Dagiti Salmo 106
106
Ti Kinaimbag ni Yahweh kadagiti Tattaona
1Madaydayaw#1 Cron. 16:34; 2 Cron. 5:13; 7:3; Ez. 3:11; Sal. 100:5; 107:1; 118:1; 136:1; Jer. 33:11. ti Apo!
Agyamankayo iti Apo,
ta isu ket naimbag;
saan nga agpatingga
ti di agbalbaliw nga ayatna!
2Siasino ti makaibaga
kadagiti amin a nakaskasdaaw nga aramid ti Apo?
Siasino ti makaipaay
iti naan-anay a pagdaydayaw kenkuana?
3Nagasat dagiti mangtungpal iti bilinna
ken kanayon a nalinteg ti aramidna.
4Lagipennak, O Apo,
inton paraburam dagiti tattaom;
Tulongannak kadi inton isalakanmo ida.
5Kayatko a makita ti irarang-ay dagiti tattaom,
ket mairamanak iti ragsak ken rag-o dagiti pinilim a kukua.
6Nagbasolkami a kas kadagidi kapuonanmi;
naglabsingkami ket dakes dagiti inaramidmi.
7Idi#Ex. 14:10-12. adda dagiti kapuonanmi idiay Egipto,
dida inkankano dagiti nakaskasdaaw nga aramidmo.
Nalipatanda dagiti adu nga ayat nga impaaymo,
sinukirda ketdi ti Mannakabalin-amin#7 Mannakabalin-amin. Iti Hebreo, ti taaw. iti Nalabaga a Baybay.
8Nupay kasta, insalakanna ida kas inkarina,
tapno maipakita ti naindaklan a pannakabalinna.
9Binilinna#Ex. 14:21-31. ti Nalabaga a Baybay ket nagmaga,
ket impanguloanna dagiti tattaona a bimmallasiw
a nagna iti namaga a daga.
10Insalakanna ida kadagiti gumurgura kadakuada;
inispalna ida kadagiti kabusorda.
11Nalmes dagiti kabusorda a kumamkamat,
awan ti siasinoman kadakuada ti nakalasat.
12Iti#Ex. 15:1-21. kasta, namati dagiti tattaona kadagiti karina,
ket nagkantada kadagiti pagdaydayaw kenkuana.
13Ngem iti apagbiit nalipatanda ti inaramidna;
nagtignayda a dida inuray ti patigmaanna.
14Idi#Num. 11:4-34. addada iti let-ang nalabes ti gartemda
ket sadiay sinuotda ti Dios.
15Iti kasta, intedna ti kinalikagumanda,
inyegna pay ti nakaro a sakit kadakuada.
16Idi#Num. 16:1-35. addada idiay let-ang, inapalanda ni Moises,
kasta met ni Aaron a nasantoan nga adipen ti Apo.
17Nagrengngat ti daga ket inalun-onna ni Datan,
nagaburan ni Abiram ken ti familiana.
18Bimmaba ti apuy kadagiti pasurotda,
ket dagiti dakes a tattao naikisapda.
19Nagaramidda#Ex. 32:1-14. iti sinan-baka a balitok idiay Horeb,
ket nagrukbabda iti daytoy nga imahen.
20Sinuktanda ti dayag
iti imahen ti animal a ruot ti kanenna.
21Linipatanda ti Dios a nangisalakan kadakuada
babaen kadagiti nakaskasdaaw nga aramidna idiay Egipto.
22Datdatlag dagiti pasamak
iti Nalabaga a Baybay.
23Idi imbaga ti Dios
a pukawenna dagiti tattaona,
bimmallaet ni Moises nga adipen a pinilina,
ket dina impatuloy a bumtak ti pungtotna
a mangdadael kadakuada.
24Linaksidda#Num. 14:1-35. ti napintas a daga,
ta dida namati a tungpalen ti Dios ti karina.
25Nagtantanabutobda iti uneg ti toldada,
ket saanda nga impangag ti Apo.
26Isut' gapuna a binallaaganna ida;
insapatana a pukawenna ida iti let-ang,
27ket#Lev. 26:33. iwarasna dagiti kaputotanda kadagiti pagilian,
bay-anna ida a matay kadagiti ganggannaet a daga.
28Nakipagdaydayaw#Num. 25:1-13. met dagiti tattao ti Dios
ken ni dios a Baal idiay Peor,
ket nanganda kadagiti taraon a naidaton
kadagiti awan biagna a didiosen.
29Pinagpungtotda ti Apo gapu kadagiti aramidda,
ket rimsua ti nakaro a didigra kadakuada.
30Ngem nakibiang ni Finees ket dinusana ti nakabasol,
iti kasta, simmardeng ti didigra.
31Manipud idin, naibilang kenkuana daytoy a kas kinalinteg
malaglagip ti inaramidna iti agnanayon awan inggana.
32Pinagpungtotda#Num. 20:2-13. ti Apo idiay ubbog ti Meriba,
ket nagsagaba ni Moises gapu kadakuada.
33Sinugatda ti riknana, nagsakit ti nakemna,
ket nagubsang dagiti sao nga insawangna;
dina pinampanunot no umno dagiti imbagana.
34Kinuna#Uk. 2:1-3; 3:5-6. ti Apo a patayenda dagiti tattao iti likmutda,
ngem saanda a tinungpal ti imbilinna.
35Nakiasawada ketdi kadakuada,
ket tinuladda dagiti ugalida.
36Nagdaydayawda kadagiti didiosenda,
ket daytoy ti nakaigapuan ti pannakadadaelda.
37Pinuoranda#2 Ar. 17:17. dagiti annakda
a kas daton kadagiti demonio
38ken#Num. 35:33. kadagiti dios ti Canaan,
pinapatayda dagiti awan basolna
ket namulitan ti daga iti dara.
39Iti kasta nga aramidda,
tinulawanda dagiti bagbagida,
ket tinallikudanda ti Dios.
40Gapu#Uk. 2:14-18. itoy, nakapungtot ni Yahweh kadagiti pinilina;
ginurana dagiti tattaona.
41Inyawatna ida iti pannakabalin dagiti pagilian,
ket inturayan ida dagiti gumurgura kadakuada.
42Iti ima dagiti kabusorda, naparparigat ken naidadanesda,
ket naan-anay ti panangiturayda kadakuada.
43Namin-adu nga insalakan ni Yahweh ida,
ngem inkeddengna ti panangsukirda kenkuana,
ket nairemremda iti kinadakesda.
44Nupay kasta, impangag ni Yahweh ti asugda,
ket tinalliawna ti pakarigatanda.
45Gapu kadakuada, linagipna ti katulaganna,
ket nagbabawi gapu iti naindaklan nga ayatna.
46Inallukoyna ti rikna
dagiti nangadipen kadakuada a nangaasi kadakuada.
47Isalakannakami,#1 Cron. 16:35-36. O Apo a Diosmi,
ket alaennakami manipud kadagiti pagilian,
tapno makapagyamankami ket idaydayawmi ti nasantoan a naganmo.
48Idaydayawyo ti Apo a Dios ti Israel;
idaydayawyo ita ken iti agnanayon awan inggana.
“Amen!” kuna koma ti tunggal maysa.
Madaydayaw ti Apo!
Currently Selected:
Dagiti Salmo 106: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
