Levitico 19
19
Dagiti Bilbilin maipapan iti Kinasanto ken Kinalinteg
1Binilin ni Yahweh ni Moises 2nga#Lev. 11:44-45; 1 Ped. 1:16. ibagana daytoy iti sangkagimongan ti Israel, “Agbalinkayo a nasantoan agsipud ta nasantoan ni Yahweh a Diosyo. 3Masapul#Ex. 20:12; Deut. 5:16; Ex. 20:8; Deut. 5:12. a raemen ti tunggal maysa dagiti nagannak kenkuana ket ngilinenyo ti Aldaw a Panaginana a kas imbilinko. Siak ni Yahweh a Diosyo.
4“Dikay#Lev. 26:1; Ex. 20:23; 34:17; Deut. 17:25. agrukbab kadagiti didiosen wenno agaramid iti imahen a pagrukbabanyo. Siak ni Yahweh a Diosyo.
5“No agpartikayo iti animal nga idatonyo a pakikappia, annurotenyo dagiti alagaden nga intedko kadakayo tapno awatek ti daton. 6Masapul a maibus amin a karne iti aldaw a pannakaidaton, ti animal wenno iti sumuno nga aldaw. Mapuoran ti karne a matda iti maikatlo nga aldaw 7agsipud ta maibilang a narugit. No adda agsida iti karne a matda, diak awaten ti daton. 8Agbasol ti siasinoman nga agsida iti kasta ta tinulawanna ti nasantoan a banag a naidaton kaniak; rumbeng a mailaksid kadagiti tattaok.
9“No#Lev. 27:15; Deut. 24:19-22. aganikayo, diyo anien dagiti adda iti igid ken dagiti nalabsanyo. 10Diyo sublienen a burasen dagiti ubas a nalabsanyo wenno piduten dagiti naregregyo; ibatiyo ida nga agpaay kadagiti napanglaw ken ganggannaet. Siak ni Yahweh a Diosyo.
11“Dikay#Ex. 20:15; Deut. 5:19; Ex. 20:16; Deut. 5:20. agtakaw wenno agsuitik wenno agulbod. 12Dikay#Ex. 20:7; Deut. 5:11; Mat. 5:33. agkari iti naganko no diyo panggep a tungpalen ti kariyo, ta maibabain ti naganko. Siak ni Yahweh a Diosyo.
13“Diyo#Deut. 24:14-15. gundawayan wenno takawan ti siasinoman. Diyo ipabigat ti pannangtedyo iti tangdan ti pinagtrabahoyo. 14Diyo#Deut. 27:18. ilunod ti tuleng wenno bangenan ti pagnaan ti bulsek. Agbutengkayo kaniak. Siak ni Yahweh a Diosyo.
15“Diyo#Ex. 23:6-8; Deut. 16:19. ballikugen ti linteg iti panangyetnagyo iti sentensia; dikay mangipakita iti panangidumduma iti napanglaw wenno panagtamed iti nabaknang. 16Diyo padpadaksen ti uray siasinoman. No adda agpeggad ti biagna, agsaoka a mangisakit kenkuana. Siak ni Yahweh.
17“Diyo#Mat. 18:15. ipempen ti gurayo iti siasinoman ngem makilinnawagkayo kenkuana tapno dikay agbasol gapu kenkuana.#17 tapno…kenkuana; wenno tapno diyo aramiden daytoy a basol a maibusor kenkuana. 18Dikay#Mat. 5:43; 19:19; 22:39; Mar. 12:31; Luc. 10:27; Rom. 13:9; Gal. 5:14; San. 2:8. agibales wenno agipempen iti gura ngem ayatenyo ti kaarrubayo a kas iti panagayatyo iti bagiyo. Siak ni Yahweh.
19“Tungpalenyo#Deut. 22:9-11. dagiti bilinko. Diyo ipamanada ti maysa nga animal iti sabali a kita ti animal. Diyo paggiddanen nga imula ti dua a kita ti bukel iti talonyo. Dikay agaruat iti kawes a naaramid iti dua a kita.
