Dagiti Salmo 105
105
Ti Dios ken dagiti Tattaona
(1 Cron. 16:8-22)
1Agyamankay iti Apo,
ket iwaragawagyo ti naindaklan a naganna.
Ipakaammoyo kadagiti tattao dagiti inaramidna!
2Agkantakayo iti pagdaydayaw iti Apo;
Saritaenyo ti amin
a nakaskasdaaw nga inaramidna!
3Agrag-otayo ta kukuanatayo ti Apo;
agragsak koma amin nga agserserbi kenkuana!
4Inkayo agpatulong iti Apo;
agdaydayawkayo a kanayon iti imatangna!
5-6Dakayo a kaputotan ni Abraham nga adipenna;
dakayo nga annak ni Jacob a pinilina:
laglagipenyo dagiti nakaskasdaaw nga inaramidna,
dagiti milagro ken pangngeddeng nga impaulogna.
7Ti Apo ti Diostayo;
dagiti bilinna agpaay iti entero a daga.
8Silalagip nga agnanayon iti katulaganna,
kadagiti karina iti rinibu a kaputotan.
9Tungpalenna#Gen. 12:7; 17:8; Gen. 26:3. ti nagtulaganda ken ni Abraham,
ken ti inkarina ken ni Isaac.
10Nakitulag#Gen. 28:13. ti Apo ken ni Jacob
iti agnanayon awan inggana,
iti mataginayon nga annuroten ni Israel.
11“Itedko kenka ti Canaan,” kinunana.
“Tagikuaemto ti daga iti agnanayon awan inggana.”
12Dagiti tattao ti Dios, bassit pay idi ti bilangda;
sadiay, sumagmamanoda laeng ken ganggannaetda.
13Nagalla-allada kadagiti nadumaduma a pagilian;
nagalis-alisda a nagnaed kadagiti pagarian.
14Ngem#Gen. 20:3-7. dina impalubos a maparigatanda
ket dagiti ari inna binallaagan ida
15tapno dagiti pinilina a profeta ken adipen
saanda ida a ranggasan.
16Idi#Gen. 41:53-57. inyeg ti Apo ti bisin iti dagada,
ket inikkatna amin a makanda,
17nangibaon#Gen. 37:28; 45:5. iti umun-una ngem isuda,
ni Jose a nailako idi a kas tagabu.
18Kinawaranda#Gen. 39:20–40:23. dagiti sakana,
inikkanda iti landok a koliar ti tengngedna,
19agingga a natungpal ti impadtona.
Pinaneknekan ti sao ti Apo
a nalinteg ni Jose.
20Nagbaon#Gen. 41:14. ngarud ti ari ket pinawayawayaanna;
wen, winayawayaan ti agturay kadagiti nasion.
21Insaadna #Gen. 41:39-41. a mangaywan iti pagturayanna,
insaadna a mangituray iti entero a daga.
22Dinutokanna nga agturay kadagiti ofisialesna
ken mangisuro kadagiti mammagbaga kenkuana.
23Napan#Gen. 46:6; Gen. 47:11. dagiti Israelita idiay Egipto kalpasanna,
ket nagnaedda iti dayta a daga.
24Adu#Ex. 1:7-14. nga annak ti imparabur
ti Apo kadagiti tattaona,
ket nagbalinda a napigpigsa ngem dagiti kabusorda.
25Pinataudna ti gura
dagiti Egipcio kadagiti tattaona,
ket sinikapanda dagiti adipenna.
26Imbaonna#Ex. 3:1–4:17. ni Moises nga adipenna,
agraman ken ni Aaron a pinilina.
27Impakitada dagiti nakaskasdaaw a gapuanan ti Dios,
ket nagaramidda kadagiti milagrona idiay Egipto.
28Inyegna#Ex. 10:21-23. ti sipnget ket nagsipnget ti daga,
ngem di tinungpal#28 di tinungpal kuna ti dadduma a kadaanan a patarus. Iti Hebreo, tinungpal. dagiti Egipcio ti bilinna.
29Pinagbalinna#Ex. 7:17-21. a dara dagiti karayanda,
ket natay dagiti amin nga ikanda.
30Napno#Ex. 8:1-6. iti nakaad-adu a tukak ti dagada
uray pay iti palasio ti ari, nagdudupudopda.
31Nagbilin#Ex. 8:20-24; Ex. 8:16-17. ti Apo ket nakaad-adu a ngilaw ken timel
ti nagsaknap iti daga.
32Saan#Ex. 9:22-25. a tudo no di ket yelo ti inyegna,
ken agkanabsiit a kimat ti imbaonna.
33Dinadaelna dagiti ubas ken igosda,
tinuangna amin a kayo iti entero a daga.
34Nagbilin#Ex. 10:12-15. ket immay dagiti dudon
riniwriwriw ket di mabilang ti kaaduda.
35Kinnanda amin a mula iti dagada ken inkisapda
ti amin nga apit, awan natda.
36Idiay#Ex. 12:29. Egipto, pinatayna dagiti inauna nga annak
iti amin a familia.
37Kalpasanna,#Ex. 12:33-36. inruarna dagiti Israelita,
nagawitda kadagiti pirak ken balitok;
napigsa ken nasalun-atda amin a sangapada.
38Kasta unay ti buteng dagiti Egipcio kadakuada,
ket naragsakanda idi pumanaw dagiti Israelita.
39Nangikabil#Ex. 13:21-22. iti ulep a manglinong kadakuada,
iti rabii, apuy ti nagpaay a silawda.
40Nagdawatda#Ex. 16:2-15. ket pinataudna dagiti tukling,
inikkanna ida iti nawadwad a tinapay manipud langit.
41Pinagrengngatna#Ex. 17:1-7; Num. 20:2-13. ti bato, ket pimsuak ti danum,
kasla karayan a nagayus idiay let-ang.
42Nalagipna ti katulaganna,
ti nasantoan a karina ken ni Abraham nga adipenna.
43Ket inruarna dagiti pinilina a tattaona;
siraragsakda a nagkanta ken nagdidir-i iti rag-oda.
44Ti#Jos. 11:16-23. daga dagiti ganggannaet intedna kadakuada,
ket binay-anna a sakupen dagiti tattaona
45tapno tungpalenda
dagiti linteg ken bilinna.
Madaydayaw ti Apo!
Currently Selected:
Dagiti Salmo 105: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
