Malaquías 2
2
1<<Sacerdötikuna, qamkunatam niyaq: 2Mana cäsuyämar llapan shonqïkikunawan mana respetayämaptikiqa castigayashqëkim. Qamkunaman bendicionnïta churamushqätapis maldicionmanmi tikratsishaq. Llapan shonqïkikunawan mana cäsuyämashqëkipitam maldicionmanna tikraratsirqü. Noqa llapanta mandaq Teyta Diosmi tsënö nï.
3<<Tsëmi qamkunapa mirënikikunata wallkayätsir ushakätsishaq. Noqapaq apayämushqëki wätakunapa ismaninwanmi qaqllëkikunachö qompayashqëki. Tsënöllam tsë wätakunapa ismanintawan juntu jitariyashqëki. 4Tsënöpam käyiyanki niyashqaqta cäsukayämänëkipaq kashqanta. Cäsuyämaptikiqa unë castëki Leví trïbu nunakunawan#Núm. 3.11-13. pactuta rurashqänömi imëpis kanqa. Noqa llapanta mandaq Teyta Diosmi tsënö nï.
5<<Leví trïbu nunakunawan#2.5 Sacerdötikunaqa Leví trïbu nunakunam kayarqan. pactuta rurarmi#Núm. 25.12-13. änirqä yanapaptï alli kawakuyänanpaq. Pëkunanam äniyämarqan imëpis mantsakayämänanpaq. Tsëmi änikushqänölla yanaparqä y pëkunapis mantsakamar respetayämarqan. 6Leynïkunata kashqantanöllam yachatsikuyarqan. Manam manakaqkunata parlayarqantsu. Munashqänö alli kawakurmi atskaqta käyitsiyarqan jutsata rurayanqanta jaqiriyänanpaq.#Deut. 33.8-10.
7<<Sacerdöti karmi qamkunapis willakïnïta yachatsikuyänëkipaq këkäyanki.#Lev. 10.11; Deut. 21.5. Llapanta mandaq Teyta Diospa willakuqnin kayaptikim nunakuna qamkunaman shayämun yachakïta munar. 8Tsënö kaptinpis mana allikunata rurayaptikim y mana allikunata yachatsiyaptikim atskaq nunakuna jutsata rurayashqa. Tsënö karmi Leví trïbuwan pactu rurashqätapis manakaqpaq churëkäyanki. Noqa llapanta mandaq Teyta Diosmi tsënö nï. 9Leynïkunata mana cäsurmi wakin nunakunata allipa rikarpis wakintaqa mana allipa rikëkäyanki. Tsëmi nunakuna mana respetayäshunëkipaq y manakaqpaq churayäshunëkipaq qamkunata jaqiriyarquq>>.
Mana ulipänakuyänanpaq yachatsikï
10¿Manaku Teyta Dios llapantsikpapis Tëtantsik këkan?#Isa. 63.16; 64.8; Efe. 4.6. ¿Manaku llapantsiktapis juk Dioslla kamamarquntsik? Tsënö këkarqa ¿imanirtaq juknintsik juknintsikpis ulipänakuntsik? Tsënö kawakurqa unë castantsikkunawan Teyta Dios pactu rurashqanta manakaqmanmi churëkantsik.
Ïdulu adoraq warmiwan mana casakuyänanpaq ninqan
11Teyta Dios nishqanta cumpliyänanpaq änirpis Judá nunakunaqa manam cumpliyantsu. Tsëmi Jerusalénchö y jinantin Israelchö ïduluta adoraq warmikunawan penqakïpaq juntakäyan. Tsënö rurarmi Teyta Dios kuyashqan templunta manakaqpaq churëkäyan. 12Ïduluta adoraq warmiwan juntakaq nunataqa Teyta Dios mana ankupashpam Israel nunakunapita qarqunqa. Tsënömi qarqunqa pï kaptinpis y llapanta mandaq Teyta Diospaq ofrendata apamuptinpis.
Warminwan rakikäyanqanpita piñapanqan
13 Teyta Diospa altarninman wätakunata y tsaki mikïkunata apayaptikipis manam chaskiyäshunkinatsu. Tsëmi altarninpa nöpanchö alläpa waqar 14kënö nikäyanki: <<¿Imanirtaq chaskimantsu?>> nir.
Pëqa chaskiyäshunkitsu jövin këkar casakuyashqëki warmikita jaqiriyashqa kayaptikim. Tsë warmiqa kashqa yanaqikim y pëllawan täräyänëkipaqmi Teyta Diospa nöpanchö pactuta rurarqëki.
15¿Manaku juknölla kayänanpaq ishkantapis Teyta Dios kamarqan? Cuerpunpis y espïritunpis pëpam këkan. ¿Manaku käyiyanki imanir juknölla kayänanpaq kamashqanta? Tsënö kamarqan tsë nunapa tsurinkuna Teyta Dios munashqannö kawayänanta munarmi. Tsënö këkaptinqa shumaq käyikuyë. Jövin këkar juntakäyashqëki warmikiwan ama rakikäyëtsu.
16Israel nunakuna adorayashqan Teyta Diosmi kënö nin: <<Noqa alläpam piñakü warminkunapita rakikäyaptin. Tsënö rurarqa pasëpa penqakïpaqmi këkäyan. Noqa llapanta mandaq Teyta Diosmi tsënö nï. Tsënö këkaptinqa warmikikunawan mana rakikëpa täkuyänëkipaq shumaq yarpakachäyë>>.#Gén. 2.24; Prov. 5.18; Mar. 10.2-9; Efe. 5.21-33.
Nunakunata juzgananpaq ninqan
17Qamkunaqa llutanta parlar Teyta Diosta alläpam piñatsiyanki. Tsënö rurëkarpis kënöran tapukuyanki: <<¿Imanötaq Diosta piñatsiyarqü?>>
Pëta piñatsiyanki kënö parlarmi: <<Imanö kawakushqapis Teyta Dios manam juzgamäshuntsu. Teyta Diospaqqa allim këkan jutsata rurar kawakushqapis. Imanö kawakushqapis pëqa kushikunmi>>.#Mal. 3.14-15.
Currently Selected:
Malaquías 2: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.