Oseas 3

Warminwan Oseas amishtanqan

1 Teyta Diosmi yapë kënö nimarqan: <<Warmiki juk ollquwan engañëkäshuptikipis pëwan amishtë. Tsënöpam Israel nunakuna käyikuyanqa qowanta engañaq warminö këkäyaptinpis pëkunata imëpis kuyashqäta. Pëkunata juk dioskunapa shutinchö päsasyuq biscuchukunata kushishqa mikuyaptinpis kuyämi>>.

2Tsënö nimaptinmi warmïta kutitsimänanpaq pagarqä chunka pitsqa siclo qellëta#Éxo. 21.32; Lev. 27.4. y kima pachak kima chunka (330) kïlu cebädata. 3Amishtarirmi nirqä: <<Kananpitaqa noqallapanam warmï kanki. Juk ollquwan amana pununakunkinatsu. Noqawan amishtashqa këkarpis manam oqllanakushunraqtsu, sinöqa atska junaq pasarkuptinran punushun>>.

4Tsënömi Israel nunakunapapis atska watayaq kanqatsu reyninkuna ni autoridäninkuna. Manam Teyta Diospaq sacrificiutapis kayayanqatsu ni juk diosta adorar wanka rumitapis shäritsiyanqatsu. Manam ni sacerdötikunapis ni wayinkunachö ïdulunkunapis kanqanatsu. 5Tsëpitanam Israel nunakuna perdonta mañakur Teyta Diosta ashiyanqa. Tsënöllam David casta reynintapis cäsuyanqa. Shamuq watakunachömi Teyta Diosta mantsakur bendicionninkunata kushishqa chaskiyanqa.

Currently Selected:

Oseas 3: qwhB

Highlight

Copy

Compare