Malaquías 1

1Këchömi qellqarëkan Israel nunakunapaq profëta Malaquías Teyta Diospa willakïninta willakushqan.

Israel nunakunata Teyta Dios kuyanqan

2 Teyta Diosmi kënö nin: <<Noqa qamkunata imëpis kuyayaqmi.

<<Tsënö këkaptinpis qamkunaqa kënömi nikäyämanki: <¿Imanöpataq musyayäman kuyayämashqëkita?>

<<Tsëmi kënö käyitsiyaq: <¿Manaku Jacobwan Esaúqa tsë wawqilla kayarqan? Tsënö këkaptinpis unë castëki Jacobtam kuyarqä 3y Esaútanam chikirqä.#Gén. 25.23-26; Rom. 9.13. Tsëmi Esaúpa castankuna täräyashqantapis chusyaqman tikraratsishqä. Tsëchöqa chacalkunallanam pärayan> >>.#1.3 Esaú casta nunakunaqa Israel nunakunapa contranmi kayarqan. Tsëmi pëkunata ushakätsir Teyta Dios käyitsirqan Israel nunakunata kuyashqanta.#Isa. 34.5-17; 63.1-6; Jer. 49.7-22; Eze. 25.12-14; 35.1-15; Amós 1.11-12; Abd. 1-14.

4Tsëmi edomita#1.4 Edomita nunakunaqa Esaú casta nunakunam kayarqan. nunakuna kënö niyanqa: <<Markantsikkunata ushakätsiptinpis yapëmi kë nacionta sharkatsishun>>.

Tsënö niyaptinpis llapanta mandaq Teyta Diosmi nin: <<Markankunata yapë sharkatsiyaptinpis yapëmi ushakätsishaq. Tsëmi nacionninpa shutin churayanqa Jutsasapa Nunakuna Täräyashqan Nación nir. Tsënöllam niyanqa pëkunawan imëpis piñashqa këkashqäta. 5Tsënö ushakätsishqäta rikarninmi kënö niyanki: <Teyta Dios alabashqa këkullätsun. Puëdiq kashqanqa jinantin nacionkunachömi musyakanqa> >>.

Sacerdötikunata Teyta Dios qayapanqan

6Sacerdötikunapaqmi llapanta mandaq Teyta Dios nin: <<Tsurinkuna tëtanta respetayanmi. Sirwipakuq nunakunapis patronninta respetayanmi. Noqam qamkunapa tëtëkikuna y patronnikikuna këkä. Tëtëkikuna këkaptïqa ¿imanirtaq mantsakayämankitsu? Patronnikikuna këkaptïqa ¿imanirtaq cäsuyämankitsu? Qamkunaqa manakaqmanmi churëkäyämanki.

<<Tsëpitapis kënömi nikäyämanki: <¿Imachötaq qamta manakaqpaq churayarquq?> nir.

7<<Manakaqmanqa churëkäyämanki mana alli wätakunata#Lev. 22.17-25; Deut. 15.21. sacrificiukunapaq altarnïman apamurmi.

<<Tsënö nir käyitsiyaptiqpis yapëmi kënö niyämanki: <¿Imachötaq qamta manakaqpaq churayarquq?> nir.

<<Qamkunaqa manakaqpaq churëkäyämanki mana allin kaq wätakunata sacrificiupaq altarnïman apamurmi. 8Wisku wätakunata sacrificiupaq apayämushqëki ¿alli kashqantaku yarpäyanki? Jina weqruta o qeshyëkaqta apamur ¿allitatsuraq rurëkäyanki?#Lev. 22.18-25; Deut. 15.21. Tsëkunata mä gobernadornikikunata qarayänëkipaq apayë. Pëpis manam kushishqatsu chaskishunki. Noqa llapanta mandaq Teyta Diosmi tsënö nï.

9<<Tsënö manakaqpaq churaramarpis allipam rowakayämanki yanapayänaqpaq. Mana alli wätakunata sacrificiupaq apayämunqëkiwan ¿kushikunätaku yarpëkäyanki? Noqa llapanta mandaq Teyta Diosmi tsënö nï.

10<<¡Ima alliraq kanman pipis mana yëkunanpaq templupa punkunta wichqarkuyaptin! Tsënöpaqa altarnïman mana alli wätakunata pipis manam apayämunmannatsu. Tsënö apayämushqëki manam gustamantsu. Apayämuptikipis manam chaskiyashqëkitsu.#Isa. 1.13; Amós 5.21-24.

11<<Inti yarqamunan lädupita hasta inti jeqanan läduyaqmi atska nacionkunachö shutïta sumätsir shumaq sirwiyäman. Jinantinchömi inciensuwan sawmayan y tsaki mikïkunata altarkunaman apayan. Tsënö rurarmi jinantinchö respetayäman. Noqa llapanta mandaq Teyta Diosmi tsënö nï.

12<<Tsënö kaptinpis qamkunaqa altarnïta mana respetarmi kikïtapis mana respetëkäyämankitsu. Mana munashqäta altarnïman apayämurmi manakaqpaq churayämanki. 13Tsënöllam nikäyanki sirwiyämashqëki alläpa sasa kashqanta. Sirwimarpis janan shonqullam sirwiyämanki. Altarnïmanqa sacrificiupaq apëkäyämunki suwakï wätata, weqru wätata y qeshyëkaq wätata. Tsë wätakunata ¿chaskinäpaq kashqantaku yarpëkäyanki?

14<<Noqaqa llapanpaq puëdiq reymi këkä. Jinantin nacionkunachömi mantsayäman. Qamkunaqa orqu wätakunapita sänu kaqta apayämunëkipaq änirirpis dañashqa kaqta altarnïman apamurmi maldisishqa kayanki. Noqa llapanta mandaq Teyta Diosmi tsënö nï>>.

Currently Selected:

Malaquías 1: qwhB

Highlight

Copy

Compare