Job 7
7
1Mayarig ti biag ti tao iti kapilitan a panagserbi ti soldado,
kasla biag ti agtartrabaho iti nadagsen,
2kas tagabu a kalikagumanna ti paglinonganna,
kas mangmangged nga agur-uray iti tangdanna.
3Binulan nga ubbaw ti panagbibiagko;
rinabii a ladingit ti malakamko.
4No maturogak, alimbasagenak iti iddak;
saanak a makaturog, sumgaakon nga aglawag.
5Ig-iggesen ti bagik, nalapunos iti keggang;
bumtak dagiti gaddilko ket agnanada.
6Aggibusen dagiti aldawko nga awan namnamak,
naparpardas ngem ti barkilia#6 BARKILIA: bassit a ramit iti pagablan a nakaikabilan iti sag-ut; napardas ti panagsublisublina bayat ti panagabelna iti lupot. ti panaglabasda.
7Lagipem, O Dios, a kasla anges ti biagko;
naggibusen dagiti ragragsakko.
8Addaak pay la ita, ngem didakton makita.
No birokendak, didakton masapulan.
9-10Kas#Kin. Sol. 2:1-4. iti ulep nga aglabas ket agpukaw,
kasta ti tao a matay ket dinton agsubli;
malipatan payen dagiti makaam-ammo kenkuana.
11Diak mabalin ti agulimek!
Madi ti riknak ket makapungtotak.
Masapul nga agsaoak.
12Apay kadi a pabambantayannak?
Ipagarupmo aya a maysaak a dragon ti taaw?#12 DRAGON TI TAAW: Iti sarsarita idi ugma, kasapulan a maguardiaan dagiti dragon ti taaw tapno saanda a makalibas ken agdadael.
13Agiddaak tapno aginanaak;
kayatko nga iliwliwag ti panagsagabak.
14Ngem sika, pagbutngennak kadagiti tagtagainep;
pagparmataennak ket butbutngennak.
15Kaykayatko laengen a mabekkelak;
nasaysayaat laengen a matayak
ngem ti agbiag iti kastoy a rigat.
16Saanko a kayaten ti agbiag!
Awanen serserbi ti biagko.
Baybay-annakon. Awanen serserbi toy biag.
17Apay#Sal. 8:4; 144:3. a napateg unay ti tao kenka?
Apay nga ikaskasom dagiti aramidna?
18Binigat a bisitaem,
ket tunggal kanito a suotem.
19Dimo la aya mayadayo ti panagkitam kaniak,
iti uray apagdarikmat tapno matilmonko ti tuprak?
20No agbasolak, apay aya a sika ti masakitan,
sika nga agbambantay kaniak?
Apay a siak ti pangipapasam iti pungtotmo?
Makapadagsenak unay aya kenka?
21Dimo la aya mapakawan ti basolko?
Di la mabalin a punasem dagiti labsingko?
Agiddaakton iti katapokan,
ket no sapulennak awanakton a mabirokam.
Currently Selected:
Job 7: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
