Zacarías 2

Cordelnin tsarashqa jövinta revelacionchö rikanqan

1 1 (5) Tsëpitanam revelacionchö rikarqä juk jövinta cordelnin tsarashqa këkaqta. 2 2 (6) Pëtam kënö tapurqä: <<¿Mëpataq ëwëkanki?>> nir.

Tsëmi kënö nimarqan: <<Jerusalén markapa largun y anchun ëka medishqantapis musyanäpaq mediqmi ëwëkä>>.#Eze. 40.3-4; Apoc. 11.1; 21.15-17.

3 3 (7) Tsëpitanam noqawan parlaq ángel ëwëkar juk angelwan tinkurqan. 4 4 (8) Pëmi kënö nirqan: <<Ëqillapa ëwëkur medimuq jövinta kënö ni: <Jerusalénchöqa atska nunakunam täräyanqa. Wätankunapis atskam kayanqa. Nunakuna atska kayaptinmi marka tumariq perqapis kanqanatsu. 5 5 (9) Teyta Diosmi nin: <<Jerusalénta cuidanäpaqqa noqam kashaq jinantin kuchunpa nina rawrëkaq perqanö. Kikïmi Jerusalénchö täraqkunawan këkäshaq>> > >>.#Isa. 4.5; Eze. 43.4-5; Apoc. 21.3, 23.

6 6 (10) Israel nunakunatam Teyta Dios nin: <<Noqam kë patsapa chuskun kuchunyaq qamkunata qarquyarquq. ¡Kananqa norti lädu nacionpa qarqushqa kaqkuna, Jerusalénman ëqipa ewkayämï! 7 7 (11) ¡Babiloniachö täraq Sión nunakuna, Jerusalénman safar ewkayämï!>>

8 8 (12) Llapanta mandaq Teyta Diosmi kachamashqa imëkitapis apakuq nacionkunata kënö willanäpaq: <<Kuyashqä nunakunata pipis jipatsirqa nawi ñïñüta toquqnömi këkäyan. 9 9 (13) Kikïmi pëkunata castigashaq. Castigarmi käyitsishaq kikinpa sirwiqninkunalla pëkunapa imankunatapis qochiyänanpaq>>.

Tsë nishqannölla pasaptinmi musyayanki llapanta mandaq Teyta Dios kachamashqanta.

10 10 (14) Mastapis Teyta Diosmi kënö nin: <<Siónchö täraq nunakuna, qamkunawanmi imëpis këkäshaq. Tsënö këkaptinqa kushikur qotsuyë. 11 11 (15) Tsëpinmi atska nación nunakuna sirwiyämanqa. Kuyashqä nunakuna kayaptinmi noqa pëkunawan imëpis këkäshaq>>.

Tsë nishqannölla pasaptinmi musyayanki llapanta mandaq Teyta Dios qamkunaman kachamashqanta.

12 12 (16) Sagrädu nacionchö herencian kananpaqmi Judá nunakunata Teyta Dios ëllunqa. Jerusalén markatapis yapëmi akranqa kikinpa kananpaq. 13 13 (17) Jinantinchö täraq nunakuna, Teyta Diospa nöpanchö upälläkuyë.#Hab. 2.20; Sof. 1.7. Pëqa ciëlupitam shamïkan.

Currently Selected:

Zacarías 2: qwhB

Highlight

Copy

Compare