Zacarías 1

Jutsa rurëta jaqiriyänanpaq Teyta Dios ninqan

1Rey Darío juk wata y puwaq killana mandakuq këkänan witsanmi#1.1 Daríuqa Persia nacionpa mandakuqninmi karqan. Israel nunakunapaq puwaq kaq killa karqan pullan octubripita pullan noviembriyaqmi. Calendariuntsikchöqa tsë wata karqan 520 a. C. noqa profëta Zacaríasta#Esd. 4.24—5.1; 6.14; Neh. 12.16. Teyta Dios parlapämarqan. Noqa kä Berequíaspa tsurin y Iddupa willkanmi.

2Teyta Diosmi kënö nimarqan: <<Noqam unë Israel nunakunawan alläpa piñakurqä. 3Kananqa Israel mayikikunata kënö ni: <Llapanta mandaq Teyta Diosmi nin: ¡Noqaman kutiyämï! Kutiyämuptikiqa yapëmi yanapayashqëki.#Isa. 55.7; Mal. 3.7. 4Unë castëkikunanö chukru shonquqa ama kayëtsu. Pëkunataqa profëtakunawanmi willakatsirqä jutsankunata jaqirir noqaman kutiyämunanpaq. Tsënö niptïpis manam cäsuyämarqantsu. Noqa Teyta Diosmi tsënö nï.

5<< <Tsë awilïkikunapis y profëtakunapis ushakäyashqanam. 6Sirwimaqnï profëtakunawan willakatsishqänöllam llapanpis pasashqa. Willakatsishqänö castigaptïmi jutsata rurayashqanta jaqirir niyarqan: <<Castigamänantsikpaq nishqannöllam llapanta mandaq Teyta Diosqa mana cäsukushqantsikpita castigamarquntsik>> > >>.

7Rey Darío mandakuq këninta kima watata cumplinanpaq juk killa pishikaptinmi ishkë chunka chusku (24) junaqchö noqa profëta Zacaríasta Teyta Dios yapë parlapämarqan. Tsëqa karqan Sebat killam.#1.7 Calendariuntsikchöqa tsë junaq karqan 15 de febreru, wata 519 a. C.

8Juk paqas revelëkamaptinmi rikëkurqä puka cawallun montashqa nunata. Tsë nunaqa atska arrayan montikuna kashqan uranchömi këkarqan. Qepanchömi këkäyarqan cawallun montashqa wakin nunakunapis. Montaräyashqan cawallunkunaqa kayarqan puka, bäyu y yulaqmi.#Zac. 6.2-3; Apoc. 6.2-4.

9Tsë höram juk ángel parlapëkämarqan. Pëtam kënö tapurqä: <<Teytallä, ¿pikunataq taqë montashqa nunakuna kayan?>>

Tapuptïmi nimarqan: <<Kanan willashqëki pikuna kayashqantapis>>.

10Arrayan kashqanchö këkaq nunanam kënö nimarqan: <<Pëkunaqa kayan kë jinantin patsata rikapakuyänanpaq Teyta Dios kachamushqankunam>>.

11Arrayan montikunachö këkaq nunaqa Teyta Diospa angelninmi karqan. Tsëmi montashqa nunakuna tsë angelta kënö niyarqan: <<Mëtsëpapis purirmi rikäyämurqü nunakuna yamë kawakïkäyaqta>>.

12Tsënam Teyta Diospa angelnin kënö nirqan: <<Llapanta mandaq Teyta Dios, qanchis chunka (70) watana pasëkaptinpis#Jer. 25.11; 29.10; Zac. 7.5. ¿jinallaku piñashqa këkanki Jerusalén y Judá nunakunawan?>>

13Tsënö niptinmi noqawan parlëkaq angelta Teyta Dios alli shimillanpa parlaparqan. 14Tsëmi tsë ángel kënö willakunäpaq nimarqan: <<Llapanta mandaq Teyta Diosmi kënö nin: <Jerusalénta y Sión jirkata alläpam kuyä. 15Tsëmi atacaqnin nación aksë tukuq nunakunawan yamë kawëkäyaqta rikar alläpa piñakü. Israel nunakunawan piñashqa kar castigaptïmi pëkunaqa alläpana jipatsiyashqa. 16Tsëmi noqa Teyta Dios nï: Kananqa Jerusalénta ankupäshaqnam. Yapëmi wayïta y Jerusalén markatapis shäritsiyanqa. Noqa llapanta mandaq Teyta Diosmi tsënö nï> >>.

17Tsënöllam tsë ángel kënö nimarqan: <<Jina kënöpis willakï: <Llapanta mandaq Teyta Diosmi nin: Noqam bendicionnïta churashaq Judá markakunachö imëkapis atska kananpaq. Sión jirkachö täraq nunakunatapis ankupäshaqmi. Noqapa kananpaqmi Jerusalén markata yapë ëllushaq> >>.

Chusku waqrakunata y chusku herrërukunata revelacionchö rikanqan

18 18 (2.1) Tsëpitanam revelacionchö rikëkurqä chusku waqrakunata. 19 19 (2.2) Tsëmi noqawan parlëkaq angelta kënö tapurqä: <<¿Imaninantaq tsë waqrakuna?>>

Tsëmi kënö nimarqan: <<Tsë waqrakunaqa këkäyan Judá nunakunata, Israel nunakunata y Jerusalén nunakunata mëtsëpapis qarquq nacionkunam>>.

20 20 (2.3) Tsëpitanam Teyta Dios rikätsimarqan chuskuq herrërukunata. 21 21 (2.4) Tsëmi angelta kënö tapurqä: <<¿Imapaqraq kë herrërukuna shayämushqa?>> nir.

Tsëmi kënö nimarqan: <<Pëkuna shayämushqa tsë waqrakunata ushakätsiyänanpaqmi. Tsë waqrakunaqa këkäyan Judá nación nunakunata wakpa këpa ramëpa ramar qarquq nación nunakunam. Qarquyaptinmi Judá nunakunaqa alläpa penqakuyarqan>>.

Currently Selected:

Zacarías 1: qwhB

Highlight

Copy

Compare