Ezekiel 1
1
TI UMUNA A PARMATA NI EZEKIEL MAIPAPAN ITI DIOS
(1:1–7:27)
Ti Trono ti Dios
1Iti#Pal. 19:11. maikalima nga aldaw, iti maikapat a bulan, iti maika-30 a tawen,#1 MAIKA-30 A TAWEN: saan nga ammo no ania daytoy a tawen. siak, ni Ezekiel a padi ken anak ni Busi, nakipagnanaedak kadagiti napagtalaw a kas balud a Judio iti igid ti Karayan Kebar idiay Babilonia. Naglukat ti langit, ket nakitak ti Dios iti maysa a parmata. (2Napasamak#2 Ar. 24:10-16; 2 Cron. 36:9-10. daytoy iti maikalima a tawen ti pannakaitalaw ni Ari Jehoyakin a kas balud.) 3Ket sadiay, iti igid ti Karayan Kebar idiay Babilonia, nangngegko ti timek ni Yahweh a nakisao kaniak ket nariknak ti pannakabalinna.
4Timmangadak ket nakitak ti napigsa nga alipugpog a naggapu iti amianan. Adda kimat nga aggapgapu iti napuskol nga ulep, ket naraniag ti langit iti likmutna. Iti pagkimkimatanna, adda sumilsilap a kasla bronse. 5Iti#Pal. 4:6. tengnga ti alipugpog, nakitak dagiti kasla sibibiag a parsua nga umasping iti tao, 6ket adda uppat a rupa ken uppat a payak ti tunggal maysa kadakuada. 7Nalinteg dagiti sakada ngem dagiti dapanda kasla kukod ti baka. Rumimatrimat dagiti parsua a kasla napasileng a bronse. 8Malaksid dagiti uppat a rupa ken uppat a payakda, adda pay ima ti tao iti baba ti tunggal payak nga adda iti uppat a sikiganda. 9Nakaukrad dagiti dua a payak ti tunggal maysa, ket agsisinnagid ti murdong ti payakda. Iti kasta, kuadrado ti formada. No aggunayda, aggunayda a kasla maysa a grupo a saan nga agpusipos dagiti bagida.
10Adda#Eze. 10:14; Pal. 4:7. uppat nga agduduma a rupa ti tunggal animal: rupa ti tao iti sango, rupa ti leon iti kannawan, rupa ti baka iti kannigid ken rupa ti agila iti likud. 11Siuukrad ti dua a payak#11 dua a payak kuna ti dadduma a kadaanan a patarus. Iti Hebreo, dagiti rupada, dagiti payakda. ti tunggal parsua, ket agsisinnagid ti murdong dagiti payakda. Dua met a payak ti mangabbong kadagiti bagida. 12Sumango ti tunggal animal iti uppat a direksion. Iti kasta, mabalinda ti agturong iti kayatda a papanan a saanda nga agpusipos.
13Iti#Pal. 4:5. baet dagiti#13 dagiti kuna ti dadduma a kadaanan a patarus. Iti Hebreo, Ti langa dagiti. parsua, adda kasla gumilgil-ayab nga aluten nga agalis-alis. Gumil-ayab ti apuy ket agipugso iti kasla kimat. 14Agsublisubli dagiti animal a kasla iti kapardas ti kimat.
15Bayat#Eze. 10:9-13. ti panangmatmatko kadagiti uppat a parsua, nakitak ti uppat a pilid a sumagid iti daga iti abay ti tunggal maysa kadakuada.#15 kadakuada. Iti Hebreo, ti rupada. 16Rumimatrimat ti tunggal pilid a kasla napateg a bato. Agpapada dagiti uppat a pilid. Adda pilid iti uneg ti tunggal pilid nga agturong iti sabali a direksion. 17Iti kasta, mabalin nga agturong dagiti pilid iti uray ania kadagiti uppat a direksion. 18Pasig#Pal. 4:8. a mata ti nangabbong kadagiti rueda ti pilid.
19No aggunay dagiti parsua, aggunay met a maisurot dagiti pilid. No agpangatoda, agpangato met dagiti pilid. 20Agturong dagiti pilid iti sadinoman a kayatda a pagturongan, ket aramidenda ti aramiden dagiti animal agsipud ta iturayan ida dagiti animal. 21Ngarud, no aggunay dagiti parsua, wenno no sumardengda, wenno no agpangatoda, kasta met ti aramiden dagiti pilid.
22Iti#Pal. 4:6. ngatoen ti ulo dagiti parsua, adda kasla atep a naaramid iti rumimatrimat a kristal. 23Sadiay, iti sirok ti atep nakatakder dagiti parsua. Siuukrad dagiti dua a payak ti tunggal parsua a situturong kadagiti sarsarunoenda, ket dua a payak met ti mangabbong kadagiti bagida. 24Nangngegko#Pal. 1:4-15; 19:6. ti banesbes dagiti payakda iti panagtayabda. Kasla daranudor ti baybay, kasla arimbangaw ti dakkel nga armada, kasla timek ti Dios a Mannakabalin-amin. Idi sumardengda nga agtayab, nagkupin dagiti payakda, 25ngem adda latta mangngeg a timek nga aggapu iti atep, iti ngatoen dagiti uloda.
26Iti#Eze. 10:1; Pal. 4:2-3. ngatoen ti atep, adda kasla trono a naaramid iti safiro. Adda kasla tao nga agtugtugaw iti trono. 27Kasla#Eze. 8:2. tao ti agranraniag a kasla bronse iti tengnga ti apuy. Raniaganna ti aglikmut, 28ket addaan kadagiti amin a kolor nga adda iti bullalayaw.
Daytoy ti makapurar a lawag a mangipakita iti kaadda ti Apo.
Currently Selected:
Ezekiel 1: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
