Oseas 2

1 1 (3) Tsëmi ollqu kaqkunata niyanki: <Teyta Diospam kayanki> nir.

Warmi kaqkunatanam niyanki: <Teyta Dios ankupashqankunam kayanki> >> nir.

Israel nación nunakunata prostitütaman iwalatsinqan

2 2 (4) Teyta Diosmi Israel nunakunata kënö nin:

<<Mamëkikunata mana ankupashpa piñapäyë.

Kananpitaqa manam warmïnatsu kanqa.

Noqapis manam qowannatsu kashaq.

Noqawan amishtëta munarqa amana prostitüta katsunnatsu.

Waqurashqan wënankunata jaqiritsunna.#2.2 Israel nunakunapa mamäninpaq parlarqa nacionninpaqmi parlëkan. Wënankunapaq parlarqa Baal dioskunapaq y ïdulukunapaqmi parlëkan. Tsëkunata adorayaptinmi prostitütanö kayashqanta Teyta Dios nirqan.

3 3 (5) <<Mana jaqiriptinqa penqakunanpaqmi qalapachar mamawachëta jaqirishaq.#Isa. 47.1-3; Eze. 16.37-39; Apoc. 17.16.

Paqwë chusyëkaqtam tikraratsishaq.

Usyawan castigaptïmi yakunëllawan wanunqa.

4 4 (6) Qamkunatapis wachapakï kayaptikim#2.4 Diosta adorakuyänanpa rantin Israel nunakuna ïdulukunaman creyikuyaptinmi Teyta Diosnatsu tëtankuna karqan, sinöqa tsë ïdulukunam. Tsëmi Israel nunakuna wachapakï kayashqanta nirqan. ankupäyashqëkinatsu.

5 5 (7) Mamëkiqa mana penqakuq prostitüta karmi kënö nirqan:

<Ëwashaq wënäkunamanmi.

Pëkunam qoyämanqa mikïta, yakuta, millwata, lïnuta, aceitita y upyanäpaq kaqkunatapis>.#Jer. 2.23-25; 3.1-2; Ose. 4.12-14.

6 6 (8) <<Tsëmi purinan nänikunatapis kashakunawan tsapashaq.#2.6 Purinan nänikunapaq parlarqa kawëninpaqmi parlëkan.

Nänita ashirpis mana tarinanpaqmi jinantinpa tsapashaq.

7 7 (9) Paqwë löcayëparan wënankunata ashinqa.

Mana tarïkurmi yarpakachar kënö ninqa:

<Mas allim amishtakushaq punta kaq qowäwan.#2.7 Punta kaq qowanpaq parlarqa Teyta Diospaqmi parlëkan.

Pëwanqa mas allim kawakurqä>.

8 8 (10) <<Tsënö nikarpis mamëkiqa manam mäkunqatsu trïguta, vïnuta y aceititapis noqa qoshqäta.

Noqam qellëtapis qoritapis qorqä.

Tsënö këkaptinpis tsë qellëta y qoritam aparqan Baalta adorar.

9 9 (11) Tsëmi kananqa trïguta cosechayänan këkaptinpis ëllukurkushaq.

Tsëraq rurashqa vïnutapis kutitsikushaqmi.

Ratashnin rurananpaq qoshqä millwatapis lïnutapis ëllukurkushaqmi.

10 10 (12) <<Kananqa wënankuna rikarëkäyaptinmi penqakïpaq qalapachäshaq.

Makïpitaqa manam imanöpapis safanqatsu.

11 11 (13) Fiestankunata rurar kushikuyashqanpis ushakärinqam.

Manam llullu killa fiestatapis ni jamakï junaqtapis ni wakin fiestakunatapis ruranqanatsu.#Isa. 1.12-14; Amós 5.21-23.

12 12 (14) Pëqa nikan üvas chakrankunata y hïgus montinkunata wënankuna qarayashqantam.

Tsë üvas chakrankunata y hïgus montinkunata ushakätsishaqmi.

Qorakunallana tsëchö winaptinmi chucaru animalkuna tsëchö mikuyanqa.

13 13 (15) Tsënö rurashaq Baal diosninkunata inciensuwan sawmashqan rëkurmi.

Pëqa qonqëkamarmi wallqankunata y sortïjankunatapis yakakurkur wënankunaman ëwëkan>>.

Teyta Diosmi tsënö nin.

Israel nunakunata ëllunanpaq Teyta Dios ninqan

14 14 (16) <<Tsënö këkaptinpis noqawan yapë kuyanakunanpaqmi chusyaqman pushëkur alli shimïllapa parlapäshaq.

15 15 (17) Üvas chakrankunatapis kutitsishaqmi.

Acor Pampatam#Jos. 7.24-26. tikratsishaq bendición punku kananpaq.#2.15 Acor ninanqa desgracia ninanmi. Tsëmi Acor Pampatam tikratsishaq bendición punku kananpaq nishqanqa desgracia pasashqanta tikratsishaq bendición kananpaqmi ninanmi.

Tsënam yapë cäsumanqa shipash kar Egiptupita jorqamushqä witsan cäsumashqannö>>.

16 16 (18) Teyta Diosmi nin: <<Tsëpinmi <Teyta Baal> nimänëkipa rantin <qammi ollqü kanki> nimanki.#2.16 Tsë witsanmi Baalpa shutinchö Teyta Diosta adorayanqanta Israel nunakuna yarpäyarqan.

17 17 (19) Baalpa shutinkunata mananam imëpis sumätsinkinatsu.

18 18 (20) Tsëpinmi mana atacashunëkipaq pactuta rurashaq chucaru animalkunawan, päriqkunawan#2.18 Wakin nunakunaqa bolaqkunawan niyanmi. y pachanpa y lätëpa puriqkunawanpis.

Espädapis, flëchapis ni ima armakunapis qam kaqchö manam kanqanatsu.

Yamënam punukunki.

19 19 (21) Noqapa warmïnam imëyaqpis kanki.

Qamwan casakurmi imëpis kuyashqëki.

Manam jitapakï warmïtsu kanki, sinöqa legïtimu kaq warmïnam kanki.

20 20 (22) Warmï kaptikim imëpis jaqishqëkitsu.

Ankupäkuq Teyta Dios kashqäta käyirmi kuyamanki>>.

21 21 (23) Teyta Diosmi nin: <<Tsëpinmi tamyamunanpaq mañakayämaptiki ciëluta mandashaq tamyatsimunanpaq.

22 22 (24) Tamyaptinmi trïgupis, üvaspis y olïvupis alli wayunqa.

Tsënöpam Jezreelpaq#2.22 Jezreel nirqa Israel nunakunapaqmi parlan. Jezreel ninanqa Diosmi murun ninanmi. bendición kanqa.

23 23 (25) Muruta muruqnöpis nacionnikikunamanmi kutitsiyämushqëki noqallatana adorayämänëkipaq.

Lo-ruhama#2.23a Lo-ruhama ninanqa mana kuyashqa ninanmi. shutiki kananpaq nishqa karpis kananqa kuyayashqëkim.

Lo-ammi#2.23b Lo-ammi ninanqa manam noqapatsu ninanmi. shutiki kananpaq nishqa karpis kananqa <noqapanam kayanki> niyashqëkim.#Zac. 13.9; Rom. 9.25; 1Ped. 2.10.

Qamkunanam kënö niyämanki: <Japallan Diosnïkunam këkanki> >>.

Currently Selected:

Oseas 2: qwhB

Highlight

Copy

Compare