovlugo; nerriugigapko ᴋatangutigêt ilagivlugit.
12ᴋatangulle Apolluse pivlugo ᴋaujileritse, angijomik ᴋaiblalauralloarpara, ilipsingnut aiᴋovlugo ᴋatangutigêt ilagilugit; mânakulle tikitsomalaungilak, tikitsomârporle pitjutiksarsigune.
13Pigâritse, okpernerme sôngotitse, ajugauniaritse, pitsartuniarluselo.
14Piniarnise tamaita naglingnermut piniarutigisigik.
15ᴋaiblarpapsele, ᴋatangutikka: Stefanasib iglomioᴋatingit ᴋaujimavase, tâpkoa okperᴋârtôngmatta Achâjame, ingmingniglo tunivut, ivjornaitut (okpertut) kivgartoromavlugit.
16Ilipsetauk taimaitut nâlengniarsigik, ilûnaitalo ikajorᴋataujut, piniartullo.
17ᴋuviasukpunga Stefanase, Fortunâtuselo, Achaikuselo tikingmatta; ajoᴋsarnera ilipsingnik tâpkoa, simertipse sorlo, pêjalaungmatsuk.
18Uvangalo ilipselo anerniptigut nakoᴋsitilaukpâtigut. Taimaitut opigijaksarivase.
19Illagêt Asiamêtut salutipâse. Akvilable Prisillablo angijomik salutipâse Nâlekame, okpertoᴋatigêt tâpkoa iglungangnêtut illagivlugit.
20ᴋatangutigêt ilûnatik salutipâse. Saluteᴋatigêgitse salutimut ivsornaitomut.
21Salutipapsetauk, nangminek aglaklunga uvanga Pauluse.
22Nâlekamik Jêsuse Kristûsemik naglingitok, tâmnauvok Anatema; Maran-ata (imaipok. Ôminarsile; Nâlegak tikkitsomârpok).
23Nâlekab Jêsusib Kristûsib saimarsautingata illagilise.
24Naglingnima ilaginiarpâse ilûnase Kristûse Jêsuseme. Amen. Aglait tamakkoa sivorlit Korintemiunut Filippime aglaktaumavut, Stefanasiblo Fortunatusiblo Achaikusiblo Timôteusiblo naksalaukpait.
Currently Selected:
I Korintemiunut 16: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
