Dagiti Salmo 52
52
Ti Pangngeddeng ti Dios ken ti Kaasina#PAULO ITI HEBREO: Salmo ni David, idi napan ni Doeg nga Edomita ken ni Saul ket imbagana kenkuana a napan ni David iti balay ni Ahimelec.
1Apay#1 Sam. 22:9-10. a pagpasindayagmo, tao a maingel, ti kinaulpitmo kadagiti nalinteg a tattao?
Saan nga agbalbaliw ti ayat ti Dios.
2Agmalmalem nga agpampanunotka iti pannakadadael,
ti dilam kasla labahas a natadem.
Ti agparbo iti ulbod kanayonem.
3Ad-adda nga ayatem ti dakes ngem ti naimbag;
kaykayatmo ti agulbod ngem ti agsao iti pudno.
4Pagay-ayatmo ti mamadpadakes, sika nga ulbod.
5Ngem agnanayonto ti pannakadadaelmo;
manipud iti toldam, ti Dios rabsutennakanto;
ikkatennakanto iti daga dagiti sibibiag.
6Makitanto dagiti nalinteg ket agbutengdanto;
ngem katawaandakanto a kunkunada,
7“Kitaenyo ti tao a di nagkamang iti Dios,
nagtalek iti adu a sanikuana,
nagtalged iti kinabaknangna!”#7 kinabaknangna kuna ti dadduma a kadaanan a patarus. Iti Hebreo, panagdadaelna.
8Ngem siak, mayarigak iti nalangto nga olibo iti balay ti Dios.
Agtalekak iti di agbalbaliw nga ayatna iti agnanayon nga awan ingganna.
9Kanayon nga agyamanak kenka, O Dios, gapu iti inaramidmo.
Itan-okkanto iti sango dagiti tattaom
ket ipakdaarkonto ti kinaimbagmo.
Currently Selected:
Dagiti Salmo 52: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
