Malaquías 3
3
1Llapanta mandaq Teyta Diosmi nin: <<Nänita pitsaqnö nunakuna alistakuyänanpaqmi willakuqnïta puntäta kachashaq.#Mat. 11.10; Mar. 1.2; Luc. 1.76; 7.27. Tsëpitanam shuyakïkäyashqëki mandakuq mana yarpäyashqëki höra chämur templuman yëkunqa. Pëmi qamkunawan pactu rurashqäta willakunqa. Rikëta munayashqëki willakuqqa chämunqanam.
2<<Pëqa jutsata rurayashqëkipita purificäyäshunëkipaq bururïkaq ninanömi y taqshakuna jabonnömi kanqa.#Mat. 3.10-12. Tsënö këkaptinqa chämuptin ¿piraq awantanman? Jina pëpa nöpanchö ¿piraq shëkanman?#Joel 2.11; Apoc. 6.17. 3Pëqa qorita y yulaq qellëta ninawan tsullutsir rakchanta jorquqnömi levitakunata purificanqa. Noqa munashqänöna sacrificiukunata altarchö kayayaptinmi 4Judá y Jerusalén nunakuna sacrificiuta apayämushqanta kushishqa chaskishaq. Unë castankuna sacrificiukunata apayämuptin chaskishqänömi pëkunapis apayämuptin kushishqa chaskishaq>>.
5Llapanta mandaq Teyta Diosmi nin: <<Kikïmi qamkunata juzgayashqëki brujeriata rurayaptiki, casakushqa këkar jukwan jukwan kakuyaptiki, shutïchö änikurir mana cumpliyaptiki, uryatsikurir mana pagayaptiki, pajuta y mamannaq tëtannaq wamrakunata jipatsiyaptiki, juk lädu nunata mana alli rikäyaptiki y mana mantsakayämaptiki>>.
Diezmuta y ofrendata apayänanpaq ninqan
6<<Noqa Teyta Dios änikushqäta imëpis cumplïmi.#Núm. 23.19; Heb. 13.8; Stg. 1.17. Tsëmi unë castëkikuna Jacobta änishqäta#Gén. 28.13-15; 35.10-12. cumplir qamkunata ushakätsiyarquqtsu. 7Tsënö këkaptinpis qamkunaqa unë castëkikuna kawayashqanpita patsam leynïkunata mana cumpliyankitsu. Tsëmi llapanta mandaq Teyta Dios kar niyaq: ¡Noqaman kutiyämï! Noqaman kutiyämuptikiqa yapëmi yanapayashqëki.#Isa. 55.7; Zac. 1.3.
<<Tsënö niptïmi qamkunaqa kënö niyanki: <¿Imatataq mana cäsuyarquqtsu?>
8<<Qamkunaqa suwapëkäyämankim>>.
<<Tsënö niyaptiqmi qamkunaqa kënö nikäyämanki: <¿Imatataq qamta suwapäyarquq?>
<<Qamkunaqa suwapäyämarqunki diezmuta y ofrendata mana apamurmi. 9Qamkunaqa llapan nacionnikikunawan suwapäyämashqëkipitam maldisishqa këkäyanki.
10<<Diezmukunata llapanta apayämï wayïchö wardakunäman. Tsëmi wayïchö atska mikïkuna kanqa. Tsënöpam ciëlu punkuta kicharir qamkunaman bendicionnïta atska atskata churamushaq. Rasunpa churamunäpaq kashqäta musyariyänëkipaq diezmuta apayämï.#Lev. 27.30; Deut. 12.6; 14.22-29; 26.12; Neh. 13.12; Eze. 44.29-31. Noqa llapanta mandaq Teyta Diosmi tsënö nï. 11Mikï ushaq kurukunata ushakäratsiptïmi murukïnikikunapis alli wayunqa y üvasnikikunapis llutëpam wayunqa. Noqa llapanta mandaq Teyta Diosmi tsënö nï. 12Markëkikuna munapëllapaq kaptinmi llapan nación nunakunapis munapäyanqa. Noqa llapanta mandaq Teyta Diosmi tsënö nï>>.
Cäsuqkunata ankupänanpaq ninqan
13Mastapis Teyta Diosmi kënö nin: <<Qamkunaqa conträmi parlayarqunki.
<<Tsënö parlarirpis kënöran nikäyämanki: <¿Imatataq contrëki parlayarqü?>
14<<Qamkunaqa conträ parlarmi kënö niyarqunki: <Manakaqllapaqmi Diosta sirwintsik. Envänullataq leyninkunatapis cäsuntsik. Jutsata rurashqantsikpita llakikushqapis llapanta mandaq Teyta Diosqa manam cäsumantsiktsu. 15Nuna tukuq nunakunaqa kushishqam kawakuyan. Jutsa ruraqkunapis rïcum kayan. Teyta Diosta mana cäsuyaptinpis pëkunapaqqa ima castïgupis manam kantsu> >>.#Mal. 2.17.
16Tsëmi Teyta Diosta mantsakuqkunaqa kallpatsanakuyarqan pëta imëpis cäsukuyänanpaq. Tsënö willanakuyashqanta wiyëkurmi Teyta Diosqa rölluman shutinkunata nöpanchö qellqatsirqan imëpis yarparänanpaq.
17Llapanta mandaq Teyta Diosmi nin: <<Juzganä junaqmi tsë nunakunata ankupäshaq. Imëka cäsukuq tsurinta tëtan ankupashqannömi noqapis pëkunata ankupäshaq.#Sal. 103.13. 18Tsëmi nunakuna yapë käyikuyanqa cäsumaqkunata ankupashqäta y mana cäsumaqkunata castigashqäta, sirwimaqkunata alli rikashqäta y mana sirwimaqkunata manakaqman churashqäta>>.
Currently Selected:
Malaquías 3: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.