Popular Bible Verses from San Mateo 24

Share

Kastanto ti panagsaknap ti kinadakes, ket ti ayat dagiti adu a tattao lumamiisto. Ngem maisalakanto ti siasinoman a makaibtur agingga iti panungpalan.

Maikaskasabanto iti entero a lubong daytoy Naimbag a Damag maipapan iti Pagarian kas pammaneknek iti sangkataoan. Kalpasanna, umayton ti panungpalan.”

Mangngegyonto ti arimbangaw dagiti agdadangadang ken damdamag maipapan kadagiti dadduma pay a gubgubat. Ngem dikay agdanag. Masapul a mapasamak dagitoy ngem dina kayat a sawen a dimtengen ti panungpalan.

Aggugubatto dagiti nasion; agririnnautto dagiti pagarian. Addanto bisin ken ginggined iti amin a lugar. Pangrugian laeng amin dagitoy ti panagsagaba a kas iti panangrugi ti panagsagaba ti agpasngay.

Mapukawto ti langit ken ti daga, ngem pulos a dinto mapukaw dagiti saok.”

Adunto ti umay ket aramatendanto ti naganko a kunkunada, ‘Siak ti Cristo,’ ket adunto ti allilawenda.

“Matiliw ken mayawatkayto a madusa. Mapapataykayto. Guraendakayto dagiti amin a tattao gapu kaniak. Iti dayta a tiempo, adunto dagiti mangtallikud iti pammatida. Aglilinniput ken aggiginnuradanto. Tumaudto dagiti adu a sinan-profeta a mangyaw-awan kadagiti adu a tattao.

Insungbat ni Jesus, “Agannadkayo, ket dikayo paallilaw.

Daytoy ti gapuna a masapul a kanayon a sisasaganakayo, ta umayto ti Anak ti Tao iti tiempo a diyo ipagpagarup.”

Agsaganakayo ngarud ta saanyo nga ammo ti aldaw a yaay ti Apoyo.

“Ngem no maipapan iti idadateng dayta nga aldaw ken oras, awan ti makaammo—uray dagiti angheles sadi langit wenno ti Anak. Ti laeng Ama ti makaammo.

Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios.

Kas iti napasamak idi tiempo ni Noe, kastanto met ti mapasamak inton umay ti Anak ti Tao. Kas kadagidi aldaw sakbay ti Layus, nangnangan, nagiinum ken nagaassawa dagiti tattao, agingga iti iseserrek ni Noe iti daong. Dida ammo ti mapaspasamak agingga idi umay ti Layus a nangyanud kadakuada amin. Kastanto met ti mapasamak inton umay ti Anak ti Tao.