Popular Bible Verses from Oseas 9

Share

Efraín nunakuna mana cäsukuq kayashqan rëkurmi Teyta Dios jaqirinqa. Nacionninpita qarqushqa karmi wak lädupa kë lädupa purikurlla kakuyanqa.

Israel nunakuna, mañösa warmi qowanta jaqiriqnömi qamkunapis Teyta Diosta jaqiriyarqunki. Cosëchëkikuna alli kananta munar juk diosmanmi markäkïkäyanki. Prostitüta warmi qellëpaq rëkur juk nunawan punushqannömi qamkunapis këkäyanki. Tsënö këkarqa cosëchata ëlluyashqëkipita ama kushikuyëtsu. Wakin nación nunakunanöqa kushikïpita ama pintikachäyëtsu.

Israel nunakunata Teyta Dios castiganan junaqkuna chäramushqanam. Jutsata rurayashqëkimannömi juzgayäshunki. Alläpa jiparran Teyta Dios castigayäshushqëkita käyikuyanki. Qamkunaqa profëtakunatapis <<upayashqa mana käyikuq>> nikäyankim. Tsënöllam Teyta Diospa willakuqninkunatapis <<löcu>> nikäyanki. Tsënö nikäyanki alläpa jutsasapa y chiki karmi.