Dagiti Salmo 15
15
Ti Pagayatan ti Dios#PAULO ITI HEBREO: Salmo ni David.
1Siasino, O Apo, ti makastrek iti templom?
Siasino ti makapagyan iti Sion a nasantoan a bantaymo?
2Ti makastrek isu ti managtulnog iti Dios,
kanayon a naimbag ti aramidna;
pudno ken naimpusoan ti amin a sawenna.
3Awan ti tao a padpadaksenna,
dina ranggasan dagiti gagayyemna,
dina sarsaritaen ti siasinoman a kaarubana.
4Umsienna dagiti laksiden ti Dios,
ngem padayawanna dagiti agbuteng iti Apo,
tungpalenna ti karina
uray no pakatayanna,
5dina paanakan ti kuarta nga ipautangna,
di mapasuksokan tapno agsaksi
iti maibusor iti awan basolna.
Natalgedto latta dagiti kasta ti aramidna.
Currently Selected:
Dagiti Salmo 15: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
