San Mateo 24

Ipakaammo ni Jesus ti Pannakarba ti Templo

(Mar. 13:1-2; Luc. 21:5-6)

1Rimmuar ni Jesus iti Templo. Nakaadayo bassiten idi immasideg kenkuana dagiti adalan ket intudoda kenkuana dagiti pasdek ti Templo.

2Kinunana kadakuada, “Wen, makitayo amin dagitoy ita. Ngem ibagak kadakayo nga awanto ti uray maysa a bato ditoy a mabati iti yanna. Marbadanto amin.”

Dagiti Rigrigat ken Pannakaidadanes

(Mar. 13:3-13; Luc. 21:7-19)

3Agtugtugaw ni Jesus idiay Bantay Olivo idi umasideg kenkuana dagiti adalan. “Ibagam man kadakami no kaanonto a mapasamak dagitoy?” sinaludsodda. “Anianto ti mapasamak a mangipakita iti yaaymo ken iti panungpalan ti lubong?”

4Insungbat ni Jesus, “Agannadkayo, ket dikayo paallilaw. 5Adunto ti umay ket aramatendanto ti naganko a kunkunada, ‘Siak ti Cristo,’ ket adunto ti allilawenda. 6Mangngegyonto ti arimbangaw dagiti agdadangadang ken damdamag maipapan kadagiti dadduma pay a gubgubat. Ngem dikay agdanag. Masapul a mapasamak dagitoy ngem dina kayat a sawen a dimtengen ti panungpalan. 7Aggugubatto dagiti nasion; agririnnautto dagiti pagarian. Addanto bisin ken ginggined iti amin a lugar. 8Pangrugian laeng amin dagitoy ti panagsagaba a kas iti panangrugi ti panagsagaba ti agpasngay.

9“Matiliw#Mat. 10:22. ken mayawatkayto a madusa. Mapapataykayto. Guraendakayto dagiti amin a tattao gapu kaniak. 10Iti dayta a tiempo, adunto dagiti mangtallikud iti pammatida. Aglilinniput ken aggiginnuradanto. 11Tumaudto dagiti adu a sinan-profeta a mangyaw-awan kadagiti adu a tattao. 12Kastanto ti panagsaknap ti kinadakes, ket ti ayat dagiti adu a tattao lumamiisto. 13Ngem#Mat. 10:22. maisalakanto ti siasinoman a makaibtur agingga iti panungpalan. 14Maikaskasabanto iti entero a lubong daytoy Naimbag a Damag maipapan iti Pagarian kas pammaneknek iti sangkataoan. Kalpasanna, umayton ti panungpalan.”

Ti Nakabutbuteng a Mangdadael

(Mar. 13:14-23; Luc. 21:20-24)

15“Iti#Dan. 9:27; 11:31; 12:11; 1 Mac. 1:54; 6:7. kasta, inton makitayo ‘Ti Nakabutbuteng a Mangdadael’ nga agtakder iti nasantoan a lugar a kas insao ni profeta Daniel (maawatan koma ti agbasa ti kaipapanan daytoy), 16masapul a kumamang dagiti adda idiay Judea kadagiti bambantay. 17Umulog#Luc. 17:31. a dagus ti adda iti tuktok ti balay#17 Idiay Judea kadagidi a panawen, nasimpa ti atep dagiti balay ket mabalin a paginanaan ken pagpariiran. ket saanen a sumrek iti balayna tapno mangala iti uray ania a mabalinna nga itugot. 18Ti adda iti taltalon saanen nga agawid a mangala iti kagayna. 19Kadagita nga aldaw, kakaasinto dagiti masikog ken dagiti inna a di pay napusot dagiti annakda. 20Dawatenyo iti Dios a saan koma nga iti tiempo ti nepnep wenno Aldaw a Panaginana ti panagpakniyo! 21Ta#Dan. 12:1; Pal. 7:14. kadagita nga aldaw, nakarkaronto nga adayo ti rigat ngem iti aniaman a napasamak manipud pannakaparsua ti lubong agingga kadagitoy nga aldaw. Ket uray kaano awanton ti kastoy a mapasamak. 22Ngem kinissayan ti Dios ti bilang dagita nga al-aldaw, ta no saan, awan ti makalasat. Ngem gapu kadagiti pinilina a tattao, kissayanna ti bilang dagita nga al-aldaw.

23“Daytoy ti gapuna a no adda agkuna, ‘Kitaenyo, adda ditoy ti Cristo!’ wenno ‘Adda sadiay!’ diyo patpatien. 24Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios. 25Denggenyo, impakaammokon kadakayo dagitoy sakbay a mapasamakda.

26“Wenno,#Luc. 17:23-24. no kunada, ‘Kitaenyo, adda iti let-ang!’ dikay mapmapan sadiay. Ket no kunada, ‘Kitaenyo, adda nga aglemlemmeng ditoy!’ diyo patpatien. 27Ta umayto ti Anak ti Tao a kas iti kapardas ti kimat nga aggilap iti daya nga agpa-laud.

