Ezekiel 2
2
Ayaban ti Dios ni Ezekiel nga Agbalin a Profeta
1Idi makitak daytoy, nagpaklebak iti daga. Ket nangngegko ti maysa a timek a nagkuna, “Anak ti tao, tumakderka, ta adda ibagak kenka.” 2Bayat ti panagsaona, simrek kaniak ti espiritu ti Dios ket pinatakdernak. Intuloy ti timek ti nagsao, 3“Anak ti tao, ibaonka kadagiti Israelita. Sinukir ken binusordak. Suksukirendak pay laeng a kas iti inaramid dagidi kapuonanda. 4Natangken ti uloda ket dida agraem kaniak. Siak nga Apo a Dios, ibaonka ngarud a mangipakaammo iti ibagak kadakuada. 5Dumngegda man kenka wenno saan, maammoandanto nga adda profeta a naibaon kadakuada.
6“Ngem sika, anak ti tao, dika agbuteng kadakuada wenno iti aniaman nga ibagada. Kasdanto la siit iti aglawlawmo. Kaskanto la adda iti ayan dagiti manggagama. Uray kasta, dika agbuteng kadagita nasukir a tattao wenno iti aniaman nga ibagada. 7Ibagamto kadakuada ti aniaman nga ibagak, dumngegda man wenno saan. Laglagipem a nasukirda a tattao.
8“Anak ti tao, denggem ti ibagak kenka. Dika agsukir a kas kadakuada. Agngangaka ket kanem ti itedko kenka.” 9Nakitak#Pal. 5:1. ti maysa nga ima a nayasideg kaniak. Nakaiggem iti nalukot a pagbasaan. 10Inukradna ti pagbasaan ket nakitak a nasuratan iti agsumbangir. Naisurat dagiti dung-aw, sangsangit ken as-asug.
Currently Selected:
Ezekiel 2: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
