Levitico 18
18
Dagiti Maiparit a Seksual nga Aramid
1Binilin ni Yahweh ni Moises 2nga ibagana daytoy kadagiti Israelita, “Siak ni Yahweh a Diosyo. 3Diyo tuladen ti ugali dagiti tattao idiay Egipto a nagnaedanyo idi wenno ti ugali dagiti tattao iti Canaan a pangipanak kadakayo. 4Tungpalenyo dagiti paglintegak ket aramidenyo ti ibagak. Siak ni Yahweh a Diosyo. 5Agbiagkayo#Neh. 9:29; Eze. 18:9; 20:11-13; Luc. 10:28; Rom. 10:5; Gal. 3:12. no annurotenyo dagiti alagaden ken linteg nga itedko kadakayo. Siak ni Yahweh.”
6Inted ni Yahweh dagitoy nga alagaden. Diyo kainaig ti kabagianyo. 7Diyo kainaig ni inayo tapno saan a maibabain ti amayo. Diyo ibabain ti bukodyo nga ina. 8Diyo#Lev. 20:11; Deut. 22:30; 27:20. ibabain ti amayo iti panagkainnaigyo iti maysa kadagiti assawana. 9Diyo#Lev. 20:17; Deut. 27:22. kainaig ti kabsatyo wenno ti kabsatyo iti ama wenno ina, dimmakkel man wenno saan iti balay a dimmakkelanyo met. 10Diyo kainaig ti apokoyo; daytoy ti pakaibabainanyo. 11Diyo kainaig ti siuman ni amayo agsipud ta kabsatyo met. 12-13Diyo#Lev. 20:19-20. kainaig ti ikityo, kabsat man ti amayo wenno kabsat ti inayo. 14Diyo kainaig ti asawa ti ulitegyo agsipud ta ikityo met. 15Diyo#Lev. 20:12. kainaig ti manugangyo 16wenno#Lev. 20:21. ti ipagyo. 17Diyo#Lev. 20:14; Deut. 27:23. kainaig ti anak wenno apoko ti babai a nalpasmo a kinaidda; mabalin a kabagianyo ida ket maibilang a kinadakes ken maisalungasing iti linteg. 18No sibibiag pay laeng ti asawayo, diyo asawaen ti ipagyo.
19Diyo#Lev. 20:18. kainaig ti babai nga agregla gapu ta narugit iti imatang ti Linteg. 20Diyo#Lev. 20:10. kainaig ti asawa ti sabali a tao tapno saankayo a narugit iti imatang ti linteg. 21Diyo#Lev. 20:1-5. ited ti anakyo a mausar iti panagdaydayaw ken ni didiosen a Moloc ta daytoy ti pakaibabainan ti nagan ti Dios nga Apo. 22Maiparit#Lev. 20:13. a kainaig ti lalaki ti padana a lalaki; kagura ti Dios dayta nga aramid. 23Maiparit#Ex. 22:19; Lev. 20:15-16; Deut. 27:21. a kainaig ti babai wenno lalaki ti maysa nga animal; maisalungasing daytoy iti nakaparsuaan ket pagbalinennakayo a narugit.
24Diyo tulawan ti bagiyo iti uray ania kadagitoy nga aramid. Daytoy ti ugali dagiti tattao a nagnaed iti daga sakbay nga immaykayo ket ita pagtalawen ida ti Apo tapno makastrekkayo. 25Gapu kadagiti aramidda, nagbalin a makarimon ti daga, isu a dusdusaen ti Apo ti daga ket ipampamuspusanna a pagtalawenna dagiti agnaed sadiay. 26-27Inaramidda amin dagitoy makarimon a banag a nangmulit iti daga. Ngem diyo tuladen ida. Dakayo amin, Israelita man wenno ganggannaet a makipagnaed kadakayo, masapul a tungpalenyo dagiti linteg ken bilin ti Apo 28tapno dinakay yula ti daga a kas iti napasamak kadagiti tattao nga immun-una ngem dakayo a nagnaed sadiay. 29Ammoyo a mailaksid kadagiti tattao ti Dios ti siasinoman nga agaramid kadagitoy makarimon a banag.
30Ket kinuna ni Yahweh, “Tungpalenyo dagiti bilinko ket diyo tuladen dagiti aramid dagiti tattao a nagnaed iti daga sakbay iti yaayyo. Dikay agaramid iti uray ania kadagitoy a banag tapno saankayo a matulawan. Siak ni Yahweh a Diosyo.”
Currently Selected:
Levitico 18: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