28“Sadinoman#Luc. 17:37. a yan ti bangkay, sadiayto ti paguurnongan dagiti agila.”

Ti Yaay ti Anak ti Tao

(Mar. 13:24-27; Luc. 21:25-28)

29“Apaman#Is. 13:10; Jl. 2:10; 3:4; 4:15; Pal. 6:12; Is. 13:10; Eze. 32:7; Jl. 2:10; 3:15; Is. 34:4; Pal. 6:13. a malpas dagita a rigrigat, agsipngetto ti init, dinto agraniag ti bulan, agtinnagto dagiti bituen, ket mawarawaranto dagiti pannakabalin iti tangatang. 30Agparangto#Dan. 7:13; Zac. 12:10-14; Pal. 1:7. idiay langit ti pagilasinan iti yaay ti Anak ti Tao. Ket agdung-awto dagiti amin a tattao ditoy daga inton makitada ti Anak ti Tao iti rabaw dagiti ulep ti langit nga umay a napnoan pannakabalin ken naindaklan a dayag. 31Aguninto ti dakkel a trumpeta,#31 dakkel a trumpeta; aguninto iti napigsa ti trumpeta, kuna ti Griego. ket ibaonto ti Anak ti Tao dagiti anghelesna kadagiti uppat a suli ti lubong sadanto urnongen dagiti tattao a pinili ti Dios, manipud iti maysa a pungto ti daga agingga iti sabali.”

Ti Maadal iti Kayo nga Igos

(Mar. 13:28-31; Luc. 21:29-33)

32“Adalenyo ti sursuro a maadaw iti kayo nga igos: no aguggot ket agrusingen dagiti bulongna, ammoyo nga agbaliwen ti panawen. 33Kasta met nga inton makitayo amin dagitoy, ammoyo nga asidegen ti tiempo ket dandanin mangrugi.#33 mangrugi; wenno asidegen ket dandanin umay ti Anak ti tao. 34Laglagipenyo a mapasamakto amin dagitoy sakbay a matay amin a tattao iti daytoy a kaputotan. 35Mapukawto ti langit ken ti daga, ngem pulos a dinto mapukaw dagiti saok.”

Awan ti Makaammo iti Dayta nga Aldaw ken Oras

(Mar. 13:32-37; Luc. 17:26-30, 34-36)

36“Ngem no maipapan iti idadateng dayta nga aldaw ken oras, awan ti makaammo—uray dagiti angheles sadi langit wenno ti Anak. Ti laeng Ama ti makaammo. 37Kas#Gen. 6:5-8. iti napasamak idi tiempo ni Noe, kastanto met ti mapasamak inton umay ti Anak ti Tao. 38Kas kadagidi aldaw sakbay ti Layus, nangnangan, nagiinum ken nagaassawa dagiti tattao, agingga iti iseserrek ni Noe iti daong. 39Dida#Gen. 7:6-24. ammo ti mapaspasamak agingga idi umay ti Layus a nangyanud kadakuada amin. Kastanto met ti mapasamak inton umay ti Anak ti Tao. 40Iti dayta a tiempo, addanto dua a lallaki nga agtartrabaho iti talon: maalanto ti maysa ket mabatinto ti kaduana. 41Addanto dua a babbai nga aggilgiling: maalanto ti maysa ket mabatinto ti kaduana. 42Agsaganakayo ngarud ta saanyo nga ammo ti aldaw a yaay ti Apoyo. 43Laglagipenyo#Luc. 12:39-40. a no ammo koma ti ama ti familia no kaano ti yaay ti mannanakaw, siririing koma tapno saan a serken ti mannanakaw ti balayna. 44Daytoy ti gapuna a masapul a kanayon a sisasaganakayo, ta umayto ti Anak ti Tao iti tiempo a diyo ipagpagarup.”

Ti Mapagtalkan nga Adipen ken ti Saan

(Luc. 12:41-48)

45“Siasino ngarud ti mapagtalkan ken masirib nga adipen? Isu ti insaad ti apona a mangimaton kadagiti dadduma nga adipen tapno ikkanna ida iti kanen iti umisu a tiempo. 46Nagasat dayta nga adipen no masangpetan ti apona a kasta ti ar-aramidenna. 47Wen, ibagak kadakayo, isaadto ti apo daytoy nga adipen a mangaywan iti amin a sanikuana. 48Ngem no isu ket dakes nga adipen, kunananto iti bagina: ‘Mabayag pay ti isasangpet ti apok.’ 49Pangpang-orenna dagiti padana nga adipen sa makipangan ken makiinum kadagiti mammartek. 50Sumangpetto ti apona iti aldaw a dina ipagpagarup ken iti oras a dina ammo. 51Dusaento ti apona iti nadagsen#51 …apona iti nadagsen; wenno Ipurruakto ti apona iti ruar; wenno Tagtagbatento ti apona. ket mairamanto iti kinadaksanggasat dagiti aginsisingpet. Sadiay, agsangit ken agngaretngetto.”

Currently Selected:

San Mateo 24: RIPV

Highlight

Copy