Dagiti Salmo 87
87
Pammadayaw ti Jerusalem#PAULO ITI HEBREO: Salmo dagiti annak ni Core; maysa a kanta.
1Binangon ti Apo ti siudadna iti nasantoan a bantay.
2Ad-adda ti panagayat ti Apo iti Sion
ngem iti aniaman a siudad ti Israel.
3Denggem, O Siudad ti Dios,
dagiti nakaskasdaaw nga ibagana maipapan kenka:
4“No ilistak dagiti nasion nga agtulnog kaniak,
iramanko ti Rahab#4 RAHAB; wenno Egipto. ken Babilonia.
Ket dagiti tattao ti Filistia, Tiro ken Etiopia,
ibilangko nga iti Jerusalem ti pagnaedanda.”
5No maipapan iti Sion, maibagbaganto
a nagtaud dagiti amin a nasion kenkuana,
ket papigsaento ti Kangatoan.
6Mangaramidto ti Apo iti listaan dagiti tattao,
ket ibilangna amin ida nga umili ti Jerusalem.
7Agsala ken ikantadanto,
“Ti Sion ti pagtaudan ti amin a bendisiontayo.”
Currently Selected:
Dagiti Salmo 87: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
