Dagiti Salmo 41
41
Kararag ti Masakit#PAULO ITI HEBREO: Salmo ni David.
1Nagasat ti tao a tumulong kadagiti napanglaw;
isalakanto ni Yahweh iti tiempo ti riribuk.
2Salaknibanto ni Yahweh ket salluadannanto ti biagna.
Paragsakennanto iti daga a pagnaedanna
saannanto a yawat kadagiti kabusorna.
3No agsakit, aywananto ni Yahweh ket umimbagto.
4“O Apo, nagbasolak kenka,” kinunak,
“kaasiannak koma ket paimbagennak.”
5Dagiti kabusorko padpadaksendak;
kayatda a matayak ket malipatanakon iti agnanayon.
6Saan a napudno dagiti sumarungkar kaniak;
agbirbirokda laeng iti pakadadaelak;
Ket iwarasda a pakasarsaritaak.
7Pagtutungtongandak dagiti gumurgura kaniak;
agpanunotda iti kadadaksan a pagbanagak.#7 agpanunotda…pagbanagak; wenno agaramidda kadagiti dakes a panggep a pakadangrak.
8Kunada, “Nadagsen a sakit ti kimpet kenkuana,
naidalit iti pagiddaan ket awanen ibabangonna.”
9Uray#Mat. 26:23; Mar. 14:18; Luc. 22:21; Jn. 13:18. ti kadekketan a gayyemko a nagtaltalkak,
ti gayyemko a nakipangpangan kaniak,
uray isu, tinallikudannak.
10Kaasiannak, ket paimbagennak, O Apo,
tapno mabalinko a balsen dagiti kabusorko.
11Kastoyto a maammoak a maay-ayoka kaniak,
awanto ti siasinoman a kabusor a pakaparmekak.
12Saranayennak agsipud ta naimbagak;
iti imatangmo agnanayon nga aywanannak.
13Madaydayaw#Sal. 106:48. ti Apo a Dios ti Israel!
Agdaydayawkayo kenkuana ita ken iti agnanayon awan inggana.
Amen! Amen!
Currently Selected:
Dagiti Salmo 41: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
