Zacarías 12

Jerusalénchö täraqkunata alli rikänanpaq Teyta Dios äninqan

1Këchömi qellqarëkan Teyta Diospa willakïnin. Kë willakïqa Israel nunakunapaqmi këkan. Ciëluta kamaq, patsata patsakätsiq y nunata kawënin qoq Teyta Diosmi nin: 2<<Machatsikuqnö kananpaqmi Jerusalénta tikratsishaq. Tsëmi Jerusalénta y Judáta atacarqa chikiqnin nación nunakuna machashqanö tikrarir ima rurëtapis puëdiyanqatsu.

3<<Jinantin nación nunakunam Jerusalén nunakunata chikirnin contran shäriyanqa. Tsëmi jatun ruminö kayänanpaq Jerusalén nunakunata churashaq. Pipis pallarita munaq kaqtaqa wanuqpaqmi nitirinqa>>.

4 Teyta Diosmi kënö nin: <<Tsë witsanmi soldädukunapa llapan cawallunkunata mantsakätsishaq. Montaraq soldädukunatapis löcuyätsishaqmi. Juk lädu nación nunakunapa cawallunkunatapis wiskuyätsishaqmi. Tsënö kaptinpis Judá nunakunapita miraqtaqa cuidashaqmi. 5Tsëta rikarmi Judá soldädukunapa capitanninkunaqa shonqunkunallachö kënö niyanqa: <Llapanta mandaq Teyta Diosmi Jerusalénchö täraq nunakunata imëpis yanapan>.

6<<Tsëpinmi permitishaq Judá soldädukunapa capitanninkuna imëka rawrëkaq shanshanö#12.6 Wakin nunakunaqa shankanö niyanmi. kayänanpaq. Tsëmi yamtata y trïgu manöjuta nina rawrar ushashqannö pëkunapis vecïnun nacionkunata itsuq kaq lädumanpis allawka kaq lädumanpis rawrar ushakätsiyanqa. Jerusalén nunakunanam markankunallachö yapë täräyanqa. 7Jerusalénta manaraq salvar puntataqa Judáchö këkaq wakin marka nunakunataran salvashaq. Tsënöpam Jerusalénchö täraqkuna y Davidpita miraqkuna nuna tukuyanqatsu.

8<<Tsëpinmi Jerusalénchö täraq nunakunata pipis atacaptin noqa Teyta Dios yanapashaq atacaqninkunata venciyänanpaq. Tsëchö täkuqkuna mëqanpis pishi kallpa kaptinqa yanapashaq rey Davidnö kallpayuq kananpaqmi. Tsënöllam Davidpita miraqta yapë churashaq rey kananpaq. Pëmi mandakunqa puntanta ëwaq ángel mandakunqannölla.

9<<Tsë junaqmi mëqan nacionpis Jerusalénta atacaptin tsë atacaq nacionta chipyëpa ushakätsishaq. 10Davidpita miraqkunatam y Jerusalénchö täraqkunatam käyitsishaq kuyakuq kayänanpaq y imë hörapis mañakayämänanpaq. Tuksiyämashqanta#Juan 19.37; Apoc. 1.7. rikämarmi waqayanqa. Wamaqshu tsurin wanukïkuptin waqakuqnöran makinkunatapis choqparkur waqayanqa.

11<<Tsë junaqmi Meguido pampachö këkaq Hadad-rimónpaq llakikuyashqannö Jerusalénchö alläpa llakikuyanqa. 12Judá nunakunaqa alläpa llakikur castanpa castanpam waqayanqa. Tsëmi waqakuyanqa David castapita miraqkuna warmintin, Natánpita miraqkuna warmintin, 13Leví trïbupita miraqkuna warmintin, Simeipita miraqkuna warmintin, 14y wakin casta kaqkunapis warmintinyan.

Currently Selected:

Zacarías 12: qwhB

Highlight

Copy

Compare