Dagiti Salmo 82
82
Ti Dios ti Kangatoan nga Agturay#PAULO ITI HEBREO: Salmo ni Asaf.
1Agtugaw ti Dios a mangukom iti nailangitan a taripnong;
iti ummong dagiti dios, ipaulogna ti pangngeddengna:
2“Isardengyon ti nakillo a panangukomyo,
saanyo nga ayonan dagiti dakes a tattao!
3Salaknibanyo ti kalintegan dagiti ulila ken nakurapay,
itedyo ti karbengan dagiti nakakaasi ken awanan gaway.
4Alawenyo dagiti nakapuy ken marigrigat,
ikanawayo ida kadagiti managdakdakes.
5“Dikay makaaw-awat ken awan ammoyo!
Napalalo ti kinasukiryo,
ket nagpukawen ti hustisia ditoy lubong.
6Imbagak#Jn. 10:34. kadakayo a dioskayo,
annaknakay amin ti Kangatoan.
7Nupay kasta, mataykayto a kas kadagiti tattao,
kas iti siasinoman a prinsipe, matnagkayto.”
8Umayka, O Dios, ket iturayam ti lubong;
kukuam amin a nasion.
Currently Selected:
Dagiti Salmo 82: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
