San Mateo 5

Ti Sermon ni Apo Jesus iti Bantay

1Idi makita ni Jesus dagiti adu a tattao, simmang-at iti bantay. Nagtugaw, ket immasideg kenkuana dagiti adalanna. 2Insurona ida.

Dagiti Naimbag a Gasat

(Luc. 6:20-23)

Kinunana:

3“Nagasat dagiti mangbigbig a napanglawda iti imatang ti Dios,#3 napanglawda…ti Dios; wenno napanglaw kadagiti naespirituan a banag. Kuna ti Griego, napanglaw iti espiritu. ta kukuada ti Pagarian ti Langit.

4“Nagasat#Is. 61:2. dagiti agladingit, ta liwliwaento ida ti Dios.

5“Nagasat#Sal. 37:11. dagiti napakumbaba, ta maitedto kadakuada ti daga.

6“Nagasat#Is. 55:1-2; Sir. 24:21. dagiti nasged ti tarigagayda a mangtungpal iti pagayatan ti Dios, ta mapnekdanto.

7“Nagasat dagiti manangngaasi, ta kaasianto ida ti Dios.

8“Nagasat#Sal. 24:3-4. dagiti nadalus ti panagpuspusoda, ta makitadanto ti Dios.

9“Nagasat dagiti mamagkakappia, ta managandanto nga annak ti Dios.

10“Nagasat#1 Ped. 3:14. dagiti maidadanes gapu iti panangtungpalda iti pagayatan ti Dios, ta kukuada ti Pagarian ti Langit.

11“Nagasatkayo#1 Ped. 4:14. no mapabpabainan, maidaddadanes ken mapadpadakeskayo gapu kaniak. 12Agrag-o#2 Cron. 36:16; Sir. 2:8; Ara. 7:52. ken agragsakkayo, agsipud ta dakkel ti gunggonayo sadi langit. Ta kastoy ti panangidadanes dagiti tattao kadagiti profeta nga immun-una ngem dakayo.”

Ti Asin ken Silaw

(Mar. 9:50; Luc. 14:34-35)

13“Dakayo#Mar. 9:50; Luc. 14:34-35. ti pannakaasin dagiti amin a tattao. Ngem no timmamnayen ti asin, saanen a mapaapgad. Awan serserbinan, no di ket maibelleng ken mapaypayatan.

14“Dakayo#Jn. 8:12; 9:5. ti pannakasilaw ti lubong. Saan a mailinged ti ili a nabangon iti rabaw ti maysa a bantay. 15Awan#Mar. 4:21; Luc. 8:16; 11:33. ti tao a manggangat iti pagsilawan sana kaluban. Iparabawna ketdi iti nairanta a pagsaadanna tapno aglawag kadagiti amin a tattao nga adda iti balay. 16Masapul#1 Ped. 2:12. a kasta met ti panaglawag ti silawyo iti imatang dagiti tattao, tapno makitada dagiti naimbag nga aramidyo ket idaydayawda ni Amayo sadi langit.”

Ti Linteg

17“Diyo ipagarup nga umayko waswasen ti Linteg ni Moises ken dagiti pannursuro dagiti profeta. Diak immay tapno waswasek dagitoy no di ket tapno ibanagko ida. 18Laglagipenyo#Luc. 16:17. a bayat ti panagpaut ti langit ken daga, dinto mapukaw ti uray maysa a tulnek wenno kabassitan a paset ti Linteg, agingga a matungpalda amin.#18 matungpalda amin; wenno pumudno ti amin a pannursurona. 19Isut' gapuna a ti mangsalungasing iti kabassitan kadagiti bilbilin ken mangisungsong kadagiti dadduma nga agsalungasing met, isunto ti kanumoan iti Pagarian ti Langit. Ngem ti siasinoman nga agtungpal iti Linteg ken mangisuro pay kadagiti sabali tapno agtungpalda met, isunto ti natan-ok iti Pagarian ti Langit. 20Ngarud, ibagak kadakayo: makastrekkayto iti Pagarian ti Langit no napaspasnek ti panagtulnogyo iti pagayatan ti Dios ngem ti panagtungpal dagiti Fariseo ken dagiti mamaestro iti Linteg.”

Ti Panagpungtot

21“Nangngegyo#Ex. 20:13; Deut. 5:17. a naisao kadagiti tattao idi un-unana: ‘Dika mamapatay. Siasinoman a pumatay, maidarum.’ 22Ngem ita, ibagak kadakayo a siasinoman a makapungtot#22 siasinoman a makapungtot; siasinoman a makapungtot nga awan gapgapuna, kuna ti dadduma a manuskrito. iti kabsatna, maisaklangto iti ukom. Siasinoman nga agkuna iti kabsatna: ‘Awan serserbim,’ maisaklang iti Sanhedrin;#22 SANHEDRIN: pangukoman dagiti Judio. (Kitaenyo ti Glosario.) ket ti agkuna iti kabsatna, ‘Maagka,’ sungbatannanto idiay infierno. 23Ngarud, no mangidatagka iti datonmo iti altar, ket malagipmo nga adda gura kenka ni kabsatmo, 24ibatim ti datonmo iti sango ti altar; umuna pay nga inka makikappia ken ni kabsatmo sakanto agsubli a mangidatag iti datonmo.