20“No ti maysa a tagabu a babai a mabigbig nga inkabbalay ti maysa a lalaki ngem saan pay a nasubbot wenno nawayawayaan ket kinaidda ti sabali a lalaki, agpadada a madusa ngem#20 madusa ngem; wenno masapul a mausisa ngem. dida mapapatay, ta tagabu ti babai. 21Ngem mangidatag ti lalaki iti kalakian a karnero a daton a pagsupapak. Ipanna ti animal iti Tolda a Paguummongan 22ket aramiden ti padi ti seremonia ti pannakadalus tapno maikkat ti basol ti lalaki ket pakawanen ti Dios.
23“Inton dumtengkay idiay Canaan ket agmulakay iti uray ania a kita ti kayo nga agbunga iti makan, ibilangyo a saan a nadalus ti bunga iti umuna a tallo a tawen. Diyo kanen dagiti bunga bayat iti dayta a tiempo. 24Iti maikapat a tawen, maidaton dagiti amin a bunga a mangipakita iti panagyamanyo kaniak,#24 mangipakita…kaniak; wenno a pagdayaw kaniak. ni Yahweh. 25Ngem iti maikalima a tawen, mabalinyo a kanen ti bunga dagiti kayoyo tapno ad-adunto ti bungada nga agpaay kadakayo. Siak ni Yahweh a Diosyo.
26“Dikay#Gen. 9:4; Lev. 7:26-27; 17:10-14; Deut. 12:16, 23; 15:23; Deut. 18:10. agsida iti karne nga adda pay laeng darana. Diyo aramiden ti uray ania a kita ti panaganito. 27Diyo#Lev. 21:5; Deut. 14:1. pukisan ti sikigan ti uloyo; diyo putdan ti barbasyo. 28Diyo markaan wenno sugaten ti bagiyo a mangipakita iti panangdung-awyo iti natay. Siak ni Yahweh.
29“Diyo#Deut. 23:17. ibabain dagiti annakyo a babbai iti panamagbalinyo kadakuada a balangkantis iti templo.#29 balangkantis iti templo: Masarakan dagitoy a kita ti babbai kadagiti templo a pagrukbaban dagiti Cananeo kadagiti didiosen a mangted iti nabunga nga apit. Patien dagiti tattao a ti pannakikaidda kadagitoy a babbai mangted iti nabunga nga apit ken panagadu ti arban. Ngamin, daytoyto ti pakaigapuan ti panagrukbabyo kadagiti didiosen ket agsaknapto ti immoralidad iti daga. 30Ngilinenyo#Lev. 26:2. ti Aldaw a Panaginana ket raemenyo ti lugar a pagdaydayawan kaniak dagiti tattao. Siak ni Yahweh.
31“Dikay#Deut. 18:11; 1 Sam. 28:3; 2 Ar. 23:4; Is. 8:19. mapan makiuman kadagiti agan-anito wenno espiritista tapno saankayo a maibilang a narugit. Siak ni Yahweh a Diosyo.
32“Ipakitayo ti panagraemyo kadagiti lallakay ken babbaket. Respetarenyo ida ket agbutengkayo iti Dios. Siak ni Yahweh.
33“Diyo#Ex. 22:21; Deut. 24:17-18; 27:19. idadanes dagiti ganggannaet nga agnaed iti dagayo. 34Ibilangyo ida nga Israelita a kas kadakayo, ket ayatenyo ida a kas iti panagayatyo iti bagiyo. Laglagipenyo a ganggannaetkayo met idi idiay Egipto. Siak ni Yahweh a Diosyo.
35“Dikay#Deut. 25:13-16; Prov. 20:10; Eze. 45:10. agsaur babaen iti panangusaryo iti saan a husto a pagrukod, pagtimbang ken pagsukat. 36Aramatenyo ti husto a pagrukod, husto a pagtimbangan, ken husto a pagsukatan. Siak ni Yahweh a Diosyo a nangiruar kadakay idiay Egipto. 37Tungpalenyo dagiti amin a linteg ken bilinko. Siak ni Yahweh.”
Currently Selected:
Levitico 19: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
