Oseas 14
14
Teyta Diosman yapë markäkuyänanpaq willapanqan
1 1 (2) Israel nunakuna, jutsata rurayashqëki rëkurmi castïguman ishkiyarqunki.
Tsënö këkarqa kuyashuqniki Teyta Diosman kutikuyë.
2 2 (3) Teyta Diosman kutikur pëta rowakur kënö mañakuyë:
<<Teyta, llapan jutsäpita perdonëkalläyämë.
Ankupäyämar chaskïkalläyämë.
Alabayashqaqmi qampaq ofrenda kanqa.#Isa. 55.6-7.
3 3 (4) Asiria nunakunaqa manam salvayämanqatsu.
Ni cawallukunata montarkur pelyarpis manam venciyäshaqtsu.
Nuna rurashqankunataqa manam <Diosnïmi kanki> nir adorayäshaqnatsu.
Qamllaman markäkayämuptinmi mamannaq tëtannaq wamrakunataqa ankupëkunki>>.
Israel nunakunata perdonananpaq Teyta Dios ninqan
4 4 (5) Teyta Diosmi nin:
<<Piñakïnï pasariptinmi imëyaqpis cäsuyämänëkipaq yanapayashqëki.
Jutsata rurayashqëkipitapis perdonayashqëkim.
5 5 (6) Bendicionnïta churamur shullanömi#14.5a Wakin nunakunaqa shulyanö niyanmi. qamkunapaq këkäshaq.
Qamkunanam liriu wëta kuyëllapaq wëtashqannö kayanki.
Líbanuchö jatusaq cedru monti shumaq sipiyuq#14.5b Wakin nunakunaqa watsiyuq o jawayuq niyanmi. kashqannömi kayanki.
6 6 (7) Olïvu montikunapa rämankuna pallqar mashtakashqannömi qamkunapis atskaman mirayanki.
Líbano jirkachö cedru pukutaptin kushikïpaq kashqannömi qamkunapis kushikïpaq kayanki.
7 7 (8) Qamkunaqa yapëmi noqapa munënïchö kawakuyanki.
Trïgu espïgarëkaqnö y üvas tseqllirëkaqnömi kayanki.
Líbanuchö wayuq üvaspita rurashqa vïnu alli kashqanta jinantinchö parlayashqannöllam qamkunapaqpis alli kawakuyashqëkita jinantinchö parlayanqa.
8 8 (9) Noqam qamkunataqa täpëkäyaq.
Noqam rämasapa pïnu montinö tsapayänaqpaq këkä.
Noqam llapanchöpis yanapëkuyänaqpaq këkä.
Tsëta käyikurirmi kënö niyanki: <¡Ïdulukunaqa manam imapaqpis sirwintsu!> >>
9 9 (10) Yachëyuqkunaqa y alli yarpëyuqkunaqa kë willakïta käyikuyätsun.
Teyta Diospa näninqa derëchum.#14.9 Teyta Diospa näninqa derëchum ninanqa Teyta Dios munashqannö kawar jutsata ama rurayëtsu ninanmi.
Alli nunakunaqa tsë nänipa purirpis manam ishkiyantsu.
Jutsasapakunaqa tsë nänipa purirpis lutskayanmi.
Currently Selected:
Oseas 14: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
