Sofonías 2
2
1Mana penqakuq Judá nunakuna, llapëki ëllukëkur yarpakachäyë jutsa rurëta jaqiyänëkipaq.
2Teyta Dios piñakushqan junaq manaraq chämuptin jutsa rurëta jaqiyë.
Mana jaqiyaptikiqa imëka päjata vientu apar ushakätsishqannömi ushakätsiyäshunki.#Sal. 1.4; Jer. 13.24; Ose. 13.3.
3Kë patsachö qollmi shonqu nunakuna, Teyta Diosta llapëki ashiyë.
Mandamientunkunata cäsukuqkuna, mana yachaq tukushllapa pë munashqannö kawakuyë.
Tsënö kawakuyaptikiqa capazchi Teyta Dios piñakushqan junaq salvëkuyäshunkimanpis.#Isa. 55.6-7; Joel 2.12-14.
Filisteo nunakunata castigananpaq ninqan
4Gaza markapis chusyaqmi tikrarinqa.
Ascalón markapis pasëpam ushakanqa.
Asdod markachö täraqkunatapis junaqpam suwapäyanqa.
Ecrón markachö täraqkunatapis sipinpita#2.4 Wakin nunakunaqa watsinpita o jawanpita niyanmi. montita tirariqnömi jitariyanqa.
5¡Allaw! ¡Lamar kuchunchö täraq filisteo nunakuna, qamkunapis ankupëpaqmi kayanki!
Castigayäshunëkipaqmi Teyta Dios kënö nishqa:
<<¡Canaánchö täraq filisteo nunakuna, ushakäratsiyaptiqmi markëkikuna chusyëkar quedarinqa!#Isa. 14.29-31; Jer. 47.1-7; Eze. 25.15-17; Joel 3.4-8; Amós 1.6-8; Zac. 9.5-7.
6Lamar lädunchö chakrakunapis tikrarinqa wätakunata mitsikuyänanllapaqnam.
Üsha kanchakunallanam tsëchö kanqa>>.
7Kawëkar quedaq Judá nunakunataqa Teyta Dios yanapanqa librina kawakuyänanpaqmi.
Pëkunapaqna tsë chakrakuna kaptinmi wätankunata tsëchö mitsikuyanqa.
Ascalónchö këkaq wayikunachömi punuyanqa.
Moabita y amonita nunakunata castigananpaq ninqan
8Teyta Diosmi kënö nin:
<<Noqa wiyarqümi Moab nación nunakuna#Isa. 15—16; 25.10-12; Jer. 48; Eze. 25.8-11; Amós 1.13-15. y Amón nación nunakuna#Jer. 49.1-6; Eze. 21.28-32; 25.1-7; Amós 1.13-15. kuyashqä nunakunata ashayashqanta.
Tsënöllam wiyarqü kuyashqä nunakunata allqutsayashqanta.
Pëkunaqa Judá nunakunapa chakrankunata qochirmi rïcu tikrayashqa>>.
9Tsëmi Israel nunakunata kuyaq y llapanta mandaq Teyta Dios jurar nin:
<<Sodoma markanömi Moab nacionpis ushakanqa.
Gomorra markanömi Amón nacionpis ushakanqa.#Gén. 19.1-29.
Chakrankunachöpis kashallam kanqa.
Wakin chakrankunachöpis manam imapis wayunqanatsu.
Chusyaq jirkanömi imëyaqpis kanqa.
Kawëkar quedaq kuyashqä nunakunam pëkunapa imëkantapis apakuyanqa.
Allin kaq chakrankunatapis qochirirmi tsëchö täräyanqa.
Nishqäqa rasunpam pasakunqa>>.
10Pëkunata tsënö pasanqa alläpa nuna tukuyashqanpitam.
Pëkunam llapanta mandaq Teyta Dios kuyashqan nunakunata allqutsakuyashqa.
11Kë patsachö adorayashqan llapan dioskunata ushakäratsirmi Moab nación nunakunata y Amón nación nunakunata Teyta Dios alläpa castiganqa.
Tsëmi karu islakunachö täraq nunakunapis markankunachö Teyta Diostana adorayanqa.
Etiopía nunakunata castigananpaq ninqan
12<<Etiopía nunakuna,#Isa. 18.1-7. qamkunatapis espädäwanmi ushakätsiyashqëki>>.
Asiria nunakunata castigananpaq ninqan
13Tsënöllam Teyta Diosqa norti kaq lädupa ëwar Asiria nacionta ushakätsinqa.#Isa. 10.5-34; 14.24-27; Nah. 1—3.
Nínive markachö täraq nunakunatapis ushakätsiptinmi pasëpa chusyaq tikrarinqa.
14Tsë partiqa wäta mitsikuyänanmi tikrarinqa.
Tukïläya chucaru animalkunam tsëchö täräyanqa.
Tukuwan akakallanam terrädunkunachöpis punuyanqa.
Tsëkuna waqashqanpis ventänapam wiyakamunqa.
Punkukuna ushakaptinmi cedru tablawan entablayashqanpis alëruna rikakunqa.
15Tsë markachö täraq nunakunaqa ima desgracia pasayänanpaq kashqanta yarpëllapis manam yarpäyantsu.
Tsëmi shonqunkunallachö kënö niyan:
<<Noqantsikpita masqa ¿piraq kanman?>>
Tsënö nikaqta ushakätsiptinmi markankuna tikrarinqa jirka animalkuna täkunanlla.
Tsëta rikëkurmi marka nöpanpa pasaqkuna makitapis paqchirraq asipäyanqa.
Currently Selected:
Sofonías 2: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
