Popular Bible Verses from San Mateo 5

Share

Awan ti tao a manggangat iti pagsilawan sana kaluban. Iparabawna ketdi iti nairanta a pagsaadanna tapno aglawag kadagiti amin a tattao nga adda iti balay. Masapul a kasta met ti panaglawag ti silawyo iti imatang dagiti tattao, tapno makitada dagiti naimbag nga aramidyo ket idaydayawda ni Amayo sadi langit.”

“Dakayo ti pannakasilaw ti lubong. Saan a mailinged ti ili a nabangon iti rabaw ti maysa a bantay.

“Nagasat dagiti nadalus ti panagpuspusoda, ta makitadanto ti Dios.

“Nagasat dagiti nasged ti tarigagayda a mangtungpal iti pagayatan ti Dios, ta mapnekdanto.

Ngem ita, ibagak kadakayo: Ayatenyo dagiti kabusoryo ket ikararaganyo dagiti mangidadanes kadakayo

“Nagasat dagiti mangbigbig a napanglawda iti imatang ti Dios, ta kukuada ti Pagarian ti Langit.

“Nagasat dagiti mamagkakappia, ta managandanto nga annak ti Dios.

“Nagasat dagiti agladingit, ta liwliwaento ida ti Dios.

“Nagasat dagiti maidadanes gapu iti panangtungpalda iti pagayatan ti Dios, ta kukuada ti Pagarian ti Langit.

“Nagasat dagiti manangngaasi, ta kaasianto ida ti Dios.

“Nagasatkayo no mapabpabainan, maidaddadanes ken mapadpadakeskayo gapu kaniak. Agrag-o ken agragsakkayo, agsipud ta dakkel ti gunggonayo sadi langit. Ta kastoy ti panangidadanes dagiti tattao kadagiti profeta nga immun-una ngem dakayo.”

“Nagasat dagiti napakumbaba, ta maitedto kadakuada ti daga.

“Dakayo ti pannakaasin dagiti amin a tattao. Ngem no timmamnayen ti asin, saanen a mapaapgad. Awan serserbinan, no di ket maibelleng ken mapaypayatan.

Masapul ngarud nga awan pagkuranganyo a kas ken ni Amayo sadi langit nga awan pagkuranganna.”

Kastoy laeng ti kunayo: no wen, ‘Wen;’ no saan, ‘Saan,’ ta agtaud iti Managdakdakes ti aniaman nga inayonyo.”

“Nangngegyo a naisao, ‘Mata iti mata; ngipen iti ngipen.’ Ngem ita, ibagak kadakayo a diyo balsen ti siasinoman a mangdangran kadakayo. No adda mangtungpa iti makannawan a pingpingmo, itayam pay ti makannigid.

Ngarud, no ti makannawan a matam ti pakaigapuan ti panagbasolmo, suatem samo ibelleng. Nasaysayaat a mapukaw ti maysa a paset ti bagim ngem ti amin a bagim a maitappuak iti infierno. Ket no ti makannawan nga imam ti pakaigapuan ti panagbasolmo, putdem samo ibelleng. Nasaysayaat nga awan ti maysa a takkiagmo ngem ti sibubukel a bagim a maitappuak iti infierno.”