Oseas 13
13
Israel nunakuna castigashqa kayänanpaq ninqan
1Nöpataqa Efraín nunakuna käyitsiyaptin Israelchö wakin trïbukuna chaskikuyaqmi.
Tsënö këkarpis Baal diosta adorakurmi Efraín nunakunaqa wanushqanöna këkäyan.
2Jutsa rurëtaqa manam jaqiriyantsu.
Yulaq qellëta fundirkatsirmi munayashqanmannö ïdulukunata rurëkätsiyan.
Tsënö rurarirnam niyan: <<Ïduluntsikpaq llapantsik sacrificiuta kayashun>>.
Tsënö nirmi wishi niraq ïduluta mutsayan.
3Tsëmi patsa waräriptin pukutëpis y shullapis#13.3 Wakin nunakunaqa shulyapis niyanmi. illakäriqnö illakäyanqa.
Tsaki päjata vientu apakushqannöllam y jornupita qoyë yarqur ëwakuqnöllam illakäyanqa.#Sal. 1.4; Jer. 13.24; Sof. 2.2.
4 Teyta Diosmi nin:
<<Egiptuchö unë castëkikuna kayashqanpita patsam Teyta Diosnikikuna këkä.
Noqallam salvadornikikuna këkä.
Tsënö këkaptïqa imamanpis ama <diosnï> nir markäkuyëtsu.#Éxo. 20.2; Isa. 43.11; 45.21.
5<<Unë castëkikuna chusyaq jirkapa puriyaptin noqam täparqä.
6Qamkunatapis pacha junta mikuyänëkipaq mikïkunata qoyaptiqmi nuna tukuq tikrakuriyarqunki.
Tsëmi qonqëkamar cäsuyämarqunkinatsu.#Deut. 8.11-17.
7Tsënö kayaptikim imëka leonnö y nänichö tigri ratakïkur atacaqnö atacayashqëki.
8Wawankunata suwaqta ösu atacaqnömi qamkunatapis ushakätsiyashqëki.
Imëka león atacar ushaqnömi pasëpa ushakätsiyashqëki.
Imëka mikukuq wätanömi rachir ushakätsiyashqëki.
9<<Israel nunakuna, yanapëkäyaptiqpis conträ kayaptikim ushakätsiyashqëki.
10Mandakuq reynikikuna kayänanpaqmi unë castëkikuna autoridäninkunata mañakuyarqan.#1Sam. 8.5-6.
Kananqa ¡mëchötaq tsë rey këkan salvayäshunëkipaq!
Autoridänikikunapis ¡mëchötaq këkäyan yanapayäshunëkipaq!
11Mandakuq reynikikuna churanäpaq mañakayämaptinmi piñashqa këkarpis reyta churarqä.#1Sam. 10.17-24.
Y kananpis qamkunawan piñashqa karmi reynikikunata ushakätsishaq.#1Sam. 15.26.
12<<Qamkuna jutsata rurayashqëkiqa llapanmi libruchö qellqarëkan.
13Warmita qeshpikï nanë tsariptin jipashqannömi qamkunapis jipayanki.
Qeshpikunan höra nanatsikï tsariptinpis yurikunanpaq wamra tsakakashqa këkaqnömi caprichüdu kayanki.
Tsë wamra tsakakashqa kar mamäninpa pachanllachö wanuqnömi qamkunapis wanuyanki.
14<<¿Wanïpita salvashqëkitsuraq?
¡Manam!
¡Ä wanï! ¡Ushakätsikuq kënikiwan yarqamï!
¡Ä sepultüra! ¡Oqllaräkuq kënikiwan shamï!
Tsë nunakunata manam ankupäshaqnatsu.#1Cor. 15.55.
15<<Israel nunakuna, alläpa rïcuyarnin kuyëllapaq wëtanö kayaptikipis ushakätsiyashqëkim.
Achachaq vientu chusyaq jirkapita shamur yakuta y pukyukunata tsakiratsishqannöllam qamkunatapis ushakäratsiyashqëki.
Contrëkikuna shamurmi riquëzëkikunata y alhäjëkikunatapis qochiyäshurniki apakuyanqa.
16 16 (14.1) Samaria marka ushakanqam.
Conträ tikrakuriyashqëki rëkurmi espädawan wanutsiyäshunki.
Tsurikikunatapis patsachömi sheqikacharkuyanqa.
Qeshyaq warmikunapa pachantapis qashqariyanqam>>.
Currently Selected:
Oseas 13: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
