Dagiti Salmo 81
81
Kanta iti Fiesta#PAULO ITI HEBREO: Salmo ni Asaf.
1Idir-iyo ti ragsakyo iti Dios a salaknibtayo;
iti Dios ni Jacob ikantayo ti pagdayawyo.
2Agkantakayo a buyogan iti pandereta,
danggayanyo iti naaweng a lira ken arpa.
3Pagunienyo#Num. 10:10. ti trumpeta no agfiestatayo,
tunggal dumteng ti lutuad, kasta met ti kabus.
4Ta iti Israel, linteg daytoy a naipaulog,
maysa a bilin ti Dios ni Jacob.
5Imbilinna ken Jose daytoy nga annongen
idi mapan Egipto nga inna gubaten.#5 idi…gubaten; wenno idi rummuar idiay Egipto.
Mangngegko ti timek ti diak am-ammo,
6“Inikkatko ti nadagsen nga awit iti abagam;
innalak ti basket nga ig-iggamam.
7Idi#Ex. 17:7; Num. 20:13. adda rigatmo, immawagka kaniak ket inlisika;
manipud gurruod a paglemlemmengak, sinungbatanka,
sinuotka idi addaka iti ubbog ti Meriba.
8Denggem, O ilik, ti ballaagko kenka.
O Israel, ipangagnak la koma!
9Awanto#Ex. 20:2-3; Deut. 5:6-7. ti sabali a dios iti nagtengngaanyo,
wen, saankayto nga agrukbab iti sabali a dios.
10Siak ni Yahweh a Diosmo
a nangiruar kenka idiay Egipto;
agngangaka laeng ket itedko ti taraonmo.
11“Ngem didak impangag dagiti tattaok;
saan a nagtulnog kaniak ti Israel.
12Gapu iti kinasukirda binaybay-ak ida
nga agaramid iti aniaman a kayatda.
13No dumngeg la koma kaniak ti ilik,
no agtulnog ti Israel kaniak,
14nalaka a parmekek dagiti kabusorna,
ket abakek amin a bumusor kenkuana.
15Agrukbab a sibubuteng dagiti gumurgura kaniak,
ket saan nga agpatingga ti pannakadusada.
16Ngem taraonankanto iti kasayaatan a trigo,
ket pennekenkanto iti kasam-itan a diro.”
Currently Selected:
Dagiti Salmo 81: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
