Dagiti Salmo 51
51
Kararag a Pagdawat iti Pammakawan#PAULO ITI HEBREO: Salmo ni David, kalpasan ti panangbabalaw kenkuana ni profeta Natan gapu iti pannakikamalalana ken ni Batseba.
1Gapu#2 Sam. 12:1-15. iti di agbalbaliw
nga ayatmo
kaasiannak kadi, O Diosko.
Gapu iti kinamanangngaasim, punasem kadi dagiti basolko.
2Ugasam a mamimpinsan ti kinadakesko,
ket dalusannak kadagiti basbasolko!
3Bigbigek a nagbiddutak,
ket kadagiti basbasolko silalagipak.
4Nagbasolak#Rom. 3:4. kenka, wen, sika laeng ti nagbasolak,
nagaramidak iti dakes iti imatangmo.
Iti kasta, nalinteg ti panangukommo kaniak,
ket nainkalintegan ti pannakadusak.
5Adtoy a naipasngayak iti kinadakes,
ket iti basol nainawak.
6Tarigagayam ti kinapudno ken nadalus a puso;
punnoem ti panunotko iti siribmo.
7Ugasannak iti basolko tapno nadalusak;
buggoannak ket napudpudawakto ngem kapas.#7 kapas; iti Hebreo, niebe.
8Kayatko a mangngeg ti rag-o ken ragsak;
agragsakak manen nupay rinumek ken tinuktukkolnak.
9Dimo koma ikaskaso dagiti basolko;
punasem amin a kinadakesko.
10Parsuaem kaniak, O Dios, ti nadalus a puso,
ket ikkannak iti baro ken napudno nga espiritu;
11dinak pagtalawen iti imatangmo;
dimo ipanaw kaniak ti Espiritu Santo.
12Isublim kaniak ti rag-o ti panangisalakanmo,
ket ikkannak iti natulnog nga espiritu.
13Iti kasta, isurokto dagiti bilinmo kadagiti managbasol
tapno agsublida kenka.
14O Dios, ispalem ti biagko,#14 ispalem ti biagko; wenno dimo ipalubos a pumatayak. ket isalakannak;
iti kasta, naragsakakto a mangipakaammo iti kinalintegmo.
15Apo, luktam dagiti bibigko
ket ipaduyakyakkonto ti pannakaidaydayawmo.
16Dimo kayat dagiti daton a sakrifisio;
ta no kayatmo koma, isuda ti idatonko;
dika met maay-ayo iti daton a mapuoran.
17O Dios, ti napakumbaba nga espiritu ti sakrifisiok kenka;#17 O Dios…kenka. Iti Hebreo, ti napakumbaba nga espiritu ti mabalin nga awaten ti Dios a kas sakrifisio.
dimonto laksiden ti puso a napakumbaba ken nagbabawi.
18Kaasiam ti Sion, O Dios, ket tulongam,
bangonem dagiti narba a bakud ti Jerusalem.
19Iti kasta, maragsakankanto kadagiti tumutop a sakrifisio,
ken amin a mapuoran a daton,
ket mapuoranto dagiti toro a baka iti altarmo.
Currently Selected:
Dagiti Salmo 51: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