25“No adda mangidarum kenka, makiaregloka nga umuna kenkuana sakbay a mayuli ti darum. Ta no saan, isaklangnaka iti ukom, ket ti ukom yawatnaka iti guardia a mangipupok kenka iti pagbaludan. 26Ibagak kenka nga idiaymonto agingga a mabayadam ti amin a multam.”

Ti Pannakikamalala

27“Nangngegyo#Ex. 20:14; Deut. 5:18. a naisao: ‘Dika makikamalala.’ 28Ngem ita, ibagak kadakayo a ti siasinoman a mangmatmat iti maysa a babai, ket gartemanna, iti pusona nakabasolen iti pannakikamalala. 29Ngarud,#Mat. 18:9; Mar. 9:47. no ti makannawan a matam ti pakaigapuan ti panagbasolmo, suatem samo ibelleng. Nasaysayaat a mapukaw ti maysa a paset ti bagim ngem ti amin a bagim a maitappuak iti infierno. 30Ket#Mat. 18:8; Mar. 9:43. no ti makannawan nga imam ti pakaigapuan ti panagbasolmo, putdem samo ibelleng. Nasaysayaat nga awan ti maysa a takkiagmo ngem ti sibubukel a bagim a maitappuak iti infierno.”

Ti Panagsina ti Agassawa

(Mat. 19:9; Mar. 10:11-12; Luc. 16:18)

31“Naisao#Deut. 24:1-4; Mat. 19:7; Mar. 10:4. pay: ‘Siasinoman a lalaki a mangisina iti asawana, masapul nga ikkanna iti kasuratan ti panagsina.’ 32Ngem#Mat. 19:9; Mar. 10:11-12; Luc. 16:18; 1 Cor. 7:10-11. ita, ibagak kadakayo a no ti lalaki isinana ti asawana, idinto a sipupudno kenkuana ti babai, mapabasol dayta a lalaki iti pannakikamalala ti asawana no makiasawa manen. Kasta met a makabasol iti pannakikamalala ti mangasawa iti naisina a babai.”

Ti Panagsapata

33“Nangngegyo#Lev. 19:12; Num. 30:2; Deut. 23:21. met a naisao kadagiti tattao idi un-unana, ‘Dimo paglikudan ti karim, ngem tungpalem dagiti sinapataam iti Apo nga aramiden.’ 34Ngem#San. 5:12; Is. 66:1; Mat. 23:22. ita, ibagak kadakayo a dikay agsapata a pulos no agkarikayo. Diyo pagsaksi ti langit ta isu ti trono ti Dios, 35wenno#Is. 66:1; Sal. 48:2. ti daga ta isu ti pagbatayan dagiti sakana, wenno ti Jerusalem ta isu ti siudad ti naindaklan nga Ari. 36Dimo met pagsapata ti ulom, agsipud ta dika makaaramid iti uray maysa la a buok, puraw man wenno nangisit. 37Kastoy laeng ti kunayo: no wen, ‘Wen;’ no saan, ‘Saan,’ ta agtaud iti Managdakdakes ti aniaman nga inayonyo.”

Ti Panagibales

(Luc. 6:29-30)

38“Nangngegyo#Ex. 21:24; Lev. 24:20; Deut. 19:21. a naisao, ‘Mata iti mata; ngipen iti ngipen.’ 39Ngem ita, ibagak kadakayo a diyo balsen ti siasinoman a mangdangran kadakayo. No adda mangtungpa iti makannawan a pingpingmo, itayam pay ti makannigid. 40Kasta met a no adda mangidarum kenka tapno alaenna ti badom, bay-am nga alaenna pay ti kagaymo. 41Siasinoman a mangipapilit a kumuyogka kenkuana iti maysa a kilometro, kuyogem pay iti maikadua. 42No adda dawatenda kenka, itedmo; no adda bulodenda kenka, ipabulodmo.”

Panagayat kadagiti Kabusor

(Luc. 6:27-28, 32-36)

43“Nangngegyo a naisao, ‘Ayatem dagiti gagayyemmo ngem guraem dagiti kabusormo.’ 44Ngem ita, ibagak kadakayo: Ayatenyo dagiti kabusoryo ket ikararaganyo dagiti mangidadanes kadakayo, 45tapno agbalinkayo nga annak ni Amayo sadi langit. Ta padapada a pagraniagenna ti initna kadagiti naimbag ken kadagiti dakes a tattao. Mangted iti tudo kadagiti agaramid iti naimbag, kasta met kadagiti agaramid iti dakes. 46Apay a gunggonaannakayo koma ti Dios no dagiti laeng agayat kadakayo ti ayatenyo? Kasta met ti aramiden dagiti agsingsingir iti buis! 47Ket no dagiti laeng gagayyemyo ti kasaoyo, adda kadi pakaidumaanyo kadagiti sabali a tattao? Kasta met ti aramid dagiti Hentil! 48Masapul#Lev. 19:2; Deut. 18:13. ngarud nga awan pagkuranganyo a kas ken ni Amayo sadi langit nga awan pagkuranganna.”

Currently Selected:

San Mateo 5: RIPV

Highlight

Copy