Oseas 12
12
1 1 (2) Efraín nunakunaqa pasëpa ulikïllaman y wanutsinakïllaman yarparäkurmi Asiria nunakunawan pactuta rurëkäyan.
Egipto nacionwanpis pactuta rurarmi aceitita apëkätsiyan.
Tsë nacionkunawan pactuta rurarqa vientullawan pachankuna juntananpaq kashqanta yarpaqnömi manakaqllapaq rurëkäyan.
Inti yarqamunan kaq lädupita shamuq achachaq vientuta junaqninpi qatipaq nunanöllam manakaqkunata rurëkäyan>>.
2 2 (3) Judá nunakunawanpis Teyta Dios piñashqam këkan.
Tsëmi jutsata rurayashqanmannö castiganqa.
3 3 (4) Unë castantsik Jacobpis wawqinpa atakanta aptakushqam yurikurqan.#Gén. 25.26.
Poqurkurnam Teyta Dioswan pelyarqan.
4 4 (5) Angelwan pelyar#12.4 Tsë angelqa Teyta Diosmi karqan (Gén. 32.30). vencirirmi waqarnin bendicionninta qonanpaq rowakurqan.#Gén. 32.24-28.
Tsëpitanam Bet-elchö Teyta Dios yuripur parlaparqan.#Gén. 28.10-22.
5 5 (6) Pëmi llapanta mandaq Teyta Dios këkan.
¡Pëpa shutinpis Yahwehmi këkan!
6 6 (7) Tsënö këkaptinqa jutsata rurayashqëkita jaqirir Teyta Diosta perdonta mañakuyë.
Teyta Diosta äniyashqëkinölla leyninkunata cäsukur kawakuyë.
Kuyashuqniki Teyta Diosman imëpis markäkuyë.
7 7 (8) Teyta Diosmi nin:
<<Qamkunaqa cananeo nunakunanömi nuna mayikikunata pësuwan engañëkäyanki.
Nuna mayikikunata engañëmi gustayäshunki.
8 8 (9) Tsënö engañakurmi kushishqa kënö nikäyanki:
<Alläpam rïcuyarqü.
Negociupaq suertï kanmi.
Nunakunata engañashqäta manam pipis musyariyantsu>.
9 9 (10) Tsënö nirpis käyikuyë unë castëkikuna Egiptuchö kayashqanpita patsa Teyta Diosnikikuna kashqäta.
Tsëmi castigayaptiq toldukunallachö täräyanki Ramäda fiestata rurar täräyashqëkinö.#Lev. 23.42.
10 10 (11) <<Jutsëkikunata jaqiriyänëkipaqmi profëtakunawan willakatsimurqä.
Willapäyäshunëkipaqmi suëñïninkunachöpis yapëkuryan revelarqä.
Imawanpis iwalatsikïpa käyitsiyäshunëkipaqmi kachamurqä.
11 11 (12) <<Galaad partichö täraq nunakunaqa ïdulukunata manakaqllapaqmi sirwiyan.
Gilgalchö täraq nunakunapis törukunata pishtar juk dioskunapaqmi sacrificiukunata altarkunachö rupëkätsiyan.
Tsëmi altarninkunatapis llapanta shallur ushakäratsishaq.
Perqayashqan rumikunapis chakrachömi ramakashqa jitaräyanqa>>.
12 12 (13) Unë castantsik Jacobqa Aram partimanmi ewkurqan.
Tsëchömi üshata mitsipakurqan warmipaq rëkur.
13 13 (14) Tsëpita unëtanam Israel nunakunata Egiptupita juk profëtawan Teyta Dios jorqamurqan.#Éxo. 12.50-51.
Tsë profëtawanmi pëkunata täpatsirqan.
14 14 (15) Tsënö këkaptinpis qamkunaqa Teyta Diosta alläpam piñëkätsiyanki.
Paqwë jutsayuq kayashqëki rëkurmi Teyta Dios castigayäshunki.
Castigashqa kayänëkipaqqa kikikikunam jutsayuq këkäyanki.
Currently Selected:
Oseas 12: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
