Dagiti Salmo 14
14
Ti Kinadakes ti Tao#PAULO ITI HEBREO: Salmo ni David.
(Sal. 53)
1“Awan#Rom. 3:10-12. Dios,” kuna ti maag iti pusona.
Rinukerda amin ken makarimon dagiti aramidda;
awan ti uray maysa nga agaramid iti naimbag.
2Tannawagan ti Apo ti sangkataoan manipud langit,
ta kitaenna no adda maysa a masirib,
kitaenna no adda agdaydayaw kenkuana.
3Ngem isuda amin naglabsingda,
dakesda amin a padapada;
awan naimbag nga aramidda,
wen, awan uray maysa.
4“Saanda kadi nga ammo?”
salsaludsoden ti Apo.
“Awan kadi ammo dagitoy dakes a tattao?
Taktakawenda kadagiti tattaok ti pagbiagda,
ket saan a siak ti pagkararaganda.”
5Ngem napalalonto ti panagbutengda
ta adda ti Dios kadagiti agtulnog kenkuana.
6Lapdanda ti plano ti marigrigat,
ngem ti Apo ti salaknibna.
7Anian a panangikararagko
a manipud Sion dumteng
ti pannakaisalakan ti Israel.
Anian a ragsakto dagiti
Israelita inton parang-ayen manen ti Apo ida.
Currently Selected:
Dagiti Salmo 14: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
