Oseas 9
9
Israel nunakunata nacionninpita qarqunanpaq ninqan
1Israel nunakuna, mañösa warmi qowanta jaqiriqnömi qamkunapis Teyta Diosta jaqiriyarqunki.
Cosëchëkikuna alli kananta munar juk diosmanmi markäkïkäyanki.
Prostitüta warmi qellëpaq rëkur juk nunawan punushqannömi qamkunapis këkäyanki.
Tsënö këkarqa cosëchata ëlluyashqëkipita ama kushikuyëtsu.
Wakin nación nunakunanöqa kushikïpita ama pintikachäyëtsu.
2Trïgupis mikuyänëkipaq ni vïnupis upuyänëkipaq manam tinkunqatsu.
3 Teyta Dios qoyäshushqëki nacionchö täräyänëkipa rantinqa Egiptumanmi kutiyanki.#9.3 Egiptumanmi kutiyanki nirqa unë castëkikuna Egiptuchö jipayashqannömi qamkunapis juk nacionchö jipayanki ninmi.
Asiriachö tärarmi mana mikuyänëkipaq kaq impüru mikïkunata mikuyanki.
4Tsëchöqa manam Teyta Diospaq vïnutapis altarman jichayankinatsu.
Sacrificiuta kayayaptikipis manam chaskiyäshunkinatsu.
Ayata yataq nuna impüru kashqannömi mikïnikikunapis impüru kanqa.
Tsë mikïkunata pipis mikurqa impürum tikrarinqa.
Manam Teyta Diospa templunman apayänëkipaqnötsu kanqa, sinöqa kikikikuna mikuyänëkillapaqmi.
5Tsënö kaptinqa ¡imataraq rurayanki Teyta Diosta adorar fiestata rurayänëki junaq!
6Asiria nunakuna mana ushakätsiyäshunëkipaq ëqipa ewkurmi Egiptuchöna täräyanki.
Wayikikunapita juklla yarqurmi qellënikikunatapis jaqiriyanki.
Qellëniki kanqanchö shinwallam winanqa.
Wayikikunachö kashakunallam winanqa.
Egiptuchö wanukuyaptiki Menfis mana reqiyashqëki markamanmi pampayäshunki.
Profëtakuna willakuyanqanta Israel nunakuna mana chaskiyanqan
7Israel nunakunata Teyta Dios castiganan junaqkuna chäramushqanam.#Luc. 21.22.
Jutsata rurayashqëkimannömi juzgayäshunki.
Alläpa jiparran Teyta Dios castigayäshushqëkita käyikuyanki.
Qamkunaqa profëtakunatapis <<upayashqa mana käyikuq>> nikäyankim.
Tsënöllam Teyta Diospa willakuqninkunatapis <<löcu>> nikäyanki.
Tsënö nikäyanki alläpa jutsasapa y chiki karmi.
8Kikin Teyta Diosmi profëtata churashqa Israelchö rikachakuqnö kayänanpaq.#Jer. 6.17; Eze. 3.16-21; 33.7-9.
Tsënö këkaptinpis mana alliman churakänanpaq toqllata churaqnömi këkäyanki.
Profëtakunata chikirmi Teyta Diospa templunchöpis contran shärikäyanki.
9Gabaachö unë nunakuna alläpa jutsasapa kayashqannöllam#Jue. 19.22-26. qamkunapis jutsasapa këkäyanki.
Tsënö kayashqëkitaqa Teyta Dios yarparëkanmi.
Pëmi llapan jutsëkikunapita castigayäshunki.
Israel nunakunapa wamrankuna jipayänanpaq ninqan
10 Teyta Diosmi nin:
<<Chusyaq jirkachö üvasta tarïkur kushikuqnömi unë Israel nunakunata tarïkur kushikurqä.
Unë castëkikunaqa punta poquq hïgusnömi kushikïpaq këkäyarqan.
Tsënö kaptinpis Baal-peor partiman chëkurnam tsëchö adorakuyashqan diosta adorar alläpa penqakïpaq tikrakuriyarqan.#Núm. 25.1-5.
Adorayashqan dios mana väliq kashqannöllam pëkunapis mana väliq tikrakuriyarqan.
11<<Imëka pishqukuna juklla pärir#9.11 Wakin nunakunaqa bolar niyanmi. ëwakuqnömi noqapis pëkunata jaqirir ewkushaq.
Tsëmi warmikunapis qeshyaqyäyanqanatsu ni wawatapis tariyanqanatsu.
12Yurikuq wamrakunatapis chipyëpam ushakäratsishaq.
¡Allaw! Jaqiriptï ankupëpaqmi jipayanqa.
13Israel naciontam rikashqä kuyëllapaq Tiro markatanö.
Tsënö këkarpis mana cäsumarmi tsurinkunata castïguman apaqnö këkäyan.
Castigaptïmi tsurinkunapis wanutsishqa kayanqa>>.
14Teyta Dios, jutsankunamannö Israel nunakunata castiguë.
Warminkunapis qolloq tikrayätsun.
Wawankuna yurikuyaptinpis lichinkuna ama katsuntsu.
15 Teyta Diosmi nin:
<<Gilgalchömi jutsa rurëta qallayarqan.#1Sam. 13.8-15; 15.10-23.
Tsëchömi Israel nunakuna piñatsiyämarqan.
Tsëmi wayinpita pitapis qarquriqnö noqapis nacionnïpita qarqurishaq.
Autoridäninkunapis mana cäsuyämaptinmi Israel nunakunata manana kuyashaqnatsu.
16Efraín nunakunaqa qarwashyashqa qoranömi këkäyan.
Sipin#9.16 Wakin nunakunaqa watsin o jawan niyanmi. tsakishqa monti manana wayushqannömi pëkunapa wamrankunapis kanqanatsu.
Wamrankuna kaptinpis llapantam wanutsir ushashaq>>.
17Efraín nunakuna mana cäsukuq kayashqan rëkurmi Teyta Dios jaqirinqa.
Nacionninpita qarqushqa karmi wak lädupa kë lädupa purikurlla kakuyanqa.#Deut. 28.64-65.
Currently Selected:
Oseas 9: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
